ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি ছত্তিসগরগী বস্তরদা লৈবা করনপুরগী কোব্রা ওপরেসন্স বেজদা চৎখ্রে, মসি বস্তর অমসুং অবুঝমদতা নাক্সলগী মায়োক্তা চত্থরিবা ওপরেসনশিংগী ত্রেনিং বেজ অমসুং লোঞ্চ পেদ ওইরি। লৈবাক শিনবা থুংনা অমসুং মালেম শিনবা থুংনা ভারত মচা করোর কয়ানা মখোয়গী ইমুং-মনুংগী মীওইশিংগা লোয়ননা মৈগী কুহ্মৈ অসি পাংথোক্লিবা মতম অসিদা জৱানশিংদা ৱা ঙাংলদুনা, প্রধান মন্ত্রীনা হিমালয়গী কারগিল অমসুং লেপচাদগী হৌরগা সমুদ্রগী মপালদা লৈবা সির ক্রিক অমসুং সমুদ্রগী ময়াদা লৈবা আই.এন.এস. বিক্রান্ত ফাওবা থৌনা ফরবা জৱানশিংগা লোয়ননা মহাক্না কাউঙমদ্রবা দিৱালীগী কুহ্মৈশিং অসি পাংথোকখিবা অদু নীংশিংখি। শ্রী মোদীনা হায়খি, “ঙমখৈশিংদা অমসুং লৈবাক অসিগী মনুংদা লৈবাক্কী ঙাক-শেনবীরিবা লৈবাক অসিগী সেন্তিনেলশিং, মা ভারতীগী থৌনা ফরবা মচানুপাশিং, নখোয় পুম্নমক ঐগী নুংশিজরবা মীওইশিংনি, নখোয় পুম্নমক ঐগী ইমুং-মনুংগী শরুক অমনি।”

২০২৬কী দিৱালী অসি তশেংনা অখন্নবা অমনি হায়না পল্লদুনা মহাক্না হায়খি মদুদি মসিনা ভারতনা মাওইস্ত তেররগী মায়োক্তা চহি কয়া লান্থেংনখিবা অদু ঙমখিবা, জিলা খুদিংমক নক্সল-ফ্রী ওইহনখিবা, অমসুং নাগরিক করোর কয়াগী অকিবা কোকহনখিবা মতুংদা লাকপা অহানবা মৈগী কুহ্মৈনি। প্রধান মন্ত্রীনা হায়খি মদুদি মহাক্না বস্তরদা লাকখিবসি মসিগী অখন্নবা মাইলস্তোন অসি সেক্যুরিতী পর্সনেল লাখ কয়াগা লোয়ননা পাংথোক্নবা অমসুং নাগরিক করোর ১৪০গী তৌবিমল ফোংদোক্নবনি। প্রধান মন্ত্রীনা হায়খি, “ঙসি ঐহাক্না অদোমগী কত্থোকপা, হোৎনবা, অমসুং শেবাগী ৱাখল্লোনগীদমক তৌবিমল খঙবা ফোংদোকচরি।”

অরিবা মতমগী সংস্কৃতকী লৌশিং ‘আভান্তরম ভায়াম রক্ষ্যম, অসারম বাহয়াতো ভায়াম’ অসি পল্লদুনা মপানগী য়েক্নবশিংনা মপাঙ্গল কনবা ইন্তর্নেল সেক্যুরিতী লৈবা লৈবাক অমদা শোকহনবা ঙম্লোই অদুবু ইন্তর্নেল সেক্যুরিতীগী মপাঙ্গল হন্থরকপা মতমদা মখোয়না হেনগৎলকপা ঙমগনি হায়না শন্দোক্না তাক্নবা প্রধান মন্ত্রীনা সেক্যুরিতী ফোর্সশিংগী থৌদাংবু ঙমখৈদা লৈবা আর্মদ ফোর্সেসকী থৌদাংগা চাংদম্নখি অমসুং সি.আর.পি.এফ., কোব্রা, বি.এস.এফ., আই.তি.বি.পি., এস.এস.বি., আই.আর.বি., রাজ্য পুলিস ফোর্স, বস্তার ফাইতরস কম্মান্দোশিং অমসুং নুপী ফাইতরশিংগুম্বা পর্সনেলনা চাউনা কত্থোকখিবশিং অদুবু থাগৎপা ফোংদোক্লদুনা লৈবাক অসিগী ফ্রন্তিয়রদা ঙাকশেল্লিবা লান্মীশিংদা কুহ্মৈ অসিগী য়াইফ-পাউজেলসু পীখি। শ্রী মোদীনা হায়খি, “লৈবাক অসিনা অদোমগী শাবাগীদমক অদোমগী মফমদা লমন তোনশিল্লি, অমসুং লৈবাক অসিগী মীওই করোর কয়াদি অদোমগীদমক চাউথোকচরি।”

বিহার, মহারাস্ত্রা, ওরিশা, উত্তর প্রদেশ, মধ্য প্রদেশ অমসুং ছত্তিসগর য়াওনা রাজ্য ২০ রোমগী জিলা ২৩০ রোমদা লেফ ৱিং এক্সত্রিমিজম্না খুদুম চন্দুনা থমখিবগী অৱাবা মতম, অকিবনা নুমিদাংৱাইরমদা কর্ফিয়ু থমহনখি, ভোৎ থাদবগী হক মৎপীখি, চহিগী ওইনা এত্তেক ২,০০০ ফাওবা চৎথখি, ছত্তিসগর খক্তদা পর্সনেল ১,০০০ হেনবনা মখোয়গী পুন্সি থাখি, আই.ই.দি. ব্লাস্তশিংদা মশিং লাকঙমদ্রবা লান্মীশিংগী মখোং-মখুৎ তৎখি, অমসুং ২০১০গী তোঙান-তোঙানবা দন্তেৱারা এত্তেকশিংদা সি.আর.পি.এফ. পর্সনেল ৭৬ অমসুং মীচম ৪৪ হাৎখি অদু নীংশিংলদুনা প্রধান মন্ত্রীনা হায়খি মদুদি ২০০৪ অমসুং ২০১৩গী মরক্তা হাৎখিবা নক্সলশিংদগী চহি ওইনা সেক্যুরিতী পর্সনেলনা হেন্না থৱায় থাখি, মসিনা মাওইস্ত লুচিংবশিংদা থৌনা হাপখি।

লৈবাক অমত্তনা মশাগী য়েক্নবশিংগী মায়কৈদা পেসিব ওইবা মওংদা চংশিনবা ঙম্লোই অমসুং মদুগী মহুত্তা মখোয়বু মোরেল ৱাংনা স্ত্রেতেজিক ওইবা মওংদা মুথৎপা মথৌ তাই হায়বা ৱাফম থম্লদুনা প্রধান মন্ত্রীনা হায়খি মদুদি ২০১৪গী মতুংদা, চহি তরাগী খুজিং কয়াগী মমাংদা লৈরম্বা সেক্যুরিতী ফোর্সশিংগী মরক্তা হেন্না মীশি-মীনা অমদি অশোক অপন নংবগী চৎনবী অদু হোংখ্রে অমসুং মসিনা চহি ৪৭কী মনুংদা অহানবা ওইনা হৌখিবা চহি অমদা সি.আর.পি.এফ.গী লান্মী অমত্তা মথৌ তৌরিঙৈদা লৈখিদবগী পুৱারী ওইরবা মাইলস্তোন অমা ওইহল্লে। শ্রী মোদীনা হায়খি, “মসি লৈবাক অসিগী অচুম্বা পোলিসীশিং অমসুং অচেৎপা ৱিল পৱারগী মাইপাকপনি, অমসুং মসি অদোমগী থৌনা-লিংজেল অমসুং চেকশিনবগী মাইপাকপনি।”

মাইপাকপা হায়বসিদা অচুম্বা ৱাখল্লোন অমসুং অচুম্বা পোলিসী অনিমক মথৌ তাই হায়না পল্লদুনা প্রধান মন্ত্রীনা হায়খি মদুদি সরকার অসিনা নেস্নেল সেক্যুরিতীগী মতাংদা অকনবা ৱারেপ কয়া অমা লৌখি, মসিদা মীয়ামদা খঙহনখিবা কয়ামরুম, নাক্সল অমসুং সেপরেতিস্ত ফন্দিংদা অকনবা শাফু পীবা অমসুং জালি নোৎকী নেক্সস থুগাইবা য়াওরি। “মসিনা মখোয়গী শেন্মিৎলোনগী য়াংলেন শরূ থুগাইবা খক্তা নত্তনা, সপ্লাই লাইন পুম্নমক থিংজিনখি, খুৎলায়শিং সপ্লাই তৌবা লেপহনখি অমসুং নক্সলশিংগী খোঙচৎ অমসুং রিক্রুতমেন্ত থিংজিনখি”, হায়না পি.এম. মোদীনা হায়খি।

প্রধান মন্ত্রীনা হায়খি মদুদি মহাক্কী সরকারনা মথৌ তাবা ৱারেপ খুদিংমক লৌনবগীদমক সেক্যুরিতী ফোর্সশিংদা অপুনবা ওপরেস্নেল ফ্রীদম পীরি। মমা অমত্তনা মহাক্কী মচা কাইনবা তৌদনবা, ইমুং অমত্তনা মাংহন্দনবা অমসুং নহারোল অমত্তনা খুৎলায় পায়দনবগী পান্দম অমা খক্তগীদমক সরকারনা পব্লিসিতী য়াওদনা নত্ত্রগা কা হেন্না উৎথোকপা তৌদনা চোকথবা লৈতনা থবক তৌরি হায়না শন্দোক্না হায়রদুনা মহাক্না হায়খি মদুদি মাওইস্ত তেররগী য়ালেন শরূশিং থুদেকখিবা সেক্যুরিতী ওপরেসনশিং অসি মীয়ামগী শেবাগী ৱাখল্লোনগা লোয়ননা পুন্সিবু মতৌ করম্না হোংদোকহনবগে হায়বদু উৎখি অমসুং থৌরম অদিদা শরুক য়াখিবা লোকেলগী প্রজাশিং য়াওনা সরকার অমসুং সেক্যুরিতী ফোর্সশিংবু সপোর্ত তৌনবা শোকহল্লবা প্রজাশিংদা হায়খি। থৌরম অদুদা শরুক য়াখিবা মফম অদুগী প্রজাশিং য়াওনা মহাক্না মখোয়গী মরু ওইবা মতেং পাংবগীদমক থাগৎপা ফোংদোকখি। প্রধান মন্ত্রীনা হায়খি, “শেবাগী ৱাখল্লোনগা লোয়ননা ঐখোয়না নক্সলনা শোকহল্লবা মফমশিংদা লৈবা মীওইশিংগী পুন্সিদা অহোংবা পুরকখি।”

নেসন ফার্স্তকী ৱাখল্লোন্দা থবক তৌবনা শান্তি অমসুং সেক্যুরিতী লৈহল্লি, লৈবাক অসি চাউখৎপগী অনৌবা থাক্তা পুখৎলি, অমসুং লৈবাক অসিগী চাউখৎ থৌরাংদা লায়রবশিং অমসুং শোত্থরবশিংগী শরুক য়াবা হেনগৎহল্লি হায়না পল্লদুনা প্রধান মন্ত্রীনা হৌখিবা চহি কয়াগী মনুংদা লৈবাক অসিনা মাইপাকপা অনিগী মতাংদা পনখি। হৌখিবা চহি ১২ অসিদা লৈবাক অসিনা নক্সলিজম অমসুং সেপারেতিজমগী মায়োক্তা লান অসি মাইপাকখিবতা নত্তনা লৈবাক অসিনা লায়রবগী মায়োক্তা অচৌবা লান অমা মাইপাকখ্রে”, হায়না শ্রী মোদীনা ফোংদোকখি।

দিৱালীগী হেক মমাংদা ফোংখিবা ৱর্ল্দ বেঙ্ক রিপোর্তকী মতাংদা পাকশন্না খন্ন-নৈনরিবা অদু পল্লদুনা প্রধান মন্ত্রীনা হায় ভারত মচা করোর ৫০না হৌখিবা চহি ১২ অসিদা কা হেন্না লায়রবদগী থোরকপা ঙমখ্রে।

হৌখিবা চহি ১২ অসিদা ভারতকী য়াইফ-থৌরাংগী আর্কিতেকচর অসি অপীকপা, তোঙান-তোঙানবা লাইনশিংনা পুনশিল্লগা অচৌবা পিকচর অমা শেম্বা দিৱালী রঙ্গোলীগা চাংদম্নরদুনা জন ধন বেঙ্কিং, পি.এম. অৱাজ পক্কা য়ুমশিং, কোলাতরেল ফ্রী মুদ্রা লোন, লম্বীদা পোৎ য়োনবশিংদা স্বানিধিগী মতেং, আয়ুশ্মান ভারত হেল্থকেয়র, থাগী ওইনা লেম্না রাশন পীবা, অঙাংশিংগী মহৈ তম্বগী পোলিসীশিং, স্বচ্ছ ভারত অমসুং হর ঘর জল পুম্নমক অসিনা পুন্না লেম্না হিদাক লাংথক ফংহনবা, লেম্না মহৈ তম্বগী খুদোংচাবা ফংহনবা অমসুং লেম্না চাকশঙ ফংহন্দুনা মসিনা ইমুং মনুংগী ওইবা অৱাবা কয়া কোকহনবা ঙমখি। শ্রী মোদীনা হায়খি “লায়রবশিংগী ইমুং-মনুংশিংনা মখোয়গী পুন্সি চুপ্পা ৱাখল ৱাদুনতা লৈরম্বা অদুদা সরকারনা অচেৎপা থাজবা পীখ্রে অমসুং মখোয়দা অনৌবা মশাগী থাজবা অমা লাকহল্লে”।

লায়রবগী মায়োক্তা মাইপাকপা অসি নক্সলিজমগী মায়োক্তা লান্থেংনবগা য়াম্না মরী লৈনৈ হায়না পল্লদুনা, মসিনা মমাংদা স্কুলশিং, হোস্পিতালশিং, মেদিকেল স্তোরশিং, পোলিও ভেক্সিনেসনশিং, মোবাইল তাৱরশিং অমসুং ইন্দস্ত্রীশিং থিংদুনা অমসুং রেলৱে ত্রেকশিং বোম পোখাইহন্দুনা চমজবা নাগরিক লাখ কয়া মমাংদা পন্দুনা লৈখিবা অদু পল্লদুনা প্রধান মন্ত্রীনা লেফ ৱিং এক্সত্রিমিজমনা শোকহল্লবা মফমশিংদা অখন্নবা দিবেলপমেন্ত দ্রাইবকী মতাংদা অকুপ্পা ৱারোল পীখি। মসিদা কিলোমিতর ১৫,০০০ হেন্না শাংবা লম্বীশিং, মোবাইল তাৱর ৯,৫০০ হেন্না, এক্লব্যা স্কুল ১৭৫গী ময়া, আই.তি.আই. ৫০ রোম, স্কিল দিবেলপমেন্ত সেন্তর ৫০ অমসুং পোস্ত ওফিস, বেঙ্ক ব্রাঞ্চ অমসুং এ.তি.এম. লিশিং কয়া লোয়ননা সরেন্দর তৌদুনা লৈরিবা নক্সলশিংগী রিহেবিলিতেসন তৌবা অমসুং পি.এম. জন্মনগী মখাদা অহানবা ওইনা মনুং হঞ্জিনবা ত্রাইবেল খুঙ্গংশিংদা ঈশিং, মৈ অমসুং লম্বীশিং য়াওখি। প্রধান মন্ত্রীনা হায়খি, “ঐখোয়না নক্সলিজমগী মায়োক্তা লান্থেংনবা হৌরকপা মতমদা, নক্সলনা শোকহল্লবা মফমশিং চাউখৎহন্নবা অখন্নবা কেম্পেনসু পায়খৎখি।”

‘সবকা সাথ, সবকা বিকাস’ কেম্পেননা লায়রবগী মায়োক্তা লান্থেংনবদা অমসুং নক্সলগী হীংসা লোইশিন্নবা অমসুং মীওই করোর ৫০বু কা হেন্না লায়রবদগী লৌথোকপদা থৌনা হাপ্পী হায়না পল্লদুনা প্রধান মন্ত্রীনা হৌজিক চত্থরিবা বস্তর ওলিম্পিক্স অসি লমদম অসিদা অহোংবা পুরকপগী খুদম অমনি হায়না ফোংদোকখি। শ্রী মোদীনা হায়খি, “ঙসি বস্তর অসিদা, বস্তর ওলিম্পিক্স পাংথোক্লি, অমসুং অঙাংশিংনা নোংমৈগী মহুৎ শান্ন-খোৎনবদা মখোয়গী হৈশিংবা চাংয়েং তৌরি”।

ঙসিগী মাইলস্তোনশিং অসি লেপ্নবা তাঙ্কক ওইবগী মহুত্তা লোঞ্চপেদ অমনি হায়না মরুওইনা পল্লদুনা, প্রধান মন্ত্রীনা হায়খি মদুদি লৈবাক অসিগী অনৌবা ফ্লাইত অসিনা নক্সলিজম অমসুং তেরোরিজমগা লান্থেংনদুনা মখোয়গী পুন্সি কত্থোকখিবা নীংতম লান্মীশিং, ঙমখৈগী লান্মীশিং অমসুং পর্সনেলশিংগী চহি চা কয়াগী ওইবা মঙলানশিং অদু মপুং ফাহনগনি। ‘তেরা গৌরব অমর রাহে মা, হম দিন চার রাহেন না রাহেন’ হায়বা মোতোগা লোয়ননা হিংলিবা ফোর্সশিংদা মখোয়গী ৱাখল্লোনবু অনৌবা থাজবা অমদা পুখৎনবা হায়খি। “হৌজিক্তি লৈবাক অসিগীদমক হিংবগী অমসুং লৈবাক অসিবু অনৌবা থাক অমদা পুখৎপগী মতম ওইরে” হায়না শ্রী মোদীনা ফোংদোকখি।

কাশ্মীরদা আর্তিকল ৩৭০ মুত্থৎপা, য়ুমথোং খুদিংদা তোইলেতশিং শাবা অমসুং ভেক্সিনেসন কভরেজ পাকথোক চাউথোকহনবগুম্বা মরুওইবা ৱাশকশিং অদু মপুং ফাহন্নবগী লৈবাক অসিনা উৎলিবা ত্রেক রেকোর্দ অদু পল্লদুনা, প্রধান মন্ত্রীনা সেক্যুরিতী ফোর্সশিং অমসুং নাগরিকশিংনা চপ মান্ননা ভারতনা লায়রবা মুথৎপা অমসুং দ্রগ ফ্রী, আত্মানির্ভর অমসুং বিক্সিত ভারত অমা শেমগৎনবা মাগী পান্দম অদু মপুং ফাহনগনি হায়বগী মপুং ফানা থাজবা থম্লদুনা দিৱালীগী য়াইফ-পাউজেল পীবা অসি লোইশিন্দ্রিঙৈগী মমাংদা মীপুম খুদিংমক্তা মখোয়গী মঙলানশিং মঙফাওনবা ঙমহন্নবা মাইকৈদা থবক তৌনবা হায়খি। পি.এম. মোদীনা হায়খি, “অদোমগী কত্থোকপা অমসুং কন্না হোৎনবনা বিক্সিত ভারতকী চাউরবা য়ুম্ফম অমা ওইগনি।”

A very special Diwali with our brave security forces in Bastar, Chhattisgarh. https://t.co/7I5aOQdMSk

— Narendra Modi (@narendramodi) November 8, 2026

साल 2026 की ये दीवाली वाकई विशेष है!

ये पहली दीवाली है- जब देश नक्सलवाद-माओवादी आतंक के खिलाफ दशकों पुरानी लड़ाई जीत चुका है।

ये पहली दीवाली है- जब देश का हर जिला नक्सलवाद से मुक्त है।

ये पहली दीवाली है- जब करोड़ों देशवासी नक्सलवाद के भय को परास्त कर चुके हैं: PM @narendramodi

— PMO India (@PMOIndia) November 8, 2026

साल 2026 की ये दीवाली वाकई विशेष है!

ये पहली दीवाली है- जब देश नक्सलवाद-माओवादी आतंक के खिलाफ दशकों पुरानी लड़ाई जीत चुका है।

ये पहली दीवाली है- जब देश का हर जिला नक्सलवाद से मुक्त है।

ये पहली दीवाली है- जब करोड़ों देशवासी नक्सलवाद के भय को परास्त कर चुके हैं: PM @narendramodi

— PMO India (@PMOIndia) November 8, 2026

हमने सेवा भाव से नक्सल प्रभावित इलाकों में लोगों के जीवन को बदला।

इसलिए, नक्सलवाद से पीड़ित लोग भी सरकार और सुरक्षाबलों के साथ मजबूती से खड़े हुए: PM @narendramodi

— PMO India (@PMOIndia) November 8, 2026

आज एक तरफ 50 करोड़ लोग भीषण गरीबी से बाहर आए हैं।

दूसरी ओर, देश में नक्सली हिंसा का भी अंत हुआ है: PM @narendramodi

— PMO India (@PMOIndia) November 8, 2026

****