ভারতকী প্রধানমন্ত্রী
প্রধান মন্ত্রী শ্রী নরেন্দ্র মোদী ২০১৮গী দিসেম্বর ২৯–৩০দা অন্দমান অমসুং নিকোবর ইথৎতা চৎলগনি। প্রধান মন্ত্রী দিসেম্বর ২৯গী নুমিদাংৱাইরম পোর্ত ব্লেয়রদা থুংলুগনি।
দিসেম্বর ৩০দা প্রধান মন্ত্রীনা কার নিকোবরদা লৈবা সুনামি মেমোরিয়েলদা চৎকনি। মহাক্না মেমোরিয়েল অদুদা লৈ কৎকনি, অমদি লৈখিদ্রবশিং অদুগীদমক চেকপল অদুদা কেন্দল চুখৎকনি। অরোংদা মহাক্না আই.তি.আই. শঙ্গাগনি, অমসুং ইনফ্রাস্ত্রকচর প্রোজেক্ত খরগীদমক উরেপ উয়ুং তমগনি। মহাক্না মীয়ামগী মীফম অমদা ৱা ঙাংগনি।
তুংদা নুমীৎ অদুদা প্রধান মন্ত্রীনা পোর্ত ব্লেয়রদা লৈবা মার্তিয়স কলমদা লৈ কৎকনি। মহাক্না সহর অদুদা লৈবা সেল্লুলর জেলদা চৎকনি।
প্রধান মন্ত্রীনা সাউথ পোইন্ত, পোর্ত ব্লিয়ারদা ফিরাল চিংখৎকনি। মহাক্না পোর্ত ব্লিয়ারগী মেরিনা পার্ক্তা লৈবা নেতাজিগী মীতমদা লৈ কৎকনি।
নেতাজি সুভাস চন্দ্র বোসনা ভারতকী লৈমায়দা মচুং অহুগী ফিরাল পাইহনখিবগী ৭৫শুবা চহি পালন নিংশিংনিঙাই ওইবা পোস্তেল স্তাম্প, কোইন অমসুং ফার্সত দে কোভর অমা নেতাজি স্তেদিয়মদা প্রধান মন্ত্রীনা হৌদোক্লগনি। মহাক্না অন্দমান অমসুং নিকোবরগীদমক ইনোবেসন অমসুং স্তার্ত–অপ পোলিসীশু হৌদোক্লগনি। মহাক্না মেগা ৱাৎ ৭কী সোলর পৱার প্লান্ত অমা অমসুং সোলর ভিলেজ শঙ্গাগনি। মহাক্না মশিং য়াম্লবা চাওখৎ থৌরমগী প্রোজেক্তশিংগীদমক উরেপ উয়ুংশু তমগনি। প্রধান মন্ত্রীনা মীয়ামগী মীফমদা ৱা ঙাংগনি।
