ভারতকী প্রধানমন্ত্রী

উত্তর প্রদেশকী গ্রেতর নোইদাদা চৎথরিবা ইন্দিয়া এক্সপো সেন্তরদা প্রধান মন্ত্রী শ্রী নরেন্দ্র মোদীনা ঙসি ভারতকী ফ্লেগশিপ হাইদ্রোকার্বোন কনফরেন্স পেত্রোতেক-২০১৯গী ১৩শুবা এদিসন হৌদোকখ্রে।

মহাক্কী হৌদোক ৱারোলদা প্রধান মন্ত্রীনা সোসিও-ইকোনোমিক গ্রোথকী মরুওইবা দ্রাইবর অমা ওইনা ইনর্জীগী মরুওইবা অদু পনখি। মতিক চাবা মমল, স্তেবল অমসুং সস্তেনেবল ইনর্জী সপ্লাই অসি ইকোনোমীগী রেপিদ গ্রোথকীদমক মরুওই। মসিনা সমাজ অসিগী লাইরবা অমসুং শোত্থরবা কাংলুপ্পু ইকোনোমিক বেনিফিৎশিং ফংহনবদসু মতেং পাংলি হায়না মহাক্না মখা তাখি।

নোংচুপতগী নোংপোক্তা ইনর্জী কঞ্জুম্পসন্দা অহোংবা অমা লৈরি হায়না ফোংদোক্লদুনা প্রধান মন্ত্রীনা হায়খি মদুদি শেল রিভোলুসনগী মতুংদা য়ুনাইতেদ স্তেত অসি মালেমগী খ্বাইদগী চাউবা ওইল অমসুং গ্যাস পুথোকপা লৈবক ওইরক্লি। অদুম ওইনমক হেন্না হোংবা রিন্যুয়েবল ইনর্জী, তেক্নোলোজীশিং অমসুং দিজিতেল এপ্লিকেসনশিংগী মরক্তা কনভর্জেন্সকী খুদমশিং লৈরি।

প্রধান মন্ত্রীনা হায়খি মদুদি মসি মতমগী দরকার ওইবা অসিনি “… রেস্পোন্সিবল ওইবা মমলদা চৎপা, মদুনা প্রদ্যুসী অমসুং কঞ্জুমর অনিমক্কী ইন্তরেস্ত খল মান্নহল্লি। থাও অমসুং গ্যাস অনিমক্কী ত্রান্সপরেন্ত অমসুং ফ্লেক্সিবল মার্কেৎশিংগী মায়কৈদসু ঐখোয়না চিংশিনবা মথৌ তাই। মদু খক্তদা ওপ্তিকেল মেন্নর অমদা মীওইবা জাতিগী মথৌ তাবা ইনর্জী ঐখোয়না ফংহনবা ঙম্মি।”

ক্লাইমেত চেঞ্জগী মায়োক্নরিবা অসি তেক্কল তৌনবা গ্লোবেল কম্যুনিতীনা খুৎশম্ননা চৎমিন্নরিবা অদু নীংশিংলদুনা মহাক্না ফোংদোকখি, পেরিসতা ঐখোয় ইশামক্না কোপ-২১গীদমক সেৎ তৌখিবা তার্গেৎ অদু ফংবা ঙমগনি। মসিগা মরী লৈননা মহাক্না ফোংদোকখি মদুদি ভারতনা মসিগী ৱারেপ অসি ফংনবগীদমক্তা হঞ্জিন হঞ্জিন হোৎনরি।

প্রধান মন্ত্রীনা হিজ এক্সিলেন্সী দা. সুলতান অল জাবেরবু ইনর্জী সেক্তরদা মহাক্কী থৌদাং অমসুং তুংগী মীৎয়েং অদুগীদমক থাগৎপা ফোংদোকখি। মহাক্না হায়খি মদুদি ইন্দস্ত্রী ৪.০ অসি অনৌবা তেক্নোলোজী অমসুং প্রোসেসশিংগা লোয়ননা ইন্দস্ত্রী ওপরেৎ তৌবগী মওংদা অহোংবা পুরক্লগনি। ঐখোয়গী কম্পেনীশিংনা ইফিসেন্সী ফগৎহন্নবা, সেফতী হেঙ্গৎহন্নবা অমসুং মমল হন্থহন্নবা খ্বাইদগী নৌবা তেক্নোলোজীশিং এদোপ্ত তৌরি হায়না মহাক্না মখা তাখি।

মহাক্না হায়খি মদুদি, হৌজিক হৌজিকমক ভারত অসি মালেমদা খোংজেল য়াংনা চাউখৎলক্লিবা অচৌবা ইকোনোমী অমনি অমদি ২০৩০ ফাওবদা মালেমদা খ্বাইদগী চাউবা অনিশুবা ইকোনোমী অমসুং মালেমদা ইনর্জী খ্বাইদগী শিজিন্নবা অহুমশুবা লৈবাক ওইরবা য়ারি। ২০৪০ ফাওবদা ইনর্জী দিমান্দ শরুক অনি হেল্লকপা য়াবগী ওইথোকপা লৈবনা ভারতনা ইনর্জী কম্পেনীশিংগীদমক পুক্নিং চিংশিন্নীংঙাই ওইবা কৈথেল হাংদোক্তুনা থম্লি।

প্রধান মন্ত্রীনা ২০১৬কী দিসেম্বরদা পাংথোকখিবা অকোনবা পেত্রোতেক কনফরেন্স অদু নৌহৌনা নীংশিংখি, মদুদা মহাক্না তুংদা ভারতকী ইনর্জীগী য়ুম্বী মরিগী মতাংদা পনখি- ইনর্জী এসেস, ইনর্জী ইফিসেন্সী, ইনর্জী সস্তেনেবিলিতী অমসুং ইনর্জী সেক্যুরিতী। ইনর্জী জস্তিস অসি ভারতকীদমক মরুওইবা ওবজেক্তিব অমসুনি অমদি হৌজিক মকোকথোংবা প্রায়োরিতী অমা ওইরে। প্রধান মন্ত্রীনা অকনবা ৱাফম থমখি মদুদি প্রজাশিংনা মখোয়গী কলেক্তিব পৱার অদুদা থাজবা থম্লবা মতম অদু খক্তদা ইনর্জী জস্তিস পাংথোকপা ঙমগনি।

ব্লু ফ্লেম রিভোলুসন অমগী থবক চত্থরি হায়না লাওথোকখি। এল.পি.জি. ফংহনবগী থবক অসি চহী মঙাগী মমাংদা চাদা ৫৫ ওইরম্বদগী চাদা ৯০ য়ৌরে। প্রধান মন্ত্রীনা হায়খি মদুদি হৌখিবা চহী মঙা অসি ভারতকী ওইল অমসুং গ্যাস সেক্তরদা অচৌবা রিফোর্ম অমা উবা ফংলে। মসি ২০৩০ ফাওবদা মেত্রিক তন ২০০ ফাওবা মখা তানা হেঙ্গৎলগনি হায়না মহাক্না মখা তাখি।

ভারতনা গ্যাস বেজ ইকোনোমী অমগী মায়কৈদা খোংজেল য়াংনা চংশিল্লি হায়না মহাক্না ফোংদোকখি। গ্যাস পাইপলাইন কিলোমীতর লিশিং তরাতরুক হেন্না তিংখ্রে অমদি অহেনবা কিলোমীতর লিশিং তরামাথোই তিংবগী থবক চত্থরি। সিতী গ্যাস দিস্ত্রীব্যুসনগীদমক তরাশুবা বিদ রাওন্দনা জিলা চামরি হেন্না কোনশিল্লে অমদি সিতী গ্যাস দিস্ত্রীব্যুসন্না কোনশিল্লিবা অসি ঐখোয়গী মীশিংগী চাদা ৭০ কোনশিল্লে হায়না মহাক্না মখা তাখি।