ভারতকী প্রধানমন্ত্রী

ফ্রেঞ্চ রিপব্লিক্কী রাস্ত্রপতি, ঐচ.ই. শ্রী ইম্মান্যুএল মেক্রোন অমসুং স্লোভাক রিপব্লিক্কী প্রধান মন্ত্রী, ঐচ.ই. শ্রী রোবর্ত ফিকোনা বর্তন তৌরকপদগী ঐহাক্না ২০২৬গী জুন ১৩দগী ১৮ ফাওবা ফ্রান্স অমসুং স্লোভাক রিপব্লিকতা খোঙচৎ অমা চৎকনি।

ভারতকী স্ত্রেতেজিক ভিজনদা ফ্রান্সনা অখন্নবা মফম অমা কল্লি। চহি অসিগী অঙনবা শরুক্তা, রাস্ত্রপতি মেক্রোননা ভারত লাকখি অমসুং ঐখোয়না ঐখোয়গী মরী অসি স্পেসিএল গ্লোবেল স্ত্রেতেজিক পার্তনরশিপ অমদা পুখৎখি। ঐহাক্না নিসতা রাস্ত্রপতি মেক্রোনগা উনবদা, ঐখোয়না ফেব্রুৱারীদগী খুমাং চাউশিনখিবা অদু য়েংশিনগনি, অমসুং ঐখোয়গী মতেং পীনবগী মথংগী খোঙথাংশিং খঙদোক্কনি। ঐহাক্না নাকল অনিমক্কী ইন্তরেস্ত ওইরিবা মরু ওইবা মালেমগী ওইবা ইসুশিংদা ঐখোয়না খন্ন-নৈনগনি হায়না থাজবা থম্লি।

নিসতা, ঐহাক্না ২০২৬গী জুন ১৪দা রাস্ত্রপতি মেক্রোনগা লোয়ননা ‘ভারত ইন্নোভেৎস’কী হৌদোক্কদবা অসি খৌরাংনা ঙাইরি। ইন্দিয়া-ফ্রান্স ইয়র ওফ ইন্নোভেসনগী থোংদা পাংথোক্কদৌরিবা মরু ওইবা থৌরম অসিনা ভারতকী খ্বাইদগী চাউখৎলক্লিবা স্তার্ত-অপশিংগা মালেমগী ইনভেস্তমেন্তগা শম্নহল্লগনি অমসুং ভারতকী হায়র এজুকেসন ইকোসিস্তেমদগী হৌরক্লিবা ইন্নোভেসনশিংগী মরুওইবা এক্সিলরেতর অমা ওইরগনি।

নিসতগী ঐহাক ২০২৬কী জুন ১৪-১৫দা স্তেত ভিজিৎকীদমক স্লোভেক রিপব্লিকতা চৎকনি, মসি ১৯৯৩দা স্লোভাকিয়ানা নীংতম্বা ফংলবা মতুংদগী ভারতকী প্রধান মন্ত্রী অমনা লাকপা অহানবা খোঙচৎ ওইগনি। পুৱারী ওইরবা খোঙচৎ অসিনা ঐখোয়গী নাকল অনিগী ওইবা মরীদা লৈরিবা মপাঙ্গল কনখৎহল্লি। ব্রাতিস্লাভাদা রাস্ত্রপতি পেল্লেগ্রিনি অমসুং প্রধান মন্ত্রী ফিকোগা লোয়ননা ৱারী শানবগদৌরিবা অসি ঐহাক্না খৌরাংনা ঙাইরি। ঐহাক্না স্লোভাক বিজিনেস লিদরশিংগা ৱারী শানবগী খুদোংচাবা অমসু ফংলগনি। ইন্দিয়া-ই.য়ু. ফ্রী ত্রেদ এগ্রীমেন্তকী খোঙজেলদা য়ুম্ফম ওইদুনা, খোঙচৎ অসিনা স্লোভাকিয়া অসি মরুওইবা অমসুং মমল য়াম্লবা মেম্বর অমা ওইরিবা ই.য়ু.গা লোয়ননা ঐখোয়গী স্ত্রেতেজিক পার্তনরশিপ মখা তানা পুক্নিং থৌগৎকনি।

স্লোভাকিয়াদগী ঐহাক ইভিয়ানদা চৎকনি, মফম অসিদা ঐহাক্না ২০২৬গী জুন ১৬ অমসুং ১৭দা পাংথোক্কদৌরিবা জি.৭ সম্মিৎতা শরুক য়াগনি। জি.৭তা ভারতনা শরুক য়াবা অসিনা ঐখোয়গী পার্তনরশিংনা ঐখোয়দা থাজবা থম্লিবা অমসুং মালেমগী থাক্তা ঐখোয়গী প্রোফাইল হেনগৎলক্লিবা অদু উৎলি। মসি ভারতনা শরুক য়াখিবা মথং-মথং পাংথোকপা জি.৭ মীফমগী ৮শুবা মীফমনি। জি.৭তা ভারতনা মশাগীদমক ৱা ঙাংবতা নত্তনা গ্লোবেল সাউথকী অপাম্বশিংদসু ৱা ঙাংগনি।

ঐহাক্না ২০২৬কী জুন ১৮দা পেরিসতা ঐহাক্কী ফ্রান্স খোঙচৎ লোইশিনগনি। মফম অসিদা ঐহাক্না রাস্ত্রপতি মেক্রোনগা লোয়ননা ভিভাতেক ২০২৬তা শরুক য়াগনি। ভিভাতেক অসি তেক্নোলোজী অমসুং ইন্নোভেসনগী য়ুরোপকী খ্বাইদগী মরুওইবা মীফম অমনি অমসুং ভারত অমসুং য়ুরোপকী ইন্নোভেসন ইকোসিস্তেমশিংগী মরক্তা পার্তনরশিপকী অচৌবা পোতেন্সিএলগী মতিক চাবা খুদম অমা ওইরিবা মসিগী ইদিসন অসিদা ভারতনা খ্বাইদগী চাউবা নেস্নেল পেভিলিয়ন অমা হাংগনি। ঐহাক্না ঐখোয়গী লৈবাক অনিগী মরক্তা থোং অমা ওইরিবা পেরিসতা লৈরিবা ইন্দিয়ন কম্ম্যুনিতীগী মীহুৎশিংগা উননবা ঙাইরি।

ঐহাক্না থাজবা থম্লি মদুদি ঐহাক্কী ফ্রান্স অমসুং স্লোভাক রিপব্লিক খোঙচৎ অসিনা য়ুরোপ অমসুং জি.৭ অনিমক্তা ভারতকী অচেৎপা মরী অদু মপাঙ্গল কনখৎহল্লগনি অমসুং মহাদেশ অসিগা লোয়ননা অমসুং মসিগী ৱাংমদা ঐখোয়গী পার্তনরশিপকী হোরিজন অসি পাকথোক চাউথোকহন্নবা ঐখোয়গী অচেৎপা ফিরেপ অদু উৎলগনি।

***