ভারতকী প্রধানমন্ত্রী

ঙসি প্রধানমন্ত্রীনা দামন & দ্যুদা লুপা কোতী ১০০০ চংবা তোঙান তোঙনবা দিব্লপমেন্ত প্রোজেক্তশিং হৌদোকখ্রে । প্রোগ্রামশিংগী কান্নবা ফংলবা মীওইশিংদা সর্তিফিকেৎশিং য়েন্থোকখি অমসুং দামন কোলেজ গ্রাউন্দা পাংথোকপা মীয়ামগী মীফম অমদা ৱা ঙাংখি । প্রধানমন্ত্রীনা দামন্দা পাংথোক্লিবা মীয়ামগী মীফম অসি মী য়াম্না তিনবা খক্তা নত্তনা মফম অসিদা পায়খৎলিবা দিব্লপমেন্ত প্রোজেক্তশিংদা য়ুমফম ওইরগা পুৱারি ওইরবা থৌদোক অমগুম শিংথাখি । প্রধানমন্ত্রীনা দামনগী প্রজাশিংদা লু-নানবদা মরুওইবা থৌদাং লৌদুনা লমকোইবশিংগী পুক্নিং চিংশিন্নবা কন্না তকশিনখি । ওপন দিফেকেসন ফ্রী ওইহনবগীদমক প্রধানমন্ত্রীনা প্রজা মীয়াম অমসুং লোকেল এদমিনিস্ত্রেসনবু থাগৎপা ফোংদোকখি । ই-রিক্সাশিং অমসুং সিএনজি শিজিন্নদুনা লু-নানবগী মায়কৈদা দামন্না পায়খৎলিবা চাওরবা খোংথাং অসি ঐখোয়গীদমক মশক থোকপা খুদম অমনি হায়না মহাক্না হায়খি । দামনগী ইনক্লুসিব কলচর অদু থাগৎলদুনা প্রধানমন্ত্রীনা হায়খি মদুদি, লৈবাক্কী মফম কয়াদগী লাকপা মীয়াম্না মফম অসিদা থবক তৌদুনা লৈবনা মিনি-ইন্দিয়া অমা ওইরে । প্রধানমন্ত্রীনা হায়খি মদুদি ঙামীশিংগী পুন্সি মহিংদা পোজিতিব ওইবা অহোংবা পুরক্নবা ৱাফম অদু পুক্নিং থৌগৎলদুনা ‘ব্লু রিভোলুসন’না ঙামীশিংগী য়াইফনবা তোঙান তোঙানবা খোংথাংশিং সরকার অসিনা পায়খৎলি ।

প্রধানমন্ত্রীনা উরান স্কিমগী মখাদা দ্যুবু অহমেদাবাদকা শম্নহল্লিবা এয়ার ওরিষাগী ফ্লাইত হৌদোকখি । মহাক্না ভিদিও লিঙ্ক অমগী খুত্থাংদা দামনদগী দ্যু ফাওবগী পৱন হন্স হেলিকোপ্তর সর্বিসশিং লমথাখি । প্রধানমন্ত্রীনা বেতি বচাও, বেতি পরাও য়োজনাগী মখাদা পোকপা ঙাইরিবা অঙাং নুপীমচাদা বধাই কিত খুদোল তমখি । মহাক্না দামন অমশুং দ্যুগী এদমিনিস্ত্রেসন্না লেম্না দ্রাইভিং ত্রেনিং পীরবা নুপীশিংদা সর্তিফিকেৎশিং অমসুং স্কুল চৎলিবি নুপীমচাশিংদা সাইকল খুৎশিন্নখি । প্রধানমন্ত্রীনা সিএনজিনা থৌবা গারীশিংগীদমক পর্মিতশিং য়েন্থোকখি ।

প্রধানমন্ত্রী আৱাস য়োজনা গ্রামিন অমসুং অর্বান, প্রধানমন্ত্রী জীবন জ্যোতি বিমা য়োজনা, প্রধানমন্ত্রী জীবন সুরক্সা য়োজনা অমসুং প্রধানমন্ত্রী মুদ্রা য়োজনাগী কান্নবা ফংলবা মীওইশিং অদুদা প্রধানমন্ত্রীনা সর্তিফিকেতশিং য়েন্থোকখি । প্রধানমন্ত্রীনা ই-রিক্সা, পহেলি সবারি অমসুং এম্বুলেন্সশিং লমথাখি ।