ভারতকী প্রধানমন্ত্রী

ওরিশাগী রাজ্যপাল প্রো: গনেস লাল জি, চীফ মিনিস্তর নবিন পাতনাইকজী , কেন্দ্রগী মন্ত্রীমন্দলগী ঐগী মরুপ জুয়াল ওরামজী, ধরমেন্দ্র প্রধানজী অমসুং মফম অসিদা তিল্লিবা শক্নাইরবা পুম্নমক ,

থবক তৌরুদ্রবা হার শুংবা প্লান্ত অমা লুপা ক্রোর ১৩,০০০ চংনা থবক হৌল্লবা মতুংদা ঙসি তালচারদাগী ঐ মফম অসিদা লাকপনি । মসিনা লমদম অসি শেন-থুমগী মফম অমা ওইহল্লগনি । অনৌবা ওরিশা অমসুং অনৌবা ভারত্ত অনৌবা মচাক-মথুমশিং লৈগদবনি । মরম অদুনা ঐনা, মফম অসিদা বির সুরেন্দ্র সাইন এয়রপোর্ত শঙ্গানবা খুদোংচাবা ফংলে । লমকোয়বশিংনা মফম অসিদা লাকপদা অমসুং বির সুরেন্দ্র সাইনগী মরমদা তাবদা ওরিশাগী থৌনা ফবগী মতাংদা পুক্নিং চিংশিনগনি অমসুং ওরিশাগী কৎথোকপশিংগী ৱারিশিংনা চিংশিনগনি ।

ঙসি ঐনা মফম অসিদা অচৌবা প্রোজেক্ত কয়া শঙ্গানবগী খুদোংচাবা ফংলে । মসিদা ওরিশাদা খ্বাইদগী চাওবা অনিসুবা এয়রপোর্তনি । মসি চহি কয়া শাদ্রিবনো হায়বগী মরম থিদোকপা অসি ময়ামগী মথৌনি । মসি ঐ ঙাইবা ওইরম্বসু য়াই ।
ঐগী হৌরকফম অসি গুরাতকী কুতচ জিলাদগীনি । মসি লৈকংলানি অমসুং অমসুং অতোপ্পা নাকল অমদনা পাকিস্তান্নি । হায়রিবা জিলা অদুদা এয়রপোর্ত ৫ লৈ । ঙসিদি চহি কয়াগী মতুংদা ওরিশাগী অনিসুবা এয়রপোর্ত শাবা হৌরে । লৈবাক অসিদা এভিয়েসন সেক্তরদা চাওখৎলক্লিবশিং সুরেস জিনা ঙাইহাক্কী মমাংদা পনখ্রে । লৈবাক অসিনা নিংতম্বা ফংলবা মতুংদগী হৌজিক ফাওবদা পাইরিবা প্লেন মশিং অসি ৪৫০ খক্তনি । নিংতম্লবা মতুংদা চহি অসিদা প্লেন মশিং ৯৫০ ওর্দর তৌখ্রে । ভুবনেশ্বর, রাঞ্জি অমসুং রাইপুর অহুমগী ময়াইদা বির সুরেন্দ্র সাইন এয়রপোর্ত শাগনি হায়না থাজৈ ।
জারসুগুদা, সাম্বালপুর অমসুং ছতিসগরগী অনকপা মফমশিংদা শেন থাদনিংবা ইনভেস্তরশিংনা অসিগুম্বা খুদোংচাবশিং অসি য়াম্না মরুওই । করিগুম্বা মখোয়না মফম অসি ইরাই লাইনা চৎথোক-চৎশিন তৌবা য়ারবদি ললোন-ইতিক্কী মীৎয়েংদা মখোয়না মফম অসি পামগনি । সবকা সাথ সাবকা বিকাস হায়রিবা অসি লমদমশিংগী মরক্ত মান্নবা মীৎয়েং য়েংবা অদুনি । মসিগী থোং মান্নদবা অসিদা নোংচুপ থংবা ভারতকী শরুকশিংনা চাউখৎলগা নোংপোক থংবা ভারতকী শরুকশিংনা চাউখৎপদা শোৎথনা লৈরি । মরম অদুনা ঐখোয়না নোংপোক থংবা ভারত অসি চাউখৎহন্নবা লেপ্তনা হোৎনরি । মসি য়ু পি নত্ত্রগা ওরিশা নত্ত্রগা বেঙ্গল নত্ত্রগা অসাম নত্ত্রগা অৱাং-নোংপোক ওইগেরা লমদম অসি চাউখৎহনবা অসি য়াম্না মরুওই ।

ঙসি ঐনা মফম অসিদা এয়রপোর্ত অমা শঙ্গারি অমসুং হাংচিৎ ঐনা সিক্কিমদা এয়রপোর্ত অমা শঙ্গাগনি । থবক ময়াম অমা কয়া য়াম্না য়াংনা পায়খৎপগে হায়বদু নখোয় খনদুনা য়েংউ । ঙসি ঐনা কোয়লা পেকফম অমা লৈবাক্কী মীয়ামদা কৎথোক্কনি । থবক খুদিংমক অসি ইনর্জিগী মখা পোল্লি হায়বা ময়াম্না খঙলে অমসুং ওরিশা অসি ব্লেক দাইমন্দ মরাং কাইনা লৈবা অসি লাইবক ফবনি । ঙসিগী খনিদগী কোয়লা লৌথোকপা হৌরগনি । লোয়ননা কোয়লাগী ইনর্জিগী পুথোকপগী থবকসু হৌরগনি ।

ঙসি রেলৱেজ প্রোজেক্ত অমনা এয়য়পোর্ত অমগা শম্নহনগনি ; চাউখৎপদা লম্বী-থোং অসি য়াম্না মরুওই । মদু হায়ৱেজ ওইগেরা নত্ত্রগা রেজৱেজ নত্ত্রগা এয়রৱেজ ওইগেরা নত্ত্রগা ঈশিং লম্বী ওইগেরা । মফম পুম্নমক ইন্তরনেতনা শম্নহনবগী থবক য়াংনা পায়খৎলি ।

মসিগী ত্রাইবেলশিংগী মফম অসি ঙসিদগী রেলৱেজনা শম্নহল্লে । মসি মরুওইবা খোঙথাং অমনি । হীরম খুদিংমক্ত ওরিশা চাউখৎহনবদা লম্বী-থোংনা অচৌবা অহোংবা পুরক্কনি হায়বসি ঐগী থাজবনি । মফম অসিগী মীয়ামদা বির সুরেন্দ্র সাইন এয়রপোর্ত কৎথোকপদা ঐ চাওথোকপা পোকই ।

ময়াম পুম্নমক থাগৎচরি ।

***