ভারতকী প্রধানমন্ত্রী
প্রধান মন্ত্রী শ্রী নরেন্দ্র মোদীনা ঙসি ভিদিও মেসেসকী খুত্থাংদা কোতা এয়রপোর্তকী উরেপ উয়ুং তম্বগী থৌরমদা ৱা ঙাংখ্রে, মসি হেরোতী লমদমগী ওইনা য়াম্না মরু ওইবা মাইল স্তোন অমনি। শ্রী মোদীনা হায়খি, “রাজস্থান অসি মমাংদা অমুক্তা ওইখিদ্রিবা মওংদা খুমাং চাউশিল্লি। অনৌবা এয়রপোর্ত অসিনা শেন্মিৎলোন অমসুং ইন্দস্ত্রীগী চাউখৎপগী কেতালাইজর অমা ওইরগনি।”
মীয়াম তিনখিবা অদুদা ৱা ঙাংলদুনা, প্রধান মন্ত্রীনা হন্দক্তা মহাক্না অজমেরদা চৎখিবা অদু পনখি, মফম অদুদা লুপা করোর লিশিং কয়াগী দিবেলপমেন্ত প্রোজেক্তশিং শঙ্গাখি অমসুং নহা ২১,০০০ হেনবদা এপোইন্তমেন্ত লেতরশিং পীখি। মহাক্না হায়খি মদুদি চয়োল অমগী মনুংদা মথং-মনাও নাইনা পাংথোকপা থৌরমশিং অসিনা রাজ্য অসিগী চাউখৎ-থৌরাংগী খোঙচৎকী মতাংদা শক্তি লৈরবা পাউজেল অমা পীরি। মহাক্না হায়খি মদুদি “মসিনা ঐখোয়দা ঙসি রাজস্থাননা করম্বা খোঙজেলদা মাংলোমদা চংশিনবগে তাক্লি।”
প্রধান মন্ত্রীনা হায়খি মদুদি ঙসি অসি কোতা, বুন্দি, বারান অমসুং ঝালাৱারগী অনৌবা আশাগী নুমিৎনি মরমদি লুপা করোর ১৫০০রোম চংনা শাবা মোদর্ন এয়রপোর্ত অসি শেমগৎপা হৌরে। লমদম অসিগী মীয়ামদা য়াইফ-পাউজেল পীরদুনা শ্রী মোদীনা হায়খি, “লাক্কদৌরিবা মতমশিং অসিদা অনৌবা এয়রপোর্ত অসিনা লমদম অসিগী চাউখৎ-থৌরাংদা অনৌবা থৌনা অমা পীরগনি।”
২০২৩গী নবেম্বর থাদা মহাক্না লাকখিবা অদু নীংশিংলদুনা প্রধান মন্ত্রীনা মীয়ামদা এয়রপোর্ত অসিগী মতাংদা পীখিবা ৱাশক অদু হৌজিক মপুং ফানা পাংথোক্লি হায়না নুংঙাইবা ফোংদোকখি। ফ্লাইতকীদমক জয়পুর নৎত্রগা জোধপুরদা চৎপগী হান্নগী খুদোংচাদবশিংদগী অহোংবা লাক্লদুনা শ্রী মোদীনা হায়খি, “এয়রপোর্ত অসি হাংদোক্লবা মতুংদা, কোতা য়াওনা মফম পুম্বদা চৎথোক-চৎশিন তৌবদা লায়রগনি অমসুং ললোন-ইতিকসু য়াম্না থুনা হেনগৎলগনি।”
প্রধান মন্ত্রীনা কোতা অসি এজুকেসন অমসুং ইনর্জী অনিমক্কী তোপ তোপ্পা সেন্তর অমনি হায়না ফোংদোকখি। মসিদা ন্যুক্লিয়র, কোইলা, গ্যাস অমসুং ঈশিংগী সোর্সশিংদগী ইলেক্ত্রিসিতী পুথোক্লি। শ্রী মোদীনা কোতা দোরিয়াগী শারিশিং, কোতা স্তোন অমসুং বুন্দিগী বাস্মতী রাইসকুম্বা লোকেল এগ্রিকলচরেল প্রদক্তশিংনা মালেমদা মশক তাকপা অসিগীদমক থাগৎপা ফোংদোকখি, মহাক্না হায়খি মদুদি “কোতাগী অনৌবা এয়রপোর্ত অসিনা মসিগী ওইথোকপা য়াবশিং অসিবু মশিং য়াম্বদা হেনগৎহন্নবা থবক তৌরগনি।”
লমদম অসিগী তুরিজমগী ওইথোকপা য়াবশিংগী মতাংদা পল্লদুনা, প্রধান মন্ত্রীনা শ্রী মথুরাধীশজী অমসুং গরদিয়া মহাদেবকী স্পিরিচুএল ওইবা মরুওইবা অদু মুকুন্দরা হিল্সকুম্বা ৱাইল্দলাইফ হবশিংগা লোয়ননা পনখি। এয়র কন্নেক্তিবিতী হেনগৎলকপনা লমদম অসিদা মালেমগী তুরিস্তশিং পুরক্কনি অমসুং মসিগী হকথেংননা কান্নবা অসি মফম অসিগী নহাশিং, ললোন-ইতিক তৌবা মীওইশিং অমসুং লোকেল ইকোনোমীদা ফংলগনি।”
প্রধান মন্ত্রীনা অমৃত ভারত স্কিমগী মখাদা রেলৱে স্তেসনশিং মোদর্নাইজেসন তৌবা অমসুং দিল্লী-মুম্বাই এক্সপ্রেসৱেগী ইম্পেক্ত য়াওনা কোতাদা হেন্না পাক শন্না কন্নেক্তিবিতীগী রিভোলুসন লাকপগী মতাংদা পনখি। লৌউ-শিংউদা য়ুম্ফম ওইবা ইন্দস্ত্রীশিংদা অহোংবা পুরকপগী মতাংদা পল্লদুনা শ্রী মোদীনা হায়খি, “রেল অমসুং লম্বীগী মতুংদা এয়র কন্নেক্তিবিতীগী অনৌবা চেপ্তর অসিনা কোতাগী চাউখৎ থৌরাংদা হেন্না খুমাং চাউশিলহল্লগনি।”
লোকেল লিদরশিপকী হোৎনরিবশিং অদু শকখঙলদুনা, লমদম অসিগী চাউখৎ-থৌরাংগীদমক কোতাগী এম.পি. অমসুং লোক সভাগী স্পিকর ওম বির্লানা পুক্নিং থৌগৎপগীদমক প্রধান মন্ত্রীনা থাগৎপা ফোংদোকখি। পার্লিয়ামেন্ততা শ্রী বিরলাগী থৌদাং অদুগী মতাংদা পল্লদুনা প্রধান মন্ত্রীনা হায়খি মদুদি “মহাক অসি অচৌবা ইমুং খরদগী লাকপা লাক্না ফানবা ঙমদবা মহৈরোইশিং মায়োকনদুনা ক্লাস পুম্বগী মহৈরোই পুম্নমকপু ফজনা য়েংশিনবা ঙম্বা ওজা অমনি।”
নেস্নেল এভিএসন লেন্দস্কেপকী মতাংদা প্রধান মন্ত্রীনা পনখি মদুদি ২০১৪দা এয়রপোর্ত ৭০ লৈরম্বা অদু ঙসিদি ১৬০ হেনখ্রে। দিল্লিগী মনাক্তা অনৌবা তর্মিনেলশিং অমসুং এয়রপোর্তশিং অসি দিসেন্ত্রেলাইজ তৌরবা গ্রোথকী খুদমশিংনি হায়না পল্লদুনা শ্রী মোদীনা হায়খি, “ঐহাক্না থাজবা থম্লি মদুদি কোতাগী অনৌবা এয়রপোর্ত অসিনা লমদম অসিগী চাউখৎ থৌরাংদা অনৌবা থৌনা অমা পীরগনি।”
মহাক্কী লোইশিনবগী ৱারোলদা, প্রধান মন্ত্রীনা “দবল ইঞ্জিন” সরকারগী মরুওইবা অমসুং খোঙজেল য়াংনা খুমাং চাউশিল্লকপদা ময়েক শেংবা পান্দমদা অকনবা ৱাফম থমখি। মহাক্না চাউখৎলবা অমসুং শক্তি লৈরবা রাজ্য অমগী ৱাখল্লোন থমখি। মহাক্না হায়খি, “চাউখৎপা রাজস্থানগী মপাঙ্গল কনবা য়ুম্ফম অসিনা চাউখৎপা ভারতকী ৱারেপ অদুদা হেন্না শক্তি পীরি।”
Speaking at the foundation stone laying ceremony for the Kota airport.
https://t.co/2DvujkMMK0— Narendra Modi (@narendramodi) March 7, 2026
***
Speaking at the foundation stone laying ceremony for the Kota airport.
— Narendra Modi (@narendramodi) March 7, 2026
https://t.co/2DvujkMMK0
आज का दिन कोटा, बूंदी, बारां और झालावाड़ सहित पूरे हाड़ौती क्षेत्र के लिए एक नई आशा और नई उपलब्धि का दिन है।
— PMO India (@PMOIndia) March 7, 2026
करीब डेढ़ हजार करोड़ रुपये से बनने जा रहा ये आधुनिक एयरपोर्ट आने वाले समय में पूरे क्षेत्र के विकास को नई गति देने वाला है: PM @narendramodi
जब यह एयरपोर्ट शुरू होगा, तो कोटा समेत आसपास के पूरे इलाके में यात्रा भी आसान होगी और व्यापार भी तेज़ी से बढ़ेगा: PM @narendramodi during foundation stone laying ceremony for Kota airport
— PMO India (@PMOIndia) March 7, 2026
कोटा आज connectivity के क्षेत्र में तेजी से आगे बढ़ रहा है।
— PMO India (@PMOIndia) March 7, 2026
अमृत भारत स्टेशन योजना के तहत कोटा के दोनों प्रमुख रेलवे स्टेशनों को आधुनिक सुविधाओं से सुसज्जित किया जा रहा है।
दिल्ली-मुंबई एक्सप्रेसवे, जो कोटा और बून्दी से होकर गुजर रहा है, पूरे क्षेत्र के विकास का नया द्वार खोल…
ओम बिरला जी जितने शानदार सांसद हैं, उतने ही बेहतरीन लोकसभा अध्यक्ष भी हैं। यह शिक्षा की नगरी से आने का ही प्रभाव है कि वे सदन में एक अच्छे मुखिया की तरह सबको साथ लेकर चलते हैं। वे पक्ष-विपक्ष से ऊपर उठकर सभी सांसदों के प्रति अत्यधिक सम्मान का भाव रखते हैं।@ombirlakota pic.twitter.com/54KtlYBzZd
— Narendra Modi (@narendramodi) March 7, 2026
I would like to appreciate the efforts of Lok Sabha Speaker Shri Om Birla Ji for working towards developing an airport in Kota. His work for Kota’s progress is for everyone to see.
— Narendra Modi (@narendramodi) March 7, 2026
Shri Om Birla Ji is as outstanding a Member of Parliament as he is an excellent Speaker of the… pic.twitter.com/35AGox4ADw
