ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি মালেমগী তোঙান তোঙানবা লুচিংবশিংগী মফমদগী মখা তানা নুঙাইবা ফোংদোকপগী পাওজেলশিং ফংলি। মসিদা শ্রীলঙ্কাগী রাস্ত্রপতি মৈত্রীপালা সিরীসেনা; সাউদি অরবকী নিংথৌ সলমান বিন অব্দুল অজীজ অল সউদ; য়ুনাইতেদ স্তেতসকী রাস্ত্রপতি দানাল্দ ত্রম্প; অমসুং নেপালগী হান্নগী প্রধান মন্ত্রী পুশপা কমল দহল প্রচন্দনা তেলিফোন তৌরকপশিং য়াওরি।

প্রধান মন্ত্রীবু নুঙাইবা ফোংদোক্লদুনা রাস্ত্রপতি সিরিসেন্না লৈবাক অনিমক্কী মরক্তা লৈরিবা মরীশিং হেন্না চেৎশিলহনবগী অপাম্বা ফোংদোকখি। প্রধান মন্ত্রীনা শ্রীলঙ্কাগী রাস্ত্রপতিবু থাগৎপা ফোংদোকখি অমদি লৈবাক অনিমক্কী অমদি লমদম অসিগী য়াইফনবগীদমক হেন্না নক্নবা মওংদা থবক তৌমিন্ননিংবগী অপাম্বা ফোংদোকখি।

প্রধান মন্ত্রী শ্রী নরেন্দ্র মোদীগী লুচিং মখাদা ভাতর মীয়ামগী প্রোগ্রেস অমসুং চাওখৎপা পুরকপগীদমক নুঙাইবা ফোংদোকপা অমদি য়াইফ পাওজেল অদুগীদমক সাউদি অরবকী নিংথৌবু থাগৎপা ফোংদোক্লদুনা প্রধান মন্ত্রীনা ভারত অমসুং সাউদি অরবকী মরক্তা লৈরিবা লৈবাক অনিগী মরীদা নিংথৌনা লমজিং লমতাক্লিবা অদুগীদমক তৌবিমল খংবা উৎখি।

অমুক্তা ওইখিদ্রিবা মওংদা মীখলদা মায় পাক্লকপদা রাস্ত্রপতি ত্রম্পনা প্রধান মন্ত্রীগী মফমদা নুঙাইবা ফোংদোকখি। লুচিংবা অনিমক্না লৈবাক অনিগী মরীশিং অমসুং মালেমগী ৱাফমশিং খন্ন-নৈননবা জপানগী ওসাকাদা পাংথোক্কদৌরিবা জি-২০ মীফমদা উন্নদুনা ৱারী শান্ননবা য়ানখি। মখোয়না লৈবাক অনিগী মরক্তা অচেৎপা অমসুং স্ত্রেতেজিক পার্তনরশিপ মখাতানা হেঙ্গৎহন্নবা পুন্না থবক তৌমিন্নবদসু য়ানখি।