ভারতকী প্রধানমন্ত্রী

ঐনা সরদার পতেল হায়রকপদা – অদোম পুম্নমক্না খুৎ অনিমক থাংগৎপীদুনা হায়বীয়ু অমর ওইরসনু, অমর ওইরসনু।

সরদার পতেল – অমর ওইরসনু, অমর ওইরসনু।

সরদার পতেল – অমর ওইরসনু, অমর ওইরসনু।

সরদার পতেল – অমর ওইরসনু, অমর ওইরসনু।

মরূপশা, ঐখোয় ময়াম্না সরদার বল্লভ ভাই পতেলগী ৱাখল্লোন অদু হৌজিক হৌজিক তাখ্রে। মহাক্কী খোঞ্জেলনা ঐখোয়গী নাকোংদা ঙংদুনা লৈবা, মহাক্কী ৱাখল্লোনশিং অদু হৌজিক্কী মতম অসিদা মরু ওইরকপা, মিৎকুপ খুদিং অপুনবা অমদি খেন্নবা কয়া অসিগী মরমদা খন্দুনতা লৈবা মসি, ঙসি মাগী ৱাহৈ অমমমদগী, মহাক্কী খোঞ্জেলদগী ঐখোয়না খঙবা ঙমলে। মহাক্কী খোঞ্জেলদা চেল্লিবা পাঙ্গল, মহাক্কী ৱাখল্লোন্দা য়াওরিবা ইথিল, পুম্নমক অসি হিন্দুস্তানী পুম্নমক্না খঙবা ঙম্মি অমসুং মসিসু য়াম্না মরু ওইরি মদুদি ঐখোয়না সরদার সাহেবকী খোঞ্জেল অসি মহাক মক্কী খ্বাইদগী ৱাংবা মীতম অসিদগী তাবা ফংখিবনি।

মরূপশা, করিগুম্বা লাইনীংগী মফম অমদা লাক্লগা লোইনাইদবা ইংথবা ফাওজবা, অনৌবা থৌনা ফংজবা অদুগুম্নমক ঐনা সরদার সাহেবকী মনাক্তা লাকচবা অসিদা ফাওজরি। ফাওরকই মহাক্কী শক্তম অসিগীসু মশাগী শক্লোন অমা লৈ, তৌবা ঙম্বা লৈ, পাউজেল লৈ, তুংগী উবা ঙম্বা অদুমক অমসুং অদুক্কী মতিক শেংবা অদুমক লৈবাক্কী তোঙান তোঙানবা কাচিন্দগী, লৌমীশিংদগী ফংলকপা য়োৎশিংদগী, তোঙান তোঙানবগী মফমগী লৈবাক্তগী মসিগী চাউরবা মীতম অসি শাখিবনি, মসিগী য়ুম্ফম থোনখিবনি অমসুং মরম অদুনা মীতম অসি খেন্নবশিংগী মরক্তা অপুনবগীসু অহিংবা খুদম অমনি, অহিংবা পাউজেল অমনি।

মরূপশা, ঙসিদগী চহি অমগী হেক মমাংদা মালেমগী খ্বাইদগী ৱাংবা মীতম অসি লৈবাক অসিদা শিন্নখিবনি। ঙসিদি মীতম অসিনা শুপ্নগী ভারত মচাশিংবুতা নত্তনা, মালেম্বা পুম্বা অসি মমিৎ থক্কৎহল্লি, ইথিল পীবীরি। ঙসি ইথিন পোক্নফম ওইরিবা মফম অসিদগী সরদার বল্লভ ভাই পতেলবু ইকাই খুম্নবা উৎচরদুনা লৈবাক অপুনবা অসিনা চাউথোকচবা পোকচরি।

হৌজিক্তগী মতম খরগী মমাংদগী লৈবাক্কী অপুনবগী পাউজেল অমুক হন্না পীননবা, অপুনবগী লাইশোন অদুবু হিংহন্নবগীদমক্তা, অপুনবগী ৱাখল্লোন অদুবু মশক থোকহন্নবগীদমক্তা, অপুনবা অসি ঐখোয়গী লোনচৎকী ইচেলনি, অপুনবা অসি ঐখোয়গী তুংগী মঙলানগী খ্বাইদগী চাউবা ঙাকলৌনি অমসুং মসিদা পুক্নীং লুপ্লদুনা  রন ফোর য়ুনিতী – লৈবাক্কী অপুনবগী লমজেল অসি হিন্দুন্তানগী কাচিন কোয়া পুম্নমক্তা পাংথোক্লি। লৈবাক অসিগী তোঙান তোঙানবা শহরশিংদা, খুঙ্গংশিংদা, তোঙান তোঙানবা মফমশিংদা, লৈবাক্কী মীয়াম্না, নহা-অহল পুম্নমক্না, নুপা-নুপী পুম্নমক্না থোরক্তুনা মসিদা শরুক য়াররি। মফম অসিদসু ঙসি লৈবাক্কী এক্তা পেরেদসু পাংথোক্লি। অসিগুম্বা চাউরবা থৌরমশিং অসিদা শরুক য়াবীরিবা লৈবাক মচা পুম্নমক্কী মফমদা নুংঙাইবা ফোংদোকচরি।

মরূপশা, মালেম অপুনবা অসিদা তোঙান তোঙানবা লৈবাক, তোঙান তোঙানবা লাইনীং, তোঙান তোঙানবা ৱাখল্লোন, তোঙান তোঙানবা লোন, তোঙান তোঙানবা শক-চু, মালেম অসিদা লৈবাক পুম্নমক শেম্ননবা মীয়াম্না পুনশিন্নদুনা কাংলুপ হায়বদু শেমখি। অদুবু ঐখোয়না মসি কৈদৌঙৈদসু খক কাওদে ঐখোয়না করি করিগুম্বা মতমদা উবা ফংই মদুদি অমত্তা ওইবা মশক অসিনা লৈবাক অদুগী মগুন ওইদুনা লাক্লি, শক্তাক ওইদুনা লাক্লি অমসুং মদুবু মতম চুপ্পদা য়াম্না ফবা কাংলোন অমদা     ঙাক্তুনা থম্নবসু হোৎনদুনা লাক্লি। অফববু ওইরো, ফত্তববু ওইরো, অচুম্ববু ওইরো, অরানববু ওইরো পুৱারীনা মদুগী মমল লেপ্তুনা লাক্লি অদুবু য়াম্না কন্না হোৎনবদি তাই।

অদুবু ভারতকী মশক অসিদি তোঙাল্লি। ভারতকী থোইদোক হেন্দোকপদি ভারতকী মখল-মখা কয়া অসিগী অপুনবা অসিনি। ঐখোয় মান্নবা কয়ামরুম্না কোইশিন্দুনা লৈরি। মখল-মখা কয়া অসিগী অপুনবা অসি ঐখোয়গী চাউথোকচবনি, ঐখোয়গী ইকাই খুম্নবনি, ঐখোয়গী শক্তাক্নি। ঐখোয়গী অসিদা মখল-মখা অসি দাইভর্সিতী অসি সেলেব্রেৎ তৌই। ঐখোয় মখল-মখা অসিদা কৈদৌনুংদসু, মমাংঙৈদগী মখল-মখা অসিদা খেন্নবা করিসু উরক্তে, অদুবু ঐখোয় মখল-মখা অসিগী নুংদা চেল্লিবা অপুনবা অদুগী পাঙ্গল অদু উরক্লি।

মান্নবগী সেলেব্রেসন, মখল-মখাগী থৌরমনা মসিগী নুংদা লোৎলিবা অপুনবা অদু ফোংদোকই, মসিবু ফোংদোক্তুনা মপান্দা পুথোরকই, হিংবগী ইথিল পোকহল্লি, পুনশিন্নবগী ইনোৎ হাপ্লি, পন্থুংগা লোইননা মখোয় মখোয়গী পান্দম হাপচিল্লি অমসুং পন্থুং অদু ফংবসু ওইরি।

ঐখোয়না লৈবাক অসিগী তোঙান তোঙানবা লোনশিং অসিদা চাউথোকচবা পোক্লিবা অসিদা লোন অদু তোঙান তোঙানবা ওইজরবসু ৱাখল্লোন অদুদি লিপুন অমনা পুনশিল্লি, ঐখোয়না তোঙান তোঙানবা ফিজেৎ-চাকচা অসি ঐখোয়গী অথোইবা লন্নি হায়না খঞ্জবা মতমদা অমত্তা ওইবগী ৱাখল্লোন অদু লাকই, ঐখোয়না তোঙান তোঙানবা লমদমগী কুম্মৈশিং য়াওরুবদা মখোয়গী নুংঙাইবা হেনগৎহল্লি অমসুং অনৌবা মচু অমা শংখি, অমসুং অনৌবা লৈনম অমা লাকপা হৌরকই।

ঐখোয়না তোঙান তোঙানবা রাজ্যশিংগী চৎনবীশিং, মগুনশিং, নাৎশিং, মখোয়গী মখল-মখা কয়াগী নুংঙাইবা লৌবা মতমদা ভারত মচা ওইবগী চাউথোকচবা, ভারত মচা ওইবগী ৱাখল্লোন মাইকৈ মরিদা শন্দোকখি, শাৎকাইখি, চাউথোকচবা অসুম হেনগৎলকই। ঐখোয়না তোঙান তোঙানবা লাইনীং, কাংলুপ, মখোয়গী চৎনবী-শাজৎ, থাজবশিংবু মান্নবা মিৎয়েংদা ইকাই খুম্নরবতদা, নুংশি-চান্নবা, মীনুংশিগী ৱাখল্লোন, মসিদসু শরুক কয়া হেনগৎলকই অমসুং মরম অসিনা ঐখোয় মিৎকুপ খুদিং মখল-মখাগী তাঞ্জা খুদিংমক সেলেব্রেৎ তৌগদবনি, কুম্মৈ ওইনা পাংথোক্কদবনি, থৱাই য়াওনা পুনশিনগদবনি অমসুং মসিনি এক ভারত শ্রেশ্থ ভারত, মসিনি নেস্নেল বিল্দিং।

মরূপশা, ঐ অদোমদা শান্নবগী তাইবংগী খুদম অমা পীজগে। ঐখোয়না খঙই মদুদি খুঙ্গংদা শান্নবা হৌবদা, চাংদম্নবা পাংথোকপদা খুঙ্গং অদুগী তীম অনিনা মাই পাক্ননবা পাঙ্গল পুম্বা পুথোকই। অমা মাইথি, অমা মাই পাকই – মাই পাকপদুনা তহসীলদা চৎখি। তহসীলগী মনুংদা শান্নরকপদা মাইথিখিবা তীম য়াওনা খুঙ্গং অদুগী মীওইশিংসু অতৈ তহসীলগী মীওইশিংসু মখোয়গী তীমনা মাই পাক্ননবা, মখোয়গা অমত্তা ওইনা লেপমিন্নৈ। অতোপ্পা তহসীল অমা মাইথি, অদুবু তীম্না জিলাদা শিংনরুনবা চৎখিবদদি মাইথিবা তীম অদুসু জিলাদা মাই পাক্লক্নবা অমত্তা ওইখি অমসুং জিলা অপুনবা অদু অমত্তা ওইনা মাই পাক্ননবা থোরকই অমসুং রাজ্যগী মনুংদা জিলাশিং শিংনরকপদা জিলাশিং থোরকই, লৈবাক্কী মনুংদা রাজ্যশিং চাংদম্নরকপদা রাজ্য অদুনা মাই পাক্নবা পুম্নমক অমত্তা ওইনা পুনখি। মাই পাকপা মাইথিবা করিসু খন্নরুবা তৌদে।

অমত্তা ওইবগী ৱাখল্লোন অমসুং মালেমগী থাক্তা শান্ননবগীদমক চৎপদদি পুম্নমক্না মসি কাওথোকই মদুবু তীম অদু কদাইদগীনো, শান্নরোই অদু কদাইদগীনো, লোন করি ঙাংই, মহাক্না ঐবু মাইথিবা পীরম্বরা পীরমদবরা, পুম্নমক কাওথোকই অমসুং মচু অহুম্বু মরেংবান্দা থোঙ্গৎতুনা মাই পাক্লকপা মতমদা হিন্দুস্তান পুম্বা কোইচেন চেল্লি, অমত্তা ওইনা ভারত ইমাগী জয় লাওই, মসিবুনি ঐখোয়না ফংলিবা অমত্তা ওইবগী পাঙ্গল হায়বদো।

মীরমগী লৈমাইদা মেদল লৌরক্লবা মতুংদা মচু অহুম পাইহল্লকপা মতমদা কশ্মীরদগী হৌরগা কন্যাকুমারী ফাওবা, মহারাস্ত্রদগী হৌরগা মনিপুর ফাওবা অমত্তা ওইনা হিন্দুস্তানীশিংনা মথুম মরাং হৌই, পুম্নমক্কী পুক্নীংদা ইথক হৌরকই।

মরূপশা, সরদার বল্লভ ভাই পতেলনা নিংথৌ পানবা লৈবাক ৫০০দগী হেন্না পুনশিনবগী থৌনা ফবা থবক পাংথোক্নবগী থোরকপা মতম অদুদা অদুগুম্বা য়োৎচাবীগী মশক ওইরবা পাঙ্গল অদু লোইনখি মদুনা মরম ওইদুনা মসিদা নিংথৌ মচা কয়া মদুগী মনুংদা চিংশিন্দুনা তিল্লখি। মতম অদুদা নিংথৌ মচা খুদিংমক্কী পুক্নীংদা অমসুং মফম অদুগী মীওইশিংদা ভারত মচা ওইবগী ৱাখল্লোল কদাইদনো অমদি য়াওখি।

মতম অদুদা নিংথৌ মচা খুদিংমক্তা কদাইদনো ভারত মচা অমগী ৱাখল্লোন অমা চেনখি। চহি লিশাং শিৎনা মীনাই ওইরম্বা মতম অদুনা মরম ওইদুনা নিংথৌ মচাশিংনা ভারত মচা অমা ওইবগী ৱাখল্লোল চেল্লকপরা নত্ত্রগা চেল্লক্তবরা, মদু মখোয়না ফোংদোকপা ঙম্লবসু ঙমদ্রবসু, ভারত মচা অমা ওইবগী ৱাখল্লোন অসি চহি কয়া মীনাই ওইজরম্লবসু, অৱা-অনা কয়া তাজরবসু ভারত মচা অমা ওইবগী ৱাখল্লোন অদু লোৎশিন্দুনা লৈখিদে অমসুং মরম অসিনা সরদার পতেলনা অপুনবা লাইশোন পুদুনা থোরকপা মতমদা পুম্নমক্না মাগী মরুমদা লেপ্পা হৌরকখি।

লোইননা ইচিল-ইনাওশা, মসি ঐখোয় মতম পুম্নমক্তা নীংশিংগদবনি মদুদি চহি কয়াগী মমাংদগী নিংথৌ পানবা লৈবাক ময়াম অদুবু পুদুনা, নিংথৌ মচা কয়াদুবু পুদুনা, তোঙান তোঙানবা চৎনবীশিং অদু অমত্তা ওইনা পুদুনা, অমত্তা ওইবা ভারতকী মঙলান পুদুনা লৈবাক অসি অমুক হন্না মাই পাক্না শেমগৎখিবা ঐখোয়গী পুৱারীদা মিং অমগা লৈ মিং অদুদি চানক্যনি। চানক্যনা থাইনা মমাংঙৈদা, মহাক্কী মতমদা লৈবাক অসিগী পাঙ্গল অদুবু অমত্তা ওইনা পুনশিন্নবা হোৎনবীরমখি। চানক্যগী মতুংদা, চহি কয়াগী মতুংদা কনাগুম্বনা থবক অসি তৌবা ঙমখি হায়বা তারবদি মদু ঐখোয়গী সরদার বল্লভ ভাই পতেলনা তৌবা ঙমখি। নত্ত্রবদি অংগ্রেজনদি নীং-খা তম্বগা লোইননা ঐখোয়গী ভারত অসি মচেৎ মচেৎ শেগাইবা পামলমখি। অদুবু সরদার পতেলনা মহাক্কী পুক্নীংগী পাঙ্গলনা লৈবাক অসিবু পরেং অমদা লেংশিন্দুনা লৈবাক অসিগী মায়োক্তা লৈবা থৌনা পুম্নমক অদু মাইথিবা পীখি।

ঙসি ভারত অসি মালেমগী অচৌবা শেনমিৎলোনগী পাঙ্গলশিংগী মনুংদা মফম অমা কল্লে, ইশাগী হক্কী মফম ফংবা ঙম্লে। মরম অসি শেনমিৎলোনগীনি, মরম অসি লুপাগীনি, দোলর অমসুং পাউন্দগীনি, অদুবু মদুগী মরুমদা লৈরিবা অশেংবা পাঙ্গল অদুদি লৈবাক অসিগী অপুনবা অদুনি, লৈবাক মচাশিংগী ৱাশক অদুনি।

মরূপশা, ২১শুবা চহি চাদা ভারতকী অপুনবা অসিনা, ভারত মচাশিংগী অপুনবা অসিনা, ভারতকী মায়োক্তা লৈবশিংগী খ্বাইদগী চাউবা শিংনবা অমা ওইরি। ঐনা ঙসি লৈবাক্কী অপুনবা নুমিৎ অসিদা লৈবাক মচা খুদিংমক্তা লৈবাক অসিগী মফমদা লৈরিবা শিংনবা অসি নীংশিংজরি। কয়া লাকখ্রে, কয়া চৎখ্রে, অচৌ অচৌবা মঙলান, অচৌ অচৌবা পান্দম পুদুনা লাকখি অমসুং অদুম ওইনমক মদুনা ঐখোয়গী করিসু মাংহনবা ঙমখিদে।

ইচিল-ইনাওশা, ঐখোয়বু লান্দা মাইথিবা পীবা ঙমদবদুনা ঐখোয়গী অপুনবা অসিবু শিংনরি, ঐখোয়গী অপুনবা অসিগী মরক্তা মচেৎ তাহন্নবা হোৎনরি, ঐখোয়গী অপুনবগী ৱাখল্লোন অসিবু শিংনরি। মমাংঙৈদগী লেংদনা লৈরক্লবা ঐখোয়গী অপুনবা অসিবু লানশিংনরি অদুবু মসি মখোয়না কাওথোক্লি মদুদি মমাংঙৈদগী অসিগুম্বা হোৎনবা কয়াদসু ঐখোয়বু কনানসু মাংহনবা ঙমখিদে, ঐখোয়গী অপুনবা অসিবু কনানসু মাইথিবা পীবা ঙমখিদে।

মরূপশা, ঐনা লৈবাক অপুনবদা খঙহঞ্জরি মদুদি লাকপীরো ঐখোয়না অসিগুম্বা অরিবা খোল্লাও অসিবু নীংশিংজরগা মাংদা চখৎসি। কয়ারক হন্না ঐখোয়না তাখ্রে, কয়ারক হন্না খঙননবা হোৎনখ্রে, অদুবু লৈবাক অসি অসুম অসুম চাউখৎলক্লি, হৌজিক হিন্দুস্তানী খুদিংমক্না লাইশোন অসিবু শোঞ্জদুনা লৈবাক অসিবু মাংদা পুখৎকদবনি অমসুং লাইশোন অদুদি –

সং গচ্ছ ধ্বং, সং ৱো মনাংসি জানতাম

হায়বদি ঐখোয় পুম্নমক অমত্তা ওইনা পুন্না চৎসি, খোঞ্জেল অমত্তদা ৱারী শাসি, পুক্নীং অমত্তা ওইনা মাংদা চখৎসি।

মরূপশা, মসি অপুনবগী অমত্তা ঙাইরবা লম্বী অদুনি মসিদা চৎতুনা এক ভারত শ্রেশ্থ ভারতকী ৱাশক অসি মঙফাওনগদৌরিবনি, অনৌবা ভারত অমা শেমগদৌরিবনি।

অরোইবদা অমুক্কা হন্না অদোম পুম্নমকপু, লৈবাক অপুনবদা লৈবাক্কী অপুনবা নুমিৎকী য়াইফ-পাউজেল পীজরি অমসুং ঐনা ঙসি খঙবা ঙমজরে মদুদি সরদার সাহেবকী মীতম অসি চুম্না য়ুংবা খক্তা নত্তে, মসি ইথিল পীনবা মফম অমনি। অমসুং ঐনা ইকাই খুম্নবা উৎচরি মদুদি ঙসি সরদার সাহেবকী থৱাইনা মফম অমদবু লৈরবসু, অপুনবগী মহাক্না হুনবীরম্বা মরু অসি, ঙসি হিন্দুস্তানগী মফম খুদিংদা অপুনবগী মরু অদুনা অচৌবা উপাম্বী ওইনা মশা মরেং ফন্না হৌরি অমসুং মসিগী মরুমদা ক্রোর ১৩০না মরুম থুপচরি। মসিগী মরমদগী মালেম অসি চনীংতাবা পোক্লি। মালেমদা অনৌবা থাজবা অমা পোক্লক্লি। মরম অসিনা সরদার সাহেবনা হুনবীরম্বা মরু অসিবু ঐখোয়না হোৎনজদুনা, ঐখোয়গী ইশাগী মঙলান্না, ঐখোয়গী ইশাগী ৱাশক অদুনা ঐখোয়না হেন্না মপুং ফাহনগদবনি, অমসুং মপাঙ্গল কলহনগদবনি, অমসুং মীয়ামগী য়াইফ-থৌরাংদগী তাইবংগী য়াইফ-থৌরাংদা পুদুনা ঐখোয় চখৎকদবনি।

ঐগী মাইকৈদগী ঙসি ঐনা অমুক্কা হন্না ইরৈচাশিংগী মাইকৈদগী, ভারত সরকারগী মাইকৈদগী, লনাই ওইনা ঐগী মাইকৈদগী সরদার সাহেবকী মপোক কুমওন অসিদা ইকোক নোঞ্জদুনা ইকাই খুম্নবগা লোইননা শ্রদ্ধাঞ্জলি কৎচরি। অদোম পুম্নমকপু হন্না হন্না থাগৎপা ফোংদোকচরি। খুতুম অনি তাশিন্দুনা ঐগা লোইননা কন্না লাওমিন্নসি –

ভারত মাতা কী – জয় 

ভারত মাতা কী – জয় 

ভারত মাতা কী – জয় 

হন্না হন্না থাগৎচরি