ভারতকী প্রধানমন্ত্রী

প্রধানমন্ত্রী শ্রী নরেন্দ্র মোদীনা ঙসি রাষ্ট্রপতি ভবন্দা গবর্নরশিংগী কনফরেন্সকী ক্লোজিং সেসনদা ৱা ঙাংখ্রে ।

কনফরেন্স পাংথোক্লিঙৈ মনুংদা  মখল মখা য়াম্লবা ইনপুতশিং পিখিবগীদমক প্রধানমন্ত্রীনা গবর্নরশিংবু থাগৎপা ফোংদোকখি ।

প্রধানমন্ত্রীনা হায়খি মদুদি ভারত অসি ৱাখল্লোন, রিসোর্সশিং অমসুং কেপেবিলিতীশিংদা অৱাৎপা লৈতে, অদুবু অকক্নবা রাজ্য অমসুং রিজন খরদি গবর্নান্স দিফিসিতনা মরম ওইদুনা মনিংদা লৈরি । লাইরবশিংগী কান্ননবগীদমক মখম মখা য়াম্লবা সরকারগী স্কিমশিং অসি অফবা গবর্নান্স লৈবা মফমদা হেন্না ইমপ্লিমেন্ত তৌগদবনি হায়না মহাক্না হায়খি । মিসন ইন্দ্রধনুশগুম্বা স্কিমগী খুদম পিরদুনা মহাক্না হায়খি মদুদি গবর্নরশিংনা সরকারগী ইনিসিয়েতিবশিংবু হেন্না ইফেক্তিব ওইবা মওংদা লাইথোকহনবা য়াই ।

ভারতকী য়ুনিতী অমসুং ইন্তেগ্রিতী মপাঙ্গল কনখৎহন্নবা গবর্নরশিংনা মখোয় মশামকপু এক ভারত, শ্রেস্ত ভারত অমসুং রন ফোর য়ুনিতী অসিগুম্বা ইনিসিয়েতিবশিংদা শরুক য়ানবা প্রধানমন্ত্রীনা কন্না হায়খি ।