ভারতকী প্রধানমন্ত্রী
প্রধান মন্ত্রী শ্রী নরেন্দ্র মোদীনা হন্দক্তা লোইশিনখিবা কমনৱেল্থ গেম্সকী তক্মান ফংলক্লবশিংগা লোয়ননা ঙসি লোক কল্যান মার্গতা উনদুনা ৱারী শানখ্রে।
প্রধান মন্ত্রীনা তক্মান ফংলক্লবা পুম্নমকপু নুংঙাইবা ফোংদোকখি, অমদি তক্মান লৌরকপা ঙমহৌদ্রবা মখোয়শিং অদুবুসু নুংঙাইবা ফোংদোকখি।
শান্ন-খোৎনবগী লমদা মায় পাক্লকপা অসিনা মীপুম খুদিংমক্কী পুক্নীং থৌগৎলি হায়না মহাক্না ফোংদোকখি। মখোয়গী মায় পাক্লকপা অসিনা ভারতকী থাক অসি ৱাংখৎহল্লে হায়না মহাক্না তক্মান ফংলক্লবশিংগী মফমদা হায়খি। ভারতকী শান্নরোয় অমনা মালেমগী থাক্তা মায় পাক্লকপা মতম অদুদা ভারতকী ফিরাল ৱাংনা পায়হল্লি হায়না মহাক্না ফোংদোকখি।
ঙসিদি শান্নরোয় অমগী পুন্সি অসি চহি কয়া শাংদোক্লে হায়না প্রধান মন্ত্রীনা ফোংদোকখি। মসিগা মরি লৈননা মহাক্না পর্লিয়ামেন্তকী মীহুৎ ওইনা ওইনা সনাগী তক্মান লৌরকখিবী মেরি কোমগী খুদম পীখি। মহাক্না পুলেলা গোপীচন্দগী ৱাফমসু পনখি।
ঙসিদি শান্নরোইশিংনা হৈ-শিংবা, ত্রেনিং, পুক্নীং চংবা অমসুং হোৎনবা কনবগী মথক্তা ৱাখল চেৎপা মথৌ তাই। মসিগা মরি লৈননা মহাক্না যোগগী কান্নশিং অদু প্রধান মন্ত্রীনা পনখি।
প্রধান মন্ত্রীনা শান্নরোইশিংবু অঙাং ওইরিঙৈদগী লমজিং লমতাকপীরকপা মখোয়গী গুরুশিং, মেন্তরশিং অমসুং ওজাশিংবু নিংশিংনবা অমদি তাথোক তাশিন তৌননবা অকনবা ৱাফম থমখি।
থৌরম অসিদা য়ুথ এফিয়র্স অমসুং স্পোর্তকী রাজ্য মন্ত্রী (আই সি) কর্নেল রাজ্যবর্ধন রাথোরসু শরুক য়াখি।
