ভারতকী প্রধানমন্ত্রী

প্রধান মন্ত্রী নরেন্দ্র মোদীনা ঙসি, লৈবাক অপুনবগী মুদ্রা য়োজনাগী কান্নবা ফংলবশিংগা ভিদিওগী থোংদা ৱারী শানখ্রে। ভিদিও কনফরেন্স অসি সরকারগী স্কিমশিংগী কান্নবা ফংলবশিংগা প্রধান মন্ত্রীগা ৱারী শানবগী পরিং অসিদা অনিশুবনি।

কান্নবা ফংলবশিংগা ৱারী শানবা ফংবা অদুদা নুংঙাইবা ফোদোক্লদুনা প্রধান মন্ত্রীনা হায়খি মদুদি, মুদ্রা য়োজনা অসি থবক পীবা ঙম্বা অমা ওইরে। মহাক্না মখা তানা হায়খি মদুদি খোংথাং অসিনা ইন্ত্রপ্রিনরশিংবু শেন্দোই চাবা অমসুং ময়াই চাবা কাংবুগী লাংদগী নান্থোকচবদা মতেং ওইহল্লে। মসিনা নহারোল, নুপীশিং অমসুং মখোয়গী ললোন-ইতিক হৌজনীংবা অমদি চাউথোকহঞ্জনীংবা মীওইশিংদা খুদোংচাবা অমা পীরে।

প্রধান মন্ত্রী মুদ্রা য়োজনাগী মখাদা, সরকার অসিনা হৌজিক ফাওবদা লোন কোতি ১২, শেনফম ওইনা লুপা কোতি লাখ ৫.৭৫ পীখ্রে। মসিগী মনুংদা লোনগী চাদা ২৮ শেনফম ওইনা লুপা কোতি লাখ ৩.২৫ অহানবা ওইনা ইন্ত্রপ্রিনর ওইরকপশিংদা পীখি। য়েন্থোকখিবা অপুনবা লোনগী মনুংদা ৭৪%না নুপীশিং অমসুং ৫৫%না এস.সি./এস.সি. অমসুং ও.বি.সি.শিংগী কাংলুপতা পীখি।

পি.এম.এম.ৱাই.গী কান্নবা ফংলবশিংদা ৱা ঙাংলদুনা প্রধান মন্ত্রীনা হায়খি মদুদি স্কিম অসিনা লাইরবশিংগী পুন্সিদা অহোংবা পুরক্লে। মহাক্না হায়খি মদুদি স্মোল অমসুং মাইক্রো ব্যুজিনেসতা কান্নবা পীরদুনা স্কিম অসিনা মীয়াম্বু শেনমিৎলোনগী ওইনা, খুন্নাইগী ওইনা মপাঙ্গল কলহল্লে অমসুং মীয়ামদা মাই পাকপগী ফম্বাক অমা পীরে।

মশানা থবক পীজবদা শাফু পীরদুনা প্রধান মন্ত্রীনা হায়খি মদুদি হৌজিক্তি মশানা মশাবু থবক পীজবা অসি চাউথোকচনীংঙাইগী মরম অমা ওইরে অমসুং মীয়াম্না, মখোয়না ওইথোক্কনি খল্লুদবশিং মাই পাকপা ঙমহল্লে।
ৱারী শান্নবা অদুদা প্রধান মন্ত্রীনা হায়খি মদুদি মুদ্রা য়োজনা অসি চহি খরগী মমাংদা হৌদোক্লম্লবদি মীওই লাখ কয়ানা মখোয়গী ললোন-ইতিক হৌদোকচবদা মতেং ওইরমগনি অমসুং মাইগ্রেসন তৌখিবশিং চাউনা থিংবা ঙম্লমগনি।

প্রধান মন্ত্রীগা ৱারী শানরদুনা কান্নবা ফংলবশিংনা মতৌ করম্না মুদ্রা য়োজনানা মখোয় মশাগী ললোন-ইতিক তৌবদা অমদি অতোপ্পবু থবক পীবদা মতেং পাংবগে হায়বদু শন্দোক্না পনখি।

প্রধান মন্ত্রী মুদ্রা য়োজনা (পি.এম.এম.ৱাই.) অসি প্রধান মন্ত্রীনা এপ্রিল ৮, ২০১৫দা নন-কোর্পোরেৎ, নন-ফার্ম স্মোল/মাইক্রো ইন্তর্প্রাইজশিংদা লুপা লাখ ১০ ফাওবগী লোন পীননবগী পান্দমদা হৌদোকখি। লোনশিং অদু পি.এম.এম.ৱাই.গী মখাদা মুদ্রা হায়না খাইদোকখি। লোনশিং অসি কমর্সিয়েল বেঙ্কশিং, আর.আর.বি.শিং, স্মোল ফাইনান্স বেঙ্কশিং, কোওপরেতিব বেঙ্কশিং, এম.এফ.আই.শিং অমসুং এন.বি.এফ.শিংনা পী।