ভারতকী প্রধানমন্ত্রী

প্রধান মন্ত্রি শ্রী নরেন্দ্র মোদীগা লোয়ননা ফ্রাঞ্চকি রাস্ত্রপতি ঐচ.ই. শ্রী ইমানুয়েল মেক্রোন ঙসি পেরিসতা পাংথোকখিবা য়ুরোপকি খ্বাইদগী চাওবা তেক্নোলোজি অমসুং স্তার্ত-অপকি থৌরম ওইরিবা ভিভাতেক ২০২৬তা শরুক য়াখ্রে।

তেক-ওন্তরপ্রিনরশিং, স্তার্ত-অপশিং, ইনভেস্তরশিং অমসুং বিজিনেস লিদরশিংগী মীফম অদুদা ৱা ঙাংলদুনা প্রধান মন্ত্রিনা হ্যুমেন সেন্ত্রিক ওইবা এ.আই. অমসুং ফ্রন্তিয়র তেক্নোলোজিশিংগী ভারতকি ভিজন অমসুং ইমর্জিং তেক্নোলোজিশিংদা ভারত–ফ্রাঞ্চ তেংবাং পিনবগী চাং হেনগৎলকপা অদু ফোংদোকখি। মহাক্না থোইদোক্না ফোংদোকখি মদুদি তেক্নোলোজিনা ভারত্তা ত্রান্সফোর্মেতিবা ওইবা অহোঙবা পুরকপা ঙমহল্লে, দিজিতেল পেমেন্ততগী হৌরগা এ.আই. মরুওইবা ৱারোলগী মতুংদা প্রধান মন্ত্রি মোদী অমসুং রাস্ত্রপতি মেক্রোন্না ভারতকি স্তার্ত-অপশিং অমসুং ইনোবেতরশিংগা ৱারি শানখি অমসুং ইন্দস্ত্রি, হেল্থকেয়র, সস্তেনেবিলিতি অমসুং মোবিলিতিগীদমক ফ্রন্তিয়র তেক্নোলোজিশিং অমসুং প্রেক্তিকেল সোলুসনশিং উৎখি।

ভারত অসি ভিভাতেক ২০২৬তা এ.আই.কন্ত্রি পার্ত্নরনি, মসিনা আরতিফিসিএল ইন্তলিজেন্স, দিজিতেল পব্লিক ইনফ্রাস্ত্রকচর, হেল্থ-তেক, ক্লিন তেক্নোলোজি, মোবিলিতি, এদভান্স কম্প্যুতিংনচিংবা পুম্নমক্তা মসিগী ইনোবেসন ইকোসিস্তেম অসি উৎনবা শেমখিবা পেবিলিয়নশিংগা লোয়ননা ভিভাতেক্তা হৌজিক ফাওবদা ভারতকি খ্বাইদগী চাওবা থৌদাংসু ওইরি, থৌরম অসিদা ভারতকি দিপ-তেক কম্পেনি অমসুং স্তার্ত-অপ ৮০ হেন্না শরুক য়াখি।

ভিভাতেক্তা প্রধান মন্ত্রিনা শরুক য়াবনা ভারত অমসুং ফ্রাঞ্চকি তেক্নোলোজি ইকোসিস্তেমগী মরক্তা পার্ত্নরশিপ হেন্না চেৎশিলহল্লগনি হায়না থাজরি। চহি কয়াদগী ভারতনা ভিভাতেক্কা লোয়ননা হেন্না চাওখৎলক্লিবা এঙ্গেজমেন্ত অমা লৈরি: প্রধান মন্ত্রি শ্রী নরেন্দ্র মোদীনা ২০২১দা ভিভাতেক্তা মরুওইবা ৱারোল পিখি; ২০২২দা ভিভাতেক্তা ভারত অসি চহিগী অহানবা লৈবাক ওইখি; অমসুং ভিভাতেক্না হন্দক্তা বেঙ্গলুরু তেক শমীৎকা লোয়ননা পুন্না থবক তৌমিন্নবগী ফোর্মেলাইজ তৌখ্রে। চহি অসিদা ভারতনা শরুক য়াবা অসি মরুওইবা অমা ওইরে মরমদি লৈবাক অনিনা ২০২৬ অসি ভারত–ফ্রাঞ্চ ইনোবেসনগী চহি ওইনা পাঙথোকখি।

***