ভারতকী প্রধানমন্ত্রী
নই দিল্লীদা দিসেম্বর ১২দা প্রধান মন্ত্রী নরেন্দ্র মোদীনা মরিসুবা পার্তনর ফোরম হৌদোক্কনি। ভারত সরকার অমসুং পার্তনরশিপ ফোর মেতরনেল , নইবোর্ন এন্দ চাইল্ড হেল্থ (পি এম এন সি ঐচ)না পুন্না শীনবা নুমিৎ নিনিগী ইন্তরনেসনেল কনফরেন্স অসি ২০১৮গী দিসেম্বর ১২ অমসুং ১৩দা পাংথোক্কনি অমসুং মসিদা লৈবাক ৮৫গী মীওই ১৫০০ রোম শরুক য়াদুনা নুপীশিং, অঙাংশিং অমসুং ইনখৎলক্লিবী নুপীমচাশিংগী হকশেলগী ফিবম ফগৎহন্নবা খন্নগনি। মালেমগী লৈবাক মফম কয়াদগী চেবাউ পীনবা লৈবাকশিং খনগৎখি অমসুং মদুদা মালেমগী মরুওইবা লুপশিং(খুদম ওইনা জি ৭, জি ২০, ব্রিক্স ) য়াওখি।
নুপীশিং, অঙাংশিং অমসুং ইনখৎলক্লিবী নুপীমচাশিংগী হকশেলগী ফিবমগা মরি লৈনবা মালেমগী ৱাফমশিং খন্নবা অৱাংবা থাক্কী লৈবাক কয়ানা শরুক য়াবা তাঙ্কক নাইনা চৎথরকপা মরিসুবা ফোরমনি। পার্তনরশিপ ফোর মেতরনেল , নইবোর্ন এন্দ চাইল্ড হেল্থগী মীহুৎ কাংবু অমনা , ফোরম অসি লুচিংখিবা কেন্দ্রগী হকশেল অমসুং য়াইফ-য়ুম্বালগী মন্ত্রী জে পি নদ্দা, পি এম এন সি ঐচগী হান্নগী বোর্দ চেয়র অমসুং চিলিগী হান্নগী প্রসিদেন্দ দোক্তর মিচেল বাচলেত, শক্নাইরবী এক্তর অমসুং য়ুনিসেফকী গুদৱিল এম্বেসেতর প্রিয়ানকা চোপ্রানা ২০১৮গী এপ্রিল ১১দা করতেন রাইজরদা প্রধান মন্ত্রী নরেন্দ্র মোদী উনখি অমসুং পি এম এন সি ঐচ ফোরমগী পেত্রোন মেম্বর ওইবা প্রধান মন্ত্রীনা য়াখি।
অঙাং অমসুং মীরোনবী শিবা হন্থনবা, অঙাং, ইনখৎলক্লিবীশিং, পোকপদা ঙাইরিবা অঙাং, অমসুং চাবোকপীশিংগী হকশেলগী ফিবম ফগৎহন্নবা পান্দমদা ২০০৫গী সেপ্তেম্বরদা মালেগী হকশেলগী পার্তনরসিপ অমা ওইনা পার্তনরস ফোরম অসি লিংখৎখিবনি। পার্তনরশিপ অসিদা লৈবাক ৯২গী কেন্দ্র ১০ শীনবা থুংনা মেম্বর ১০০০ হেন্না লৈরি অমসুং মসিদা একাদেমিক, রিছাস অমসুং তিচিং ইন্সতিতুৎশিং, দোনরশিং অমসুং ফাউন্দেসনশিং, হকশেলগী মীওইশিং, লৈবাক কয়াগী এজেন্সিশিং, এন জি ওশিং, প্রাইবেদ সেক্তরশিং য়াওরি।
মমাংগী চেপ্তরশিং জোহান্নেসবার্গ, খা-অফ্রিকা(২০১৪), নই দিল্লী, ভারত(২০১০) অমসুং দার ইস সালাম, তান্জানিয়া(২০০৭)দা পাংথোকখ্রে। ভারতনা পার্তনর ফোরমগী য়ুম্বু ওইবা অসি হন্দক্কী অসিনা অনিসুবনি।
পি এম এন সি ঐচগী পান্দমদি স্তেনেবল দিবলপমেন্ত গোলস( এস দি জিস) ফংনবা , মরুওইবা হকশেলগা মরি লৈনবা এস দি জিশিং ফংনবা মালেমগী হকশেলগী কাংবুশিং শৌগৎপনি। মসিনা ‘ইভরি ৱুমেন ইভরি চাইল্ড’ (ই দব্লিউ ই সি) অসি শৌগৎতুনা নুপীশিং, অঙাংশিং অমসুং ইনখৎলক্লিবীশিংগী হকশেলগী লাল্লোং য়াৎকনি।
পার্তনর ফোরমগী পান্দমশিং অসি হিংবা-হোৎনবা-অওনবা হায়বা মালেমগী ওইবা লাল্লোং অসিদা য়ুমফম ওইগনি। মসিগী থৌরম অসিদা অৱাংবা থাক্কী মালেমগী প্লেনারি মরি য়াওরি অমসুং মসিনা রাজনিতিগী লুচিংবা, লৈবাক কয়ানা তৌগদবা থবকশিং, মরম চানা থবক তৌবা, মরুপ-মপাং ওইবা শক্তিগী মরমদা মীৎয়েং থমগনি। অৱাংবা থাক্কী প্লেনারি অমমম্না মীফম তরুক পাংথোক্তুনা ফোরমগী মরুওইবা ৱাফমশিং খন্নগনি।
নুপীশিং, অঙাংশিং অমসুং ইনখৎলক্লিবীশিংগী হকশেলগী ফিবম ফগৎহন্নবা মতৌ করম্না লৈবাকশিংনা থবক পায়খৎলিবগে হায়বদু মাইপাক্লবা ফেক্তর ১২গী কেস স্তদিজশিংগা চাংদম্নদুনা ফোরম্না থিজিনগনি। কেস স্তদিজশিং অদু বি এম জেগী অখন্নবা পার্তনরস ফোরম ইদিসনদা ফোঙগনি অমসুং পাক-শন্না য়েন্থোক্কনি।
লমদম তরুক হায়বদি; অফ্রিকা, ইস্তর্ন মেদিতেরানিয়ান, য়ুরোপ, অমেরিকা, খা-নোংপোক এসিয়া অমসুং ৱেস্তর্ন পেসিফিকতগী পান্দম তরুক্তা ফংলকপশিং পার্তনর ফোরম্না উৎকনি :
