ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি ন্যু দিল্লীগী লোক কল্যান মার্গতা চু থাবা লৌমী ১৪০ হেনবগী কাংলুপ অমগা উনদুনা ৱারী শানখ্রে।

লৌমীশিং অদু উত্তর প্রদেশ, উত্তরাখন্দ, পঞ্জাব, মহারাষ্ট্রা অমসুং কর্নাতক রাজ্যশিংদগীনি।

খরিফ সিজন ২০১৮-১৯গী নোৎ তৌরবা মহৈ মরোংশিংগীদমক কেন্দ্রগী মন্ত্রীমন্দলনা মথংগী মীফমদা ইনপুৎ মমলগী চাদা ১৫০গী খ্বাইদগী তাবা সপোর্ত প্রাইস ইমপ্লিমেন্ত তৌবদা অয়াবা পীরগনি হায়না প্রধান মন্ত্রীনা লাওথোকখি। মসিনা লৌমীশিংগী শেন্থোক হেঙ্গৎহল্লগনি।

মহাক্না মসিসু ফোংদোকখি মদুদি, ২০১৮-১৯গী চীনি সিজনগীদমক চুগী ফেয়র এন্দ রেম্যুনরেতিব প্রাইস (এফ.আর.পি.) মথং চয়োল অনিগী মনুংদা লাওথোক্লগনি। মসিনা ২০১৭-১৮দগীসু হেল্লগনি হায়না মহাক্না ফোংদোকখি। মসিনা চুগী রিকোভরী চাদা ৯.৫দগী হেনগদবা অদুগুম্লবা লৌমীশিংদা ইন্সেন্তিবসু ফংহল্লগনি।

হৌখিবা নুমীৎ তরেৎতগী তরা ফাওবা অসিদা অনৌবা পোলিসীগী মহৈ ওইনা লুপা কোতি ৪০০০ হেনবগী এরিয়রশিং লৌমীশিংদা পীথোকখ্রে হায়না প্রধান মন্ত্রীনা হায়খি। কেন এরিয়রশিংগী লিক্যুইদেসনগীদমক অচেৎপা খোংথাং লৌখৎনবা রাজ্য সরকারশিংদা হায়জখ্রে হায়না লৌমীশিংদা মহাক্না মখা তানা থাজবা পীখি।

প্রধান মন্ত্রীনা লৌমীশিংবু স্প্রিঙ্কল অমদি দ্রীপ ইরিগেসন, খ্বাইদগী নৌবা ফার্মিং তেক্নিকশিং অমসুং সোলর পম্পশিং শিজিন্ননবা অকনবা ৱাফম থমখি। মহাক্না লৌমীশিংবু মৈ পুথোকপগা লোয়ননা অহেনবা শেন্থোক্কীদমক মখোয়গী লৌবুকশিংদা সোলর পেনেলশিং থম্নবা তকশিনখি। প্রধান মন্ত্রীনা লৌমীশিংদা ২০২২ ফাওবদা কেমিকেল ফরর্তিলাইজর চাদা ১০ হন্থহন্নবা পান্দম থম্নবসু তকশিনখি।

প্রধান মন্ত্রীনা লৌমীশিংদা হন্দক্তা মহাক্না কোর্পোরেৎশিংগা উনদুনা ৱারী শানখিবা অদুদা মহাক্না লৌমীশিংগী শেন্থোক ফগৎহন্নবগীদমক ভেল্যু এদিসন, ৱেয়রহাউজিং, স্তোরেজ ফেসিলিতিজ, হেন্না ফবা মরু মরাং অমসুং মার্কেৎ লিঙ্কেজশিংগীদমক অহেনবা শেল থাদনবা খঙহনখিবা অদু পাউদমখি।

লৌমীশিংগা ৱারী শানখিবা অদুদা প্রধান মন্ত্রীনা লুপা কোতি ২১,০০০ হেনবগী এরিয়রশিংগী অচৌবা শেনফম অমগী মখাদা লান্থেংনরিবা চু থারিবা লৌমীশিংগী পোৎলুম হন্থহন্নবা ২০১৪-১৫ অমসুং ২০১৫-১৬তা কেন্দ্র সরকারনা লৌখৎখিবা খোংথাংশিং অদু নৌহৌনা নিংশিংখি। মসিগী পেমেন্তশিং অসি চীনি মিলশিংগী থোংদা লৌমীশিংদা ফংহনখি।

লৌমীশিংনা প্রধান মন্ত্রীবু থাগৎপা ফোংদোকখি অমদি চীনিদা ইমপোর্ত দ্যুতী চাদা ৫০দগী চাদা ১০০ হেঙ্গৎহনবা য়াওনা হৌখিবা মতম খরা অসিদা কেন্দ্র সরকারনা লৌখৎখিবা তোঙান তোঙানবা খোংথাংশিং অদুদা অপেনবা ফোংদোকখি।

চীনি ইন্দস্ত্রীদা তংদু লৈতাবা পুরক্নবা মতম শাংনা চৎনগদবা সোলুসন অমা ওইনা পেত্রোলদা চাদা ১০ ইথানোল য়ানশিন্নবা সরকারনা হোৎনরিবা অদু প্রধান মন্ত্রীনা শন্দোক্না ঙাংখি।