ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি রসিয়ন ফেদরেসনগী রাস্ত্রপতি শ্রী ব্লাদিমির ভি. পুতিনগা লোয়ননা তেলেফোন্দা ৱারী শানখ্রে। লুচিংবা অনিমক্না কোবিদ-১৯ লাইচৎকা মরী লৈননা মালেমগী ফিভমদা খন্ন-নৈনখি।

প্রধান মন্ত্রীনা রসিয়াদা লাইনা অসিনা নারবা মীওইশিংবু অথুবা মতমদা ফগৎলক্নবা য়াইফ-পাউজেল পীখি অমদি লাইনা অসি থেংনবদা রাস্ত্রপতি পুতিন্না লুচিংদুনা রসিয়ানা হোৎনরিবা অদু মায় পাক্কনি হায়না থাজবা থমখি।

রাস্ত্রপতি পুতিন্না প্রধান মন্ত্রীবু কোবিদ-১৯ থেংননবগীদমক ভারত্তা লৌখৎলিবা খোংথাংশিং মায় পাক্নবগীদমক মহাক্কী ওইবা য়াইফ-পাউজেল পীখি।

লুচিংবা অনিমক্না হেল্থ, মেদিসিন, সাইন্তিফিক রিসর্স, হ্যুমেনিতীগী ওইবা হিরমশিং অমসুং গ্লোবেল ইকোনোমীদা ইম্পেক্তকা মরী লৈননা শিংনরকপা পুম্নমক মপুংফানা থেংনবদা মখা তানা তাথোক-তাশিন তৌবা অমসুং তেংবাং পীনবদা য়ানখি। মখোয়না জি২০গী ফ্রেমৱার্ক্কী মনুংদা কোবিদ-১৯ পুন্না থেংননবগীদমক ইন্তর্নেস্নেল কোওপরেসনগী মরুওইবদা অকনবা ৱাফম থমখি।

প্রধান মন্ত্রীনা রসিয়াদা ভারতকী মহৈরোইশিংগী য়াইফনবগীদমক রসিয়াগী ওথোরিতীশিংগী তেংবাংবু থাগৎপা ফোংদোকখি অমদি মদু মখা চত্থখিগনি হায়না থাজবা ফোংদোকখি। রাস্ত্রপতি পুতিন্না মসিগা মরী লৈননা তেংবাং পুম্নমক পীগনি হায়না থাজবা পীখি। প্রধান মন্ত্রীনা রাস্ত্রপতি পুতিনদা হায়খি মদুদি মরী লৈনবা ভারতকী ওথোরিতীশিংনা দরকার ওইরকপা মতমদা রসিয়াগী নাগরিকশিংগী য়াইফনবা অমসুং ওর্গনাইজ রিতর্ন শোইহন্দনবগীদমক ওইথোকপা য়াবা মওং খুদিংমক্তা মখা তানা লায়থোকহনগনি।