ভারতকী প্রধানমন্ত্রী

জকার্তাদা লৈরিবা ইন্দিয়ন কমুনিতীদা প্রধান মন্ত্রীনা ৱা ঙাংখ্রে

প্রধান মন্ত্রী শ্রী নরেন্দদ্র মোদীনা ঙসি জকার্তাদা লৈরিবা ইন্দিয়ন কমুনিতীদা ৱা ঙাংখ্রে।

ভারত অমসুং ইন্দোনেসিয়াগী মরক্তা লৈরিবা অখন্নবা মরি অদুদা মহাক্না ঙাংখি অমদি চহি অসিগী হৌরকপদা ন্যু দিল্লীদা পাংথোকখিবা রিপব্লিক দে থৌরমদা ইন্দোনেসিয়া য়াওনা অসিয়ান লৈবাক ১০গী লুচিংবশিংনা শরুক য়াখিবা অদু নৌহৌনা নীংশিংখি। ১৯৫০গী ন্যু দিল্লীদা পাংথোকখিবা রিপব্লিক দে পেরদতা ইন্দোনেসিয়াগী রাষ্ট্রপতিনা অথোইবা মীথুংলেন ওইখিবা অদু মতাং চান্নরুবা নত্তে হায়না মহাক্না ফোংদোকখি।

ইন্দোনেসিয়াদা লৈরিবা ভারত্তগী হৌখিবা মীওইশিং অসি ইন্দোনেসিয়াগী চাউথোকচনীংঙাই ওইরবা নাগরিকশিংনি, অদুবু ভারতকা মখা তানা মরি লৈনবা পাম্লি হায়না মহাক্না হায়খি।

হৌখিবা চহি মরি অসিদা ভারত্তা চাউনা অহোংবা লাকখ্রে হায়না প্রধান মন্ত্রীনা হায়খি। মসিগা মরি লৈননা মহাক্না এফ দি আই, ইন্দিয়ন ইকোনোমীগী ওপন্নেস, ইজ ওফ দুইং ব্যুজিনেস অমসুং ইন্দিয়ন ইকোনোমিগী কম্পিতিতিবনেস্তা ৱা ঙাংখি।
লৈবাক অনিমক্না মখোয়গী লোকতন্ত্রগী ওইবা মওং মতৌ অমসুং দাইবর্সিতীদা চাউথোকচৈ হায়না মহাক্না ফোংদোকখি। লৈবাক অনিগী মরক্তা নক্নবা কলচরগী মরি অদু উৎনবগীদমক মহাক্না বলী-জাত্রা, অমদি চাকচা-ইথক অমদি লোন্দা মান্নবা লৈরিবা অদুগী খুদম পীখি। ঙসি অঙনবদা রাষ্ট্রপতি ৱিদোদো অমসুং মহাক্না তেলঙ্গাগী কুমহৈ হৌদোকখি, মদুদা রমায়ন অমসুং মহাভারতকী থিমশিং য়াওরিবা অদু মহাক্না পাউদমখি।

ভারতকী দিবেলপমেন্তকী মতাংদা ঙাংলদুনা, কেন্দ্র সরকারনা দিবেলপমেন্ত- ফ্রেন্দলী ওইবা অমসুং শেঞ্জা-থুমজা লৈতবা অদুগুম্লবা সিস্তেমশিং শেমগৎলে হায়না মহাক্না হায়খি। ইজ ওফ দুইং ব্যুজিনেস্তগী হেন্দোক্তুনা ইজ ওফ লিভিংদা মীৎয়েং থম্লে হায়না মহাক্না ফোংদোকখি। ঐখোয়গী থৌওংশিং অসি ত্রান্সপরেন্ত অমসুং সেন্সিতিব ওই হায়না মহাক্না মখা তাখি। মহাক্না ভারতকী স্তার্ত অপ ইকোসিস্তেম অমসুং ইন্তর্নেস্নেল সোলর এলাইন্সকী মতাংদা ঙাংখি।

তেংবাগী মথৌ তাবশিং অদুবু মতেং পাংবদা ভারত অমসুং ইন্দোনেসিয়া লৈবাক অনিমক্না সেন্সেতিব ওইবা মীৎয়েং অমা থম্মি হায়না প্রধান মন্ত্রীনা অকনবা ৱাফম থমখি। ভারতনা লৈবাক অমত্তগী পাসপোর্তকী মচু য়েংবা তৌদনা মতেং মথৌ তাবা মীওই পুম্নমক্তা মতেং পাংই হায়না মহাক্না হায়খি। ভারত অমসুং ইন্দোনেসিয়া অসি মখোয়গী মিংগী খোন্থোক্তা মান্নবা লৈবতা নত্তনা মখোয়গী কলচর, ত্রেদিসন অমসুং দেমোক্রেতিক ভেল্যুদসু মান্নবা লৈরি হায়না মহাক্না ফোংদোকখি।
প্রধান মন্ত্রীনা ভারত্তগী হৌখিবা মখোয়শিং অদুবু লৈবাক অসিদা পুরক্লিবা অহোংবশিং অদু য়েংশিন্নবগীদমক ভারত্তা কোয়রক্নবা বার্তন তৌখি।

***