ভারতকী প্রধানমন্ত্রী

ঙসি প্রধান মন্ত্রী শ্রী নরেন্দ্র মোদীনা পুদুচেরিদা লুপা করোর ২,৭০০ রোমগী তোঙান তোঙানবা চাউখৎ-থৌরাংগী প্রোজেকশিং শঙ্গাখ্রে, মীয়ামদা কৎথোকখ্রে অমসুং উরেপ-উয়ুং তমখ্রে। প্রোজেকশিং অসিগী মনুংদা ইনফ্রাষ্ট্রকচর, লাইরিক-লাইশু তম্বা, হকশেল, চৎথোক-চৎশিন অমসুং মীয়ামগী পুন্সিদা অহোংবা পুরক্কদবা মরুওইবা হিরমশিং য়াওরি।

থৌরম অদুদা তিনখিবা মীয়ামদা ৱা ঙাংবদা, প্রধান মন্ত্রীনা হায়খি মদুদি পুদুচেরি সিদ্ধারশিং, সাধুশিং, কবিশিং অমসুং নিংতম লান্মীশিংগী লমদমনি, মফম অসিদগী মহাকবি সুব্রমনিয়া ভারতিনা লৈবাক নিংবগী মৈরা চুখৎখি অমসুং শ্রী অরবিন্দ্র অমসুং ইমানা মালেমদা অধ্যতিক্কী পান্দম অমা পীখি।

প্রধান মন্ত্রীনা হায়খি মফম অসিদা মমাঙদা লাকখিবদা, মহাক্না বেষ্ট পুদুচেরিগী লাইৱা তাকখি; বেষ্ট হায়বদি ব্যুজিনেস, ইজুকেসন, স্পিরিচ্যুল অমসুং তুরিজম হায়বনি, হৌখিবা চহি ৪.৫ দা, পান্দম অসি মহৈ চারে। মীকোক অমগী শেন্থোক হেনগৎলকপা উবা অমসুং লৈবাক অসিদা খ্বাইদগী ৱাংবা সোসিএল প্রোগেস ইন্দেক্স স্কোর লৈবা অসিনা খুদম ওইরে।

ইনফ্রাষ্ট্রকচর চাউখৎনবা লৈবাক শীনবা থুংনা অকনবা থবক পায়খৎলিবা অসি পল্লদুনা, প্রধান মন্ত্রীনা হায়খি চহি অসিগী বজেত্ত লুপা করোর লাখ ১২ খাক্তুনা থম্লে। মমাংদা রাজ্যশিং খক্তগী ওইরম্বা, ‘স্পিসিএল এসিষ্টেন্স তু ষ্টেৎস ফোর কেপিতেল ইনভেষ্টমেন্ত’ স্কিমদা হৌজিক পুদুচেরি য়াওরে; মসিনা লম্বীশিং, ঈশিং ফংহনবা, স্কুলশিং, হোস্পিতালশিং অমসুং অসিগুম্বা প্রোজেকশিংগুম্বা মরুওইবা ইনফ্রাষ্ট্রকচরশিংদা শেন হেন্না থাদরগনি।

প্রধান মন্ত্রীনা হায়খি মদুদি মপাঙ্গল কনবা অমসুং শক্তি লৈবা নহারোল অমা ঐখোয়গী চাউখৎনবা য়ুম্ফমনি। মখোয়গী মঙলানশিং শৌগৎনবা ঐখোয়না থবক পায়খৎলি। এন.আই.তি কারাইকালদা, অনৌবা দোক্তর এ.পি.জে অবদুল কলাম ইঞ্জিনিয়ারিং ব্লোক অমসুং অনৌবা হোষ্টেলশিংনা মহৈরোয় কয়াগী তেক্নিকেল ইজুকেসন ফগৎহনগনি; পোন্দিচারি য়ুনিভর্সিতিদা ইনফ্রাষ্ট্রকচর ফগৎহল্লে অমসুং মহৈরোয় কয় শৌগৎলে। মতম কয়া হাংদুনা লাক্লবা ফমশিং মেনশীন্দুনা সরকারগী থবক ফংলবা নহারোলশিংদা প্রধান মন্ত্রীনা থাগৎপা ফোঙদোকখি।

প্রধান মন্ত্রীনা হায়খি হৌজিক মালেম অসিনা মৈখু থাংদবা অমসুং মৈখু হেন্না পুথোক্তবা চৎথোক-চৎশিন্দা মীৎয়েং চঙলি, নোংমগী পুন্সিদা ইলেক্ত্রিক গারিশিং থাদোক্নবা য়াদ্রবা শরুক অমা ওইরে। পুদুচেরিগুম্বা তুরিজমগী মফম অমদা, পি.এম ই-বস সেবগী মখাদা ঙসি পীরিবা ইলেক্ত্রিক বসশিং অসিনা পোল্লুসন হন্থহনবদা অচৌবা থৌদাং অমা লৌগনি। পুদুচেরি, করাইকাল, মহে অমসুং য়ানম শীনবা থুংনা লুপা করোর চা কয়াগী প্রোজেকশিংগা লোয়ননা, ইমুংশিংদা তংদু-লৈতাবা অমসুং ইকায়খুম্নবা ফংহন্নবা হাওসিং প্রোজেকশিং দিজাইন তৌরে। থবকশিং অসিগী মনুংদা অমোৎপা লোইশিনবগী থবক ফগৎহনবা অমসুং নোংচু থা মনুংদা ঈশিং ইচাউ অমসুং ঈশিং তুংশিনবা হন্থহন্নবা হৌজিক পায়খৎলিবা থবকশিং য়াওরি। ঐখোয়না পায়খৎলিবা থবকশিং অসিনা পুদুচেরিগী মীয়াম হিংবদা লাইহল্লে।

প্রধান মন্ত্রীনা হায়খি মদুদি লৈবাক অমগী মীওইশিং হকচাং ফনা লৈরবা মতম খক্তদা লৈবাক অমা চাউখৎপা ঙমগনি, অনা-লাইয়েংগী থবক অসি সরকারনা খ্বাইদগী মরুওইনা লৌরি। মীওই খুদিংমক্ত অনা-লাইয়েং ফংহন্নবা অমসুং মমল হোংহন্নবদা ঐখোয়না থাজবা থম্লি। ভারত শীনবা থুংবগী ইমুং করোর কয়াগী মসিগী মঙলান অয়ুস্মান ভারত স্কিমনা মঙফাওনহনখ্রে। পুদুচেরিগী মীওই অমতা লাইয়েংনবা নমদুনা লম থাপ্না চৎহল্লোইদবনি। পুদুচেরিদা মাংজৌননা মেদিকেল কোলেজ ৯ লৈরে; জিপমরদা রিজনেল কেন্সর সেন্তর মতমগা চুনবা মওংদা শেমগৎপা অসিনা মখা তানা অনা-লাইয়েংগী থবক ফগৎহনগনি। ঙসি, পি.এম-এ.বি.ঐচ.আই.এমগী মখাদা অরুবা অনাবশিংগীদমক ক্রিতিকেল কিয়ার ব্লোক অহুমগী উরেপ-উয়ুং তম্লে। লমদম অসি সিদ্ধ মেদিসিন অমসুং অফবা লাইয়েংগী মমিং চৎপগীদমক করাইকালদা অনৌবা অয়ুস হোস্পিতাল অমা শারগনি। পুদুচেরি মেদিকেল তুরিজমগী মফম অমা ওইরকপা ঙমগনি হায়না ঐনা চেৎনা থাজৈ।

প্রধান মন্ত্রীনা হায়খি মদুদি লম্বী-থোঙ অসি চাউখৎপগী য়াংলেন শরুনি, খুঙ্গং অমসুং সহরগী ইনফ্রাষ্ট্রকচর অনিমক্ত মীৎয়েং চঙলে। মহৈরোয়শিং, লৌমীশিং অমসুং অপীকপা ললোন-ইতিকশিং খুদোংচানবা কিমি চা কয়াগী খুঙ্গংগী লম্বীশিং শেমগৎলে। লুপা করোর ৪৪০ গী অনৌবা লৈকংথোঙ অমা য়াওনা, পুদুচেরি মী চিনবা হন্থহন্নবা লুপা করোর ১,০০০ হেন্না থাদরে। ইষ্ট কোষ্ট অমসুং গ্রান্ত ত্রং রোদশিং ফাওরগা চেন্নাই ফাওবা য়ৌবা লম্বী ফগৎহল্লে, লম্বী চৎপদা চঙবা মতম পুং ২ গী মখাদা লৈরে। কন্যকুমারি ফাওবা ইষ্ট কোষ্ট কোরিদোরদা লুপা করোর ৩০,০০০ থাদরে, হায়রিবা প্রোজেকশিং অসিনা পুদুচেরিগা বেঙ্গালুরু অমসুং কোইম্বতোরগুম্বা অচৌবা শেন-থুমগী মফমশিংগা শম্নগনি, তুরিজম, ললোন-ইতিক অমসুং উদ্যোগ শিংথাবা য়ানা চাউখৎকনি।

প্রধান মন্ত্রীনা মখা তানা হায়খি মদুদি তুরিজম অসি পুদুচেরিগী খ্বাইদগী কনবা মপাঙ্গল অমনি। মফম অসি মমিং চৎলবা চয়োল লোইরকপগী অরোইবা লমকোয়ফম অমা ওইনা মীওই লিশিং কয়া চিংশিল্লে। মফম অসিগী মীয়ামগী সেবা ফবা অমসুং লমদম অসি ফাওবা ত্রেনশিং অমসুং ফ্লাইতশিং লৈবদগী মাইপাকপা অসি পুরকপনি। অধ্যতিক, ইকো অমসুং হেল্থ তুরিজমদা শেন থাদদুনা, প্রসাদ স্কিমগী মখাদা তোঙান তোঙানবা লাইশঙশিংদা ভক্তশিংগী খুজদোংচাবশিং শেমগৎপা য়াওনা হিরম অসি অনৌবা থাকশিংদা পুখৎলে। শ্রী অর্বিন্দো অমসুং ইমানা ঔরোভাইল অসি ৱাখল তাবগী য়ুনিভর্সেল সিতি অমা ওইনবা মঙ মঙখি। ঙসি মফম অসিদা মালেমগী অধ্যতিক মহোৎসব অমা পাংথোকপা অসিদা অপেনবা ফাওই। অসিগুম্বা মীয়াম পুনবা অসিনা তোঙান তোঙানবা লাইনিং অমসুং মফমশিংগী মীফম অমতা ওইহনগনি।

প্রধান মন্ত্রীনা হায়খি শক্নাইরবা লুচিংবা কয়াগী পোক্নফম লমদম নত্ত্রগা মখোয়গী থবক মফম ওইদুনা, ভারতকী নিংতম ইহৌদা পুদুচেরি তৎনবা য়াদ্রবা মফম অমনি। ১৯৪৭ দা ভারতনা নিংতম্বা ফংবদা লমদম অসি য়াম্না মরুওইখি। বিকসিত পুদুচেরি অমা শেমগৎনবা অমসুং ২০৪৭ ফাওবদা বিকসিত ভারত অমা শেমগৎনবা পান্দম অসি ফংনবা দবল-ইঞ্জিন সরকারনা থবক পায়খৎলে। ঐখোয়না বেষ্ট পুদুচেরিগীদমক থবক তৌগনি।

Delighted to be among the wonderful people of Puducherry. Today, multiple development works are being launched that will enhance ease of living and boost the region’s economic growth.
https://t.co/EkAhZQ2xqr

— Narendra Modi (@narendramodi) March 1, 2026

When I came here earlier, I had given the mantra of BEST Puducherry.

BEST means Business, Education, Spirituality and Tourism.

In the last four and a half years, this vision is bearing fruit.

Puducherry has witnessed good governance and development: PM @narendramodi

— PMO India (@PMOIndia) March 1, 2026

A strong and empowered youth is the foundation of our growth.

We are working to support their dreams.

At NIT Karaikal, the new Dr. APJ Abdul Kalam Engineering Block and modern hostel facilities will strengthen technical education for many students.

Infrastructure upgrades have…

— PMO India (@PMOIndia) March 1, 2026

We believe that healthcare should be accessible, available and affordable to all.

Ayushman Bharat scheme is already fulfilling this vision for crores of families across India: PM @narendramodi

— PMO India (@PMOIndia) March 1, 2026

I strongly believe that Puducherry can become a medical tourism hub.

Puducherry already has nine medical colleges.

The modernisation of the Regional Cancer Centre at JIPMER will further expand healthcare capacity.

Today, the foundation stone has been laid for three Critical…

— PMO India (@PMOIndia) March 1, 2026

***