ভারতকী প্রধানমন্ত্রী

ন্যু দিল্লীদা পাংথোকপা ব্রিক্স সম্মিৎকী নাকলদা প্রধান মন্ত্রী শ্রী নরেন্দ্র মোদীনা ফেদরেল রিপব্লিক ওফ নাইজেরিয়াগী উপ রাস্ত্রপতি, ঐচ.ই. শ্রী কাশিম শেত্তিমা মুস্তফা, জি.সি.ও.এন.গা লোয়ননা উনখ্রে। উপ রাস্ত্রপতি কাশিম শেত্তিমা মুস্তফা, জি.সি.ও.এন. নই দিল্লীদা ব্রিক্স সম্মিৎতা নাইজেরিয়াগী মীহুৎ কাংবুগী লুচিংদুনা লাক্লি। দেলিগেসন অসিদা ফোরেন এফিয়র্স; ইন্দস্ত্রী, ত্রেদ অমসুং ইনভেস্তমেন্ত; কম্ম্যুনিকেসন ইন্নোবেসন অমসুং দিজিতেল তেক্নোলোজী; হ্যুমেনিতরিয়ন এফিয়র্স অমসুং পোভর্তী রিদক্সন, ৱুমেন এফিয়র্স; অমসুং সাইন্স অমসুং তেক্নোলোজীগী মন্ত্রালয়শিং য়াওরি।

লুচিংবা অনিমক্না ভারত-নাইজেরিয়াগী মখল কয়া ওইরিবা মরীশিং য়েংশিনখি অমসুং তোঙান তোঙানবা সেক্তরশিংদা লেপ্তনা খুমাং চাউশিল্লকপদা নুংঙাইবা ফোংদোকখি। ত্রেদ অমসুং ইনভেস্তমেন্ত, দিফেন্স অমসুং সেক্যুরিতী, ইনর্জী পার্তনরশিপ, এগ্রিকলচর, হেল্থ অমসুং দিজিতেল তেক্নোলোজী য়াওনা মরুওইবা লমশিংদা খন্ন-নৈনখি। মখোয়না ভারত-নাইজেরিয়াগী স্ত্রেতেজিক পার্তনরশিপ মখা তানা মপাঙ্গল কনখৎহন্নবা মখোয়গী অচেৎপা ফিরেপ অদু অমুক হন্না ফোংদোকখি।

প্রধান মন্ত্রী মোদী অমসুং উপ-রাস্ত্রপতি শেত্তিমা মুস্তফানা গ্লোবেল সাউথকী মরুওইবা অমসুং অৱাবা য়াওনা নাকল অনিগী ইন্তরেস্তকী রিজনেল অমসুং গ্লোবেলগী হিরমশিংগী মতাংদা ৱাখল্লোনশিং ফোংদোক্নখি। মল্তিলেতরেল ফোরমশিংদা তেংবাং পীনবা হেনগৎহনবা অমসুং হেন্না রিপ্রজেন্তেতিব, ইনক্লুসিব অমসুং মল্তি-পোলর ওইবা মালেমগী ওইবা কাংলোন অমগী মায়কৈদা পুন্না থবক তৌমিন্নবগী মরুওইবা অদু মখোয়না ফোংদোকখি।

প্রধান মন্ত্রী মোদীনা নাইজেরিয়াগা লোয়ননা পার্তনরশিপ মপাঙ্গল কনখৎহন্নবা অমসুং অফ্রিকাগা লোয়ননা ভারতকী এঙ্গেজমেন্ত হেন্না চেৎশিলহন্নবা ভারতনা লেপ্তনা হোৎনরি হায়না ফোংদোকখি। উপ-রাস্ত্রপতি শেত্তিমা মুস্তফানা ভারতকী চাউখৎ-থৌরাংগী এক্সপরিয়েন্স অমসুং নাইজেরিয়াদা কেপাসিতী বিল্দিং অমসুং ইকোনোমিক দিবেলপমেন্তদা মাগী কন্ত্রিব্যুসনবু থাগৎপা ফোংদোকখি।

মীফম অদুদা লৈবাক অনিমক্তা অমসুং মালেমগী চাউখৎ-থৌরাংদা শান্তি, নুংঙাই-য়াইফবা অমসুং চাউখৎ-থৌরাংদা মতেং পাংদুনা, হেন্না মপাঙ্গল কনখৎপা, তুংলমচৎকী ওইবা পার্তনরশিপ অমা শেমগৎনবা ভারত অমসুং নাইজেরিয়াগী অপুনবা ফিরেপ অদু অমুক হন্না ফোংদোকখি।

*****