ভারতকী প্রধানমন্ত্রী

ইকায়খুম্নরবশিং,

তেক্নোলোজি মখা তানা চাউখৎলকপগা লোয়ননা, খুদোংচাবশিং অমসুং লন-থুমশিং অনিমক লৈবাক খর খক্তগী ওইবা হেনগৎলক্লি। মালেম শীনবা থুংনা, অরুবা তেক্নোলোজিশিংদা চাংদম্নবা অঙকপা ফংনা হেনগৎলক্লি। মসি মীওইবা খুন্নাইগী নুংনাংনবা মচাক অমনি অমসুং মসিনা অনৌবা থবকশিংদা খুরৌ অমসু ওইরি। খুদোংচাদবা অসি কোকহন্নবা, ঐখোয়গী থবকশিংদা ঐখোয়না মরুওইবা অহোংবা অমা পুরক্কদবনি।

অসিগুম্বা তেক্নোলোজশিং শীজিন্নবা অসি শেন ফংবা খক্তগী মহুত্ত মীওইবগী য়াইফনবা, লৈবাকশিংগী ওইবা খক নত্তনা মালেমগী ওইনবা অমসুং অকক্নবা মোদেলশিং খক ওইবগী মহুত্ত ওপন সোর্ছ ওইগদবনি। মসিগী পান্দম অসি ভারতকী তেক্নোলোজিগী থবকশিংদা চৎনরে। 

 থবক অসিদগী, ঙসি ভারতনা মালেমদা দিজিতেল পেমেন্তশিং মশিং খ্বাইদগী য়াম্না পাংথোক্লে। স্পেস তেক্নোলোজিদগী হৌরগা আর্তিফিসিএল ইন্তিলিজেন্স ফাওবদা, হিরম খুদিংমক্ত পাক-শন্না শরুক য়াবা অমসুং অফবা ঐখোয়না উরে।

মরুপশিং,

ভারতকী আর্তিফিসিএল ইন্তিলিজেন্সগী থবক অসি য়ুম্বী অহুমদা য়ুম্ফম ওইরি- মীওই খুদিংমক খুদোংচাবা ফংহনবা, অপুনবা মীশিংগী থাক্ত স্কিল লৈহনবা অমসুং দাইত্ব লৈনা শীজিন্নবদা ভারতকী থবকশিং য়ুম্ফম ওইরি। ইন্দিয়া-এ.আই মিসনগী মখাদা, লৈবাক অসিগী লোল অমসুং জিলা খুদিংমক এ.আইগী কান্নবশিং ফংহন্নবা পান্দমগা লোয়ননা অৱাংবা থাক্কী কম্পুতিং কেপাসিতি শেমগৎলি। মসিনা মীওইবগী য়াইফনবা ঐখোয়গী থবকশিংদা পাক-চাউবা অমসুং খোঙজেল অনিমক ফংহনগনি।

মসিগা লোয়ননা, আর্তিফিসিএল ইন্তিলিজেন্স মালেমগী য়াইফনবা থবক্ত শীজিন্নগদবনি। অরোন-অথুপ লৈতবা, মীওইবগী অশোইবশিং য়েংশিনবা, অশোই-অঙাম থোক্তনবা দিজাইন তৌবা অমসুং লান্নবা শীজিন্নবা থিংবগী ফিদমশিংদা য়ুম্ফম ওইদুনা মালেমগী য়ানবা অমা পুরক্কদবনি। দিপফেকশিং, ফত্তবা থবকশিং অমসুং তেরোরিষ্টশিংগী থবকশিংদা আর্তিফিসিএল ইন্তিলিজেন্স শীজিন্নবা কন্না থিংগদবনি।

এ.আইনা মীওইবগী তৌবা ঙম্বশিং হেনগৎহনগদবনি, অরোইবা ৱারেপশিং মীওইবা মশানা লৌজগদবনি। ‘ সর্ভজনম হিত্য, সর্ভজনম সুখ্য’ (খুদিংমক  য়াইফনবা, খুদিংমক হরাওনবা) হায়বা থিমদা ফেব্রুৱারি ২০২৬ দা ভারতনা এ.আই ইম্পেক্ত সম্মিৎ য়ুম্বু ওইগনি অমসুং মসিদা জি-২০ লৈবাকশিং শরুক য়ানবা চেপাউ পীজরি।

আর্তিফিসিএল ইন্তিলিজেন্সগী থবকশিংনা মীওইবগী পুন্সি, সেকুরিতি নত্ত্রগা মীয়ামগী থাজবদা ইথিল পীবগী দাইত্ব লৌগদবনি। খ্বাইদগী মরুওইবদি, আর্তিফিসিএল ইন্তিলিজেন্সনা মীওইবগী তৌবা ঙম্বশিং হেনগৎহনবা য়াই, অরোইবা ৱারেপশিং মীওইবা মশানা লৌজগদবনি।

‘সর্ভজনম হিত্য, সর্ভজনম সুখ্য’ (খুদিংমক  য়াইফনবা, খুদিংমক হরাওনবা) হায়বা থিমদা ফেব্রুৱারি ২০২৬ দা ভারতনা এ.আই ইম্পেক্ত সম্মিৎ য়ুম্বু ওইগনি অমসুং মসিদা জি-২০ লৈবাকশিং শরুক য়ানবা চেপাউ পীজরি।

মরুপশিং,

আর্তিফিসিএল ইন্তিলিজেন্সগী যুগ অসিদা, ঐখোয়গী থৌওংশিং ‘ঙসিগী থবকশিং’ দগী ‘হয়েংগী তৌবা ঙম্বশিং’দা য়াংনা হোংবগী তঙাইফদবা অমা লৈরে। ন্যু দিল্লি জি-২০ মীফমদা হৈথোই-শিংথোইবা মীওইশিং চৎথোক-চৎশিনগী থবক শিংথাবা য়ানা পায়খৎখ্রে অমসুং লাক্লিবা চহিশিংদা  হৈথোই-শিংথোইবা মীওইশিং চৎথোক-চৎশিনগী মতাংদা মালেমগী ঙাক্লৌ অমা শেমগদবনি।

মরুপশিং,

কোবিদ মতমদা মালেমগী সপ্লাই চেনশিংগী খুদোংথিবশিং খঙবা ঙমখি। খুদোংচাদবা মতম অদুগী মনুংদা ফাওবা, লৈবাক ১৫০ হেনবদা ভারতনা তিকাশিং অমসুং হিদাক-লাংথকশিং পীখি। লৈবাকশিং কৈথেলশিং ওইনা উরোইদবনি; ঐখোয়না ৱাখল তাবা অমসুং মতম শাংনা চৎনগদবা থৌরাং অমা পায়খৎকদবনি।

ভারতকী পাউজেলদি নাখৈ শেংলে:

* চাউখৎপা তুংকোইনা চৎনবগা য়াগদবনি

* ললোন-ইতিক থাজবা ওইগদবনি,

* শেন থাদবা কাংলোন চুমগদবনি,

* অমসুং চাউখৎপা অসি মীওই খুদিংমক নুংঙাইবা ওইগদবনি।

মতম অদু খক্তদা ঐখোয়না মীওইবা খুন্নাইগী মীচং মীখায় নাইদবা অমসুং থোঙ মান্নবা তুংলমচৎ অমা শেমগৎপা ঙমগনি।

অদোম থাগৎচরি।

দিসক্লেমর: মসি প্রধান মন্ত্রীগী ৱারোলদগী চাউরাকপা হন্দোকপনি। অশেংবা ৱারোল হিন্দীদা পীখি।

***