ভারতকী প্রধানমন্ত্রী

ঙসি প্রধান মন্ত্রী শ্রী নরেন্দ্র মোদীনা লুচিংদুনা সাইক্লোন ফোনী থেংননবা শেম শারিবশিং য়েংশিন্নবা অৱাংবা থাক্কী মীফম পাংথোকখ্রে। মীফম অদুদা কেবিনেৎ সেক্রেতরী, প্রধান মন্ত্রীগী প্রিন্সিপাল সেক্রেতরী, প্রধান মন্ত্রীগী এদিস্নেল প্রিন্সিপাল সেক্রেতরী, হোম সেক্রেতরী অমদি আই.এম.দি., এন.দি.আর.এফ., এন.দি.এম.এ. অমসুং প্রধান মন্ত্রী ওফিসকী মকোক থোংবা ওফিসিয়েল কয়াসু সরুক য়াখি।
<br
প্রধান মন্ত্রীগী মফমদা সাইক্লোন অসিনা লাকপা য়াবা লম্বী অমদি হৌজিক হৌজিক পায়খৎলিবা খোংথাংশিং অমদি চেকশিল থৌরাংশিংগী মতাংদা পাওদমখি।
<br
থৌরাংশিং অসিদা মতিক চাবা রিসোর্সশিং ফংহনবা, এন.দি.আর.এফ. অমসুং আর্ম ফোর্সশিংগী তিমশিং থাদোরকপা, থক্নবা ঈশিং ফংহন্নবা থৌরাং তৌবা, অমদি পৱার অমসুং তেলিকোম সার্বিস সিস্তেম নিংথিনা লৈহনবা য়াওরি।
<br
ইমার্জেন্সীগী ওইবা ফীভম মায়োক্ননবা পায়খৎলিবা থবকশিং য়েংশিল্লবা মতুংদা প্রধান মন্ত্রীনা মকোক থোংবা ওফিসরশিংদা নোংলৈ নুংশিৎ অসিনা শোকহল্লবা রাজ্যশিংগী ওফিসরশিংগা মতেং পাংনদুনা পামদবা থৌদোকশিং থোক্তনবা থবক পায়খৎনবা আপিল তৌখি, অমদি সাইক্লোন্না শোকহল্লবা রাজ্যশিংদা মী কনবা অমদি তেংবাং পীবগী থবকশিং মওং তানা চত্থনবা খঙহনখি।
<br