ভারতকী প্রধানমন্ত্রী

ঙসি ভিদিও মেসেজ অমগী খুৎথাংদা মুম্বাইদা প্রধান মন্ত্রী শ্রী নরেন্দ্র মোদী ইন্দিয়া স্তিল ২০২৫ থৌরমদা ৱা ঙাংখ্রে। থৌরম অদুদা প্রধান মন্ত্রীনা হায়খি নুমিৎ অনিনি অসিদা ভারতকী স্তিল সেক্তরগী খুদোংচাবশিংগী মরমদা খন্নগনি। সেক্তর অসিদা অওনবশিং পুরকপা অসি ভারত চাউখৎনবগী য়ুম্ফমনি অমসুং চাউখৎলবা ভারত অমগী য়ুম্ফম মপাঙ্গল কনখৎহনগনি অমসুং লৈবাক অসিদা অওনবা পুরক্নবগী অনৌবা পন্দুব অমা ইবা হৌরে। থৌরম অসিদা অনৌবা ৱাখলশিং শরুক য়ামিন্নবা, নৌনা থবক তৌমিন্নবা অমসুং অনৌবা থবক পায়খৎপা পুক্নিং থৌগৎকনি। থৌরম অসিনা স্তিল সেক্তরদা অনৌবা পন্দুব অমগী থবক পায়খৎপা হৌগনি।

প্রধান মন্ত্রীনা হায়খি মালেমগী অনৌবা শেন্মিৎলোনশিংদা স্তিলনা মরুওইবা থৌদাং অমা লৌরি, মাইপাকপগী ৱারি খুদিংমক্কী তুংদা স্তিলগী শক্তি লৈরি। ভারতকী দোল্লর ত্রিল্লিয়ন ৫ গী পান্দম অমা ফংনবা হোৎনবদা স্তিলনা মরুওইবা থৌদাং লৌরি। মালেমদা ভারতনা স্তিল পুথোকপদা অনিশুবা খ্বাইদগী চাউবা লৈবাক ওইবদা ঙসি ঐখোয়না চাউথোকচরি। নেসনেল স্তিল পোলিসিগী মখাদা ২০৩০ ফাওবদা স্তিল মিল্লিয়ন তন ৩০০ পুথোক্নবা ঐখোয়না পান্দম অমা থম্লি। হৌজিক ভারত্ত মীকোক্ত স্তিল শীজিন্নবা অসি চাউরাক্না কেজি ৯৮ ওইরি অমসুং ২০৩০ দা কেজি ১৬০ হেনগৎলকপা য়ারি। স্তিল শীজিন্নবা হেনগৎলকপা অসি লৈবাক অসিগী ইনফ্রাস্ত্রকচর অমসুং শেন্মিৎলোনগী সনাগী থাক অমা ওইরি।

প্রধান মন্ত্রীনা হায়খি পি.এম-গাতি শক্তি নেসনেল মাস্তর প্লানগী য়ুম্ফমনা মরম ওইদুনা স্তিল ইন্দস্ত্রিগী তুংগী মতাংদা অনৌবা থাজবা লৈরে। মল্তি-মোদাল কন্নেক্তিবিতি ফগৎহন্নবা খনি লৈবা মফমশিং অমসুং স্তিল য়ুনিতশিংগী মেপ শেম্লে। স্তিল সেক্তর মশিং য়াম্না লৈরিবা ভারতকী নোংপোক থংবা শরুক্ত মরুওইবা ইনফ্রাস্ত্রকচরশিং ফগৎহন্নবা অনৌবা প্রোজেকশিং পায়খৎলে। দোল্লার ত্রিল্লিয়ন ১.৩ গী নেসনেল ইনফ্রাস্ত্রকচর পাইপলাইন খুমাঙচাউশিল্লে। লম্বীশিং, রেলৱেশিং, এয়রপোর্তশিং, হিথাংফমশিং অমসুং পাইপলাইনশিং শেমগৎপা অসিনা স্তিল সেক্তরদা অনৌবা খুদোংচাবশিং পীরে। পি.এম অৱাস য়োজনাগী মখাদা য়ুম করোর কয়া শাখ্রে অমসুং জল জিবন মিসনগী মখাদা খুঙ্গংশিংদা ইনফ্রাস্ত্রকচর কয়া শেমগৎলে। হায়রিবা য়াইফ থৌরাংশিং অসিনা স্তিল উদ্যোগতা অনৌবা থৌনা পীরে। সরকারগী প্রোজেকশিংদা ‘মেদ ইন ইন্দিয়া’ স্তিল খক্ত শীজিন্ননবা সরকারনা ৱারেপ লৌরে অমসুং সরকারনা পায়খৎলিবা থবকশিং অসিনা বিল্দিং শাবা অমসুং ইনফ্রাস্ত্রকচরদা স্তিল খ্বাইদগী য়াম্না শীজিন্নরে।

প্রধান মন্ত্রীনা হায়খি হিরম কয়া চাউখৎহনবদা স্তিলনা মরুওইবা মচাক অমা ওইরি। ভারতকী অতোপ্পা উদ্যোগশিং মালেমগী ওইনা চাংদম্নবদা স্তিল ইন্দস্ত্রিগী ভারতকী থৌশিলশিংনা মরুওইবা থৌদাং অমা লৌরি। মেনুফেকচরিং, কন্সত্রক্সন, মেছিন্নরি অমসুং অতোমেতিপ সেক্তরশিংনা ভারতকী স্তিল ইন্দস্ত্রিদগী থৌনা ফংলি। ‘মেক ইন ইন্দিয়া’ গী থবক ফগৎহন্নবা চহি অসিগী বজেত্ত সরকারনা নেসনেল স্তিল মেনুফেকচরিং মিসন হৌদোক্লে। মিসন অসিনা অপীকপা, ময়াই ওইবা অমসুং অচৌবা উদ্যোগশিং কোনশিনগনি অমসুং স্তিল সেক্তরদা অনৌবা খুদোংচাবশিং পীগনি।

প্রধান মন্ত্রীনা হায়খি মদুদি ভারতনা মতম শাংনা মপান লৈবাকশিংদগী অফবা মখলগী স্তিলশিং পুশিল্লকপগী মখা পোনখি, মসি দিফেন্স অমসুং মরুওইবা সেক্তরশিংগী য়াম্না মরুওইবনি। ভারতনা মশানা শাজবা অহানবা এয়রক্রাফ কেরিয়রদা লৈবাক অসিদা পুথোকপা স্তিল শীজিন্নরে। পুৱারি ওইরবা চন্দ্রয়ান মিসন মাইপাকপদা ভারতকী স্তিলনা মরুওইবা থৌদাং লৌরি। অওনবশিং অসি পুরক্নবা পি.এল.আই স্কিম পায়খৎতুনা অফবা মখলগী স্তিল পুথোকপদা লুপা করোর লিশিং কয়াগী মতেং পীরে। মসি অহৌবা খক্তনি অমসুং তুংদা পায়খৎদবা থবক কয়া লৈরি। লৈবাক শীনবা থুংনা অচৌবা প্রোজেক কয়া পায়খৎপদগী অফবা মখলগী স্তিল দরকার ওইবা হেনগৎলক্লে।

চহি অসিগী বজেত্ত জহাজ শাবা অসি ইনফ্রাস্ত্রকচর ওইনা লাউথোক্লে অমসুং ভারতনা অনৌবা অমসুং অচৌবা জহাজশিং শাদুনা অতোপ্পা লৈবাকশিংদা থাদোক্নবা পান্দম থম্লি। ভারত্ত পাইপলাইন শানবা স্তিল অমসুং য়োৎহিং কাদবা এল্লোইশিং শীজিন্নবা হেনগৎলক্লি। লৈবাক অসিগী রেল ইনফ্রাস্ত্রকচর মমাঙদা অমুক্ত ওইখিদ্রিবা খোঙজেলদা পাকথোক-চাউথোরক্লি। ঐখোয়গী ইনফ্রাস্ত্রকচর প্রোজেকশিংগী পান্দম অসি ‘জিরো ইম্পোর্ত’ অমসুং ‘নেত এক্সপোর্ত’ ওইগদবনি। মপান লৈবাকশিংদা স্তিল মিল্লিয়ন তন ২৫ থাদোক্নবা অমসুং ২০৪৭ ফাওবদা মিল্লিয়ন তন ৫০০ পুথোকপা ঙম্নবা ভারতনা পান্দম থম্লি। স্তিল ইন্দস্ত্রি চাউখৎলকপা অসিনা থবক য়াম্না ফংহল্লে। লনাই অমসুং সরকারগী সেক্তর অনিমক্না অনৌবা ৱাখলশিং য়োকখৎকদবনি। লৈবাক অসিগী নহারোলশিংদা অহেনবা থবকশিং ফংহন্নবা খুদোংচাবশিং পীনবা মেনুফেকচরিং, আর অমসুং দি অমসুং তেক্নোলোজি ফগৎহনবদা পুন্না থবক তৌমিন্নগদবনি।

প্রধান মন্ত্রীনা হায়খি হৌজিক ভারতনা মপান লৈবাকশিংদগী নিক্কেল, কোকিং কোএল অমসুং মেঙ্গানিজ পুশিল্লকপগী মখা পোল্লি। সেক্তর অসিদা ইনর্জি য়াম্না চঙহন্দনবা, মৈখু য়াম্না থাদোক্তনবা অমসুং দিজিতেলগী অৱাংবা থাক্কী তেক্নোলোজিশিং শীজিন্নবা য়াম্না মরুওই। স্তিল ইন্দস্ত্রিগী তুংগী ফিবম অসি এ.আই, ওতোমেসন, রিসাইক্লিং অমসুং বাই-প্রদক শীজিন্নবনা লেপকনি। মায়োক্নরিবা খুদোংচাবশিং অসি মালেমগী লৈবাকশিং অমসুং ভারতকী কম্পেনিশিংগী মরক্ত পুন্না থবক তৌমিন্নবনা কোকহনবা ঙমগনি।

প্রধান মন্ত্রীনা হায়খি মপান লৈবাকশিংদা কোকিং কোএল য়াওনা কয়লা পুশিল্লকপগী মখা পোল্লিবা অসি হন্থহন্নবা থয়ক পায়খৎকদবনি। কোএল গ্যাসতিফিকেসন অসিনা লৈবাক অসিগী কয়লা মপুংফানা শীজিন্নবা ঙমহনগনি অমসুং মপান লৈবাকশিংদগী পুশিল্লকপগী মখা পোনবা হন্থহনগনি। থবক অসিদা স্তিল ইন্দস্ত্রিগী মরী লৈনবা খুদিংমক শরুক য়াগদবনি অমসুং হিরম অসিদা খুমাঙচাউশিন্নবা দরকার ওইবা থবক পায়খৎকদবনি।

প্রধান মন্ত্রীনা হায়খি হৌখিবা চহি ১০ দা, মাইনিংগী অওনবা কয়া পুরকখ্রে, আইরন ওর ফংবদা হেন্না লাইহল্লে। লৈবাক অসিগী লন-থুমশিং মপুংফানা শীজিন্ননবা অয়াবা পীখ্রবা মাইনশিং মপুংফানা শীজিন্নবগী মতম অদু হৌজিক য়ৌরক্লে। খনিশিংদা থবক পায়খৎপা থিন্থবা অসিনা উদ্যোগতা য়াম্না শোকহনগনি অমসুং হৌজিক লৈবাক অসিদা খনিশিং অমসুং রিছোর্সশিং ফজনা শীজিন্নবা মতম ওইরে, গ্রিন ফিল্দ মাইনিং য়াংখৎহনবা দরকার ওইরে।

প্রধান মন্ত্রীনা হায়খি ভারতনা লৈবাক অসি চাউখৎনবা মখা তানা মীৎয়েং থম্বা খক নত্তনা মালেমগী লুচিংবা ওইনবা লৈবাক অসিনা থৌরাং তৌরি। হৌজিক মালেম্না ভারত অসি থাজবা য়ারবা অফবা মখলগী স্তিল পীবা লৈবাক অমা ওইনা উরে। স্তিল পুথোকপদা মালেম থাক য়ৌহনবা অসি য়াম্না মরুওই। পুথোক-পুশিনগী খুদোংচাবা হেনগৎহনবা, মল্তি-মোদাল ত্রান্সপোর্ত নেতৱার্কশিং চাউখৎহনবা, পোৎথোক পুথোকপদা চঙবা শেনফম হন্থহনবা অসিনা ভারতনা মালেমগী স্তিলগী মফম অমা ওইহন্নবা মতেং পাংগনি। অপুনবা ওইনা, ঐখোয়না অৱা-অনা মায়োক্নবা ঙম্বা, অওনবা পুরকপা অমসুং স্তিলগুম্বা মপাঙ্গল কনবা ভারত অমা শেমগৎলসি।

PM @narendramodi‘s remarks during the India Steel 2025 programme. https://t.co/Nh3x774mPJ

— PMO India (@PMOIndia) April 24, 2025

****