ভারতকী প্রধানমন্ত্রী

প্রধানমন্ত্রী শ্রী নরেন্দ্র মোদীনা লুচীংবা কেন্দ্রগী মন্ত্রীমন্দলদা সাইন্স, তেক্নোলোজী, এগ্রিকলচরনচিংবা লমশিংদা নাকল অনিগী কান্ননবগীদমক্তা ইন্দিয়ন নেস্নেল সাইন্স একাদমী (আইএনএসএ) অমসুং বেলরুসকী নেস্নেল একাদমী ওফ সাইন্সেস (এনএএসবি)গী মরক্তা সাইন্তিফিক অমসুং তেক্নোলোজীকেলগী তেংবাং পীননবগীদমক তৌনবা য়ানা ৱারোল অমগী মতাংদা খঙহনখ্রে।

য়ানা ৱারোল অসি বেলরুসকী রাষ্ট্রপতি, শ্রী অলেকজেন্দর লুকাশেঙ্কোগী ভারতকী খোংচৎ মনুংদা সেপ্তেম্বর ১২, ২০১৭তা নই দিল্লীদা পাংথোকখি।

য়ানা ৱারোল অসিগী পান্দম ভারত অমসুং বেলরুসতগী মালেমগী থাক্তা কম্পেতিতিব তেক্নোলোজীশিং শকখঙবা, মমল লেপ্পা, চাউখৎ থৌরাং অমসুং কমর্সিয়েলাইজেসন তৌবনি। মসিনা লৈবাক অনি অসিদা সাইন্তিফিক অমসুং ইকোনোমিক্কী খুদোংচাবগীদমক থিজিনবা, সাইন্স, তেক্নোলোজী ত্রান্সফর, চৎথোক-চৎশিন তৌনবা অমসুং অপুনবা ৱার্কশোপশিংগী থোংদা মহৈ তমফমশিংদা মতেং পীগনি।