Search

অনৌবা পাউশিং

মচাকশিং অসি পি আই বিদগী মশা মথন্তা লৌথোকচবনি

পি.এম.না নবেম্বর ১৯দা সোসিএল জস্তিস অমসুং এম্পাৱরমেন্তগী মতাংদা পাংথোকপা দিপার্তমেন্তেল সম্মিৎকী লোইশিনবগী মীফমদা শরুক য়াগনি


প্রধান মন্ত্রী শ্রী নরেন্দ্র মোদীনা ২০২৬কী নবেম্বর ১৯গী নুমিদাংৱাইরম পুং ৪.৩০ রোম তাবদা নই দিল্লীগী সুশ্মা স্বরাজ ভবনদা পাংথোক্কদৌরিবা সোসিএল জস্তিস অমসুং এম্পাৱরমেন্তগী মতাংদা দিপার্তমেন্তেল সম্মিৎকী লোইশিনবগী মীফমদা শরুক য়াগনি। থৌরম অদুদা মহাক্না মীয়ামদা ৱা ঙাংগনি।

নবেম্বর ১৮-১৯, ২০২৬তা পাংথোক্কদৌরিবা নুমিৎ নিনিগী দিপার্তমেন্তেল সম্মিৎ অসিদা সোসিএল জস্তিস অমসুং এম্পাৱরমেন্ত অমসুং দিসএবল পর্সনশিংগী এম্পাৱরমেন্তগী সেক্তরশিংদা থবক তৌরিবা রাজ্যশিংগী রাজনিতীগী লুচিংবশিং অমসুং ওফিসিএলশিং পুনশিনগনি। প্রধান মন্ত্রীনা কোওপরেতিব ফেদরেলিজম মপাঙ্গল কনখৎহন্নবা, নেস্নেল প্রাইওরিতীশিংদা পুন্না মপু ওইবা হেনগৎহন্নবা অমসুং কেন্দ্র অমসুং রাজ্যগী মরক্তা হেন্না নকশিন্ননা থবক তৌমিন্নবগী খুত্থাংদা ফংলিবা ফলশিং খোঙজেল য়াংশিনহন্নবা দিপার্তমেন্তেল সম্মিৎশিংগী পরিং অসিদা মসি অহুমশুবনি।

মীফম অসিদা মরুওইবা থিমেতিক এরিয়া মরিদা খন্নগনি:

১. নশা মুক্তা ভারতকীদমক প্রিভেন্সন অমসুং দ্রগ দিমান্দ রিদক্সন স্ত্রেতেজীবু নৌনা শেমদোকপা।

২. ৱান নেসন ৱান স্কোলরশিপ পোর্তেল – এক্সেসিবল স্কোলারশিপ, এম্পাৱর্দ স্তুদেন্তস।

৩. ঙন্না খোঙথাং লৌখৎপা অমসুং দিসএবিলিতীগী পোৎলুম হন্থহনবা

৪. ভিক্সিৎ ভারতকীদমক সুগাম্য ভারত।

দিপার্তমেন্তেল সম্মিৎ অসিনা কেন্দ্র অমসুং রাজ্য সরকারশিংদা এক্সপরিয়েন্সশিং, খ্বাইদগী ফবা থবকশিং অমসুং সেক্তরগী মরুওইবাশিংদা খন্ন-নৈননবা, ইমপ্লিমেন্তেসনগী শিংনবশিং থেংননবা অমসুং গভর্নান্স অমসুং সর্ভিস দেলিভরী ফগৎহন্নবা মীৎয়েং থমদুনা প্লেৎফোর্ম অমা পীরি।

***