Search

অনৌবা পাউশিং

মচাকশিং অসি পি আই বিদগী মশা মথন্তা লৌথোকচবনি

নেস্নেল ত্রস্তকী চেয়ারপার্সন অমসুং মেম্বরশিংগী তার্ম ফিক্স তৌবা মন্ত্রীমন্দলনা য়াখ্রে


প্রধানমন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা নেস্নেল ত্রস্তকী সেক্সন ৪(১) অমসুং সেক্সন ৫(১) এমেন্দ তৌনবা হায়জরকপা অদু অয়াবা পিখ্রে । মসিনা ওতিজম, সেরেব্রেল প্লেসি, মেন্তেল রিতার্দেসনকা লোয়নবা মীওইশিংগী য়াইফনবা অমসুং মল্তিপল দিজএবিলিতী এক্ত, ১৯৯৯ দা নেস্নেল ত্রস্ত বোর্দকী চেয়ারপার্সন অমসুং মেম্বরশিংগী তার্ম চহি অহুমগী ফিক্স তৌরে ।

নেস্নেল ত্রস্ত এক্ত, ১৯৯৯ গী সেক্সন ৪(১) না পিরিবশিং অদুদি মহাক্কী মহুৎ অমা হাপত্রিবা ফাওবদি নেস্নেল ত্রস্ত বোর্দকী চেয়ারপার্সন নত্রগা মেম্বর অদুনা মহাক্কী চহি অহুমগী পিরিবা মতম অদুগী মখা চৎথগনি । চেয়ারপার্সন অদুনা ফম থাদোকখবা ওইরগনা, এক্ত অদুগী সেক্সন ৫(১) না মঙোন্দা পিরিবা অদুদি সরকারনা মহাক্কী মহুৎ অমা হাপত্রিবা মখৈ ফম অদু মখা তানা পায়গনি । এক্ত অসিগী মথক্কী প্রোভিজনশিংদা পল্লিবা অসিগী মতুং ইন্না ফম অদু পায়নবা মতিক চাবা মীওই অমা ফংদ্রিফাওবা অক্নবা মতম লৈতনা মখা তাথনা চেয়ারমেন ওইবনি । প্রপোজ তৌরিবা এমেন্দমেন্তশিংনা এক্ত অসিগী প্রোভিজনশিং অসিদা অসিগুম্বা ফিভম অসি চৎনহন্দে অমসুং ইনকম্বেন্ত অমা হেক্তনা চপ মান্না পোস্ত অসি মখাতানা পায়শিন্দুনা থম্বগী খুদোংচাবা অদু লৈররোই ।

 ***