ভারতকী প্রধানমন্ত্রী

ওগষ্ট ৩১, ২০২৬ দা কিরগিজগী বিসকেক্ত ২৬শুবা সংহাই কোওপরেসন ওর্গনাইজেসন (এস সি ও) মীফমগী নাকলদা প্রধান মন্ত্রী শ্রী নরেন্দ্র মোদীনা অর্মেনিয়াগী প্রধান মন্ত্রী নিকোল পাসিনয়ানগা উনখ্রে। চহি অসিগী জুন্দা পাংথোকখিবা অর্মেনিয়াগী জেনেরেল ইলেক্সন মতুংদা প্রধান মন্ত্রী নিকোল পাসিনয়ান অমুক হন্না খনবদগী প্রধান মন্ত্রী মোদী অমসুং প্রধান মন্ত্রী নিকোল পাসিনয়ান অনিগী মরক্ত উনবা হন্দক্কী অসিনা অহানবনি।

মহাক্না মীখলদা মাইপাকখিবা অমসুং ওফিস পায়বদা প্রধান মন্ত্রী মোদীনা প্রধান মন্ত্রী নিকোল পাসিনয়ান থাগৎপা ফোঙদোকখি। উনবা অদুদা লুচিংবা অনিনা ঙাক-শেন, শেন-থুম, ফার্মা, মাইনিং,  লাইরিক-লাইশু অমসুং নাৎকী হিরমশিং য়াওনা লৈবাক অনি মতেং পাংনবগী মতাংদা খন্নখি। হন্দক হিরম কয়াদা লৈবাক অনি মতেং পাংনবা হেনগৎলকপদা মখোয়না অপেনবা ফোঙদোকখি অমসুং লৈবাক অনিগী মরক্ত অফবা অমসুং মরুপ-মপাং ওইবা মরী লৈনদুনা, মরীশিং মখা তানা ফগৎহন্নবা থাজবা ফোঙদোক্নখি।

নোংচুপ এসিয়াগী ফিবম য়াওনা, লমদম লমদমগী অমসুং মালেমগী ওইরক্লিবা ফিবমশিং মখোয়না খন্নখি। লমদম অসিদা মতম শাংনা শান্তি অমসুং তুংদু-লৈতাবা পুরক্নবা ৱারি শানবা অমসুং কুতনিতিগী খুৎথাংদা মখা তানা থবকশিং পায়খৎপগী দরকার ওইবা অদু প্রধান মন্ত্রীনা অমুক হন্না পনখি।

অর্মেনিয়া-অজরবাইজান পিছ এগ্রিমেন্ত থবক ওইনা পায়খৎনবা হৌজিক লৈরিবা ফিবমগী মতাংদা প্রধান মন্ত্রী নিকোল পাসিনয়ান্না প্রধান মন্ত্রী মোদীদা পাউদমখি।

লৈবাক অনিগী মরীশিং মখা তানা চাউখৎহন্নবা অমসুং নাকল অনিমক্না পাম্বা হিরমশিংদা মতেং পাংনবা হেনগৎহন্নবা পুন্না থবক তৌমিন্নবদা লুচিংবা অনিমক্না য়ানরে।

***