Search

ভারতকী প্রধানমন্ত্রীভারতকী প্রধানমন্ত্রী

অনৌবা পাউশিং

মচাকশিং অসি পি আই বিদগী মশা মথন্তা লৌথোকচবনি

প্রধান মন্ত্রীনা জাতিদা হোলিগী য়াইফ-পাউজেল পীখ্রে; সংস্কৃৎ সুভাশিতম শিয়র তৌখ্রে


প্রধান মন্ত্রী, শ্রী নরেন্দ্র মোদীনা হোলিগী কুহ্মৈনা লাকপদা লৈবাক মীয়ামদা য়াইফ-পাউজেল পীখ্রে। মচু অমসুং নুংঙাইবগী থৌরম অসিনা মীপুম খুদিংমক্কী পুন্সিদা নুংঙাইবা, চাউখৎপা অমসুং মাইপাকপা পুরকপা ওইরসনু হায়না মহাক্না হায়খি।

প্রধান মন্ত্রীনা হায়খি হোলিগী কুহ্মৈ অসিনা অপুনবা ফিভমদা অনৌবা ইনর্জীগা লোয়ননা মপুং ফাহল্লি, মসি মাগী খ্বাইদগী চাউবা অখন্নবা অমনি। কুহ্মৈ অসিগী মনুংদা মফম পুম্নমক্তা উবা ফংলিবা হরাও তয়াম্বগী মচুশিংনা মীপুম খুদিংমকপু নুংঙাইবা অমসুং কুহ্মৈগী ৱাখল্লোন অমদা পুশিল্লক্লি হায়না মহাক্না ফোংদোকখি।

প্রধান মন্ত্রীনা সংস্কৃত সুভাশিতম অমসু শিয়র তৌখি-

उद्भिन्नस्तबकावतंससुभगाः प्रे खन्मरुन्नर्तिताः

पुष्पोद्गीर्णपरागपांशुललसत्पत्रप्रकाण्ड त्विषः

गम्भीरक्रमपञ्चमोन्मदपिकध्वानोच्छलद्गीतयः
प्रत्युज्जीवितमन्मथोत्सव इव क्रीडन्त्यमू भूरुहः

সুভাশিতম অসিনা হায়রি মদুদি ফজরবা থম্বাল লৈরাংগুম্না, য়েনীংথাগী মালং ইপোমগী শুমহৎনীংঙাই ওইরবা লৈশাৎ তম্লিবা, মচু অমসুং লৈনমনা লৈতেংবা, নুশিবগী অচৌবা কুহ্মৈ অসিনা মপাঙ্গল লৈনা চেন্থরিবা, হরাও-নুংঙাইবগী সুরনা থনবা অসিনা পুন্সিবু য়াকাইহল্লি।

Xতা প্রধান মন্ত্রীনা ইখি;

ঐহাক্কী ইচিল-ইনাও পুম্নমক্তা হোলিগী য়াইফ পাউজেল পীজরি। মচু অমসুং নুংঙাইবগী থৌরম অসিনা মীপুম খুদিংমক্তা নুংঙাইবা পুরকপা ওইরসনু। মীপুম খুদিংমক্কী পুন্সিদা নুংঙাইবা, চাউখৎপা অমসুং মাইপাকপগী মচুশিংনা থনবা ওইরনসু।

হোলিগী কুহ্মৈ অসিনা অপুনবা ফিভম অসিদা অনৌবা ইনর্জী পীরি। মসি কুহ্মৈ অসিগী হোলমার্কনি। মফম পুম্নমক্তা শন্দোরক্লিবা নুংঙাইবগী মচুশিংনা মীপুম খুদিংমকপু নুংঙাইবা অমসুং হরাওবনা থলহল্লি।

उद्भिन्नस्तबकावतंससुभगाः प्रे खन्मरुन्नर्तिताः

पुष्पोद्गीर्णपरागपांशुललसत्पत्रप्रकाण्ड त्विषः

गम्भीरक्रमपञ्चमोन्मदपिकध्वानोच्छलद्गीतयः
प्रत्युज्जीवितमन्मथोत्सव इव क्रीडन्त्यमू भूरुहः॥”

***