ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি ‘নশা মুক্ত য়ুভা ফোর বিক্সিৎ ভারত সঙ্কলপ অভিয়ান’ হৌদোকখ্রে। লৈবাক শীনবা থুংনা ভিদিও কনফরেন্সকী খুত্থাংদা পাংথোকপা অচৌবা থৌরম অমদা ৱা ঙাংলদুনা, মফম ২৮,০০০ হেনবদগী কন্নেক্ত তৌরবা নহা করোর অমা হেন্না য়াওনা তোঙান তোঙানবা এসেমব্লীদা প্রধান মন্ত্রীনা হৌনবী মতুং ইন্না য়াইফ-পাউজেল পীখি। মীকুপ অসিগী অপুনবা মরুওইবা অদু পল্লদুনা মহাক্না মীফম অসি লৈবাক অসিগী অচেৎপা থৌদাং অমনি হায়না ফোংদোকখি। শ্রী মোদীনা হায়খি, “ঙসি ঐখোয় লৈবাক মীয়াম পুম্নমক্না অচৌবা অমসুং মরুওইবা ৱারেপ অমগীদমক অমত্তা ওইনা পুনখ্রে।”

খোঙথাং অসিগী মপুং ফাবা মওং অদু পল্লদুনা প্রধান মন্ত্রীনা হায়খি মদুদি কেম্পেন অসিনা ইন্দিভিজুএল ৱেলনেসকী ৱাংমদা চৎলপগা লোয়ননা ইমুং মনুং, খুন্নাই অমসুং লৈবাক পুম্বগী হেন্না চাউবা কান্নবা ফংহল্লি। ‘দ্রগ-ফ্রী য়ুথ ফোর বিক্সিৎ ভারত সঙ্কলপ অভিয়ান’গী মপুং ওইবা পান্দম অদু পল্লদুনা মহাক্না ফোংদোকখি মদুদি বিক্সিৎ ভারত ফংনবগীদমক্তা হকচাং ফবা, ৱাখলগী পাঙ্গল কনবা অমসুং মশাদা থাজবা য়াম্না লৈরবা নহা ওইরিবা মীরোলনা মশাবু মাংহনগদবা হৈনবীশিংদগী মপুং ফানা লাপথোকপা মথৌ তাই। “ঙসি লৈবাক অসিনা বিক্সিৎ ভারতকী পান্দম থম্লিবা অসিদা, লৈবাক অসিগী নহারোলশিংনা হকচাং অমসুং ৱাখলদা ফিৎ ওইবা, মশা-মউ ফবা অমসুং দ্রগকুম্বা মাং-তাক্নিংঙাই ওইবা হৈনবীদগী লেপ্পা লৈতনা লাপথোকপা অসি তঙাইফদে,” হায়না শ্রী মোদীনা ফোংদোকখি।

কেম্পেন অসিগী হৌরকফমগী মতাংদা পল্লদুনা, প্রধান মন্ত্রীনা হায়খি মদুদি মমাং চহিদা কাশীগী শেংলবা লমদমদগী পাইলোৎ প্রোজেক্ত অমা ওইনা হৌদোকখিবা অসিদা মহাক্না নুংঙাইবা ফোংদোকখি। সাইন্তিফিক ক্লেরিতী, স্পিরিচুএল ইনর্জী, অমসুং মুভমেন্ত অসিবু লমজিংলিবা কলচরেল দেদিকেসনগী অখন্নবা অপুনবা অদু পল্লদুনা, মহাক্না মসিগী অচৌবা পাকথোক চাউথোকপা অদু পনখি। কাশী দিক্লারেসনগী মখাদা স্পিরিচুএল ওর্গনাইজেসন ১২৫ অমসুং এন.জি.ও. কয়াগী মতেংগা লোয়ননা, য়াইফ-থৌরাংগী ৱাখল্লোন অসি হৌজিক্তি নেস্নেল প্রোজেক্ত অমা ওইনা মায় পাক্না ওইরক্লে,” হায়না শ্রী মোদীনা হায়খি।

দ্রগকী মায়োক্তা চংশিন্নবা ৱাশক লৌখিবা নহারোল মিলিয়ন কয়াবু থাগৎলদুনা, প্রধান মন্ত্রীনা মখোয়গী স্কুল, কোলেজ অমসুং কম্ম্যুনিতীশিংদা দ্রগ-ফ্রী ওইবা পুন্সিগী পাউজেল পীনবা থবক পায়খৎপগা লোয়ননা মশাবু মশা মউ ফনা থম্নবগী মখোয়গী অচেৎপা ফিরেপ অদু থাগৎপা ফোংদোকখি। কেম্পেন অসিগী চয়োল ১০০গী রোদমেপ অদু পল্লদুনা মহাক্না অকুপ্পা মরোল পীখি মদুদি লাক্কদৌরিবা নোংমাইজিং নুমিৎ খুদিংগী কলা, কলচর, শান্ন-খোৎনবা অমসুং মেদিতেসনগী লমদা অকনবা থবক থৌরমশিং পাংথোক্তুনা অনৌবা শরুক য়ারিবা মীওইশিং লেপ্তনা পুক্নিং থৌগৎকনি। “লাক্কদৌরিবা নোংমাইজিং ১০০ অসি মপুং ফানা দ্রগ ফ্রী ভারত অমগী মায়কৈদা মপাঙ্গল কনবা খোঙথাং ১০০ ওইগনি,” হায়না শ্রী মোদীনা থাজবা পীখি।

মহৈরোইশিং, এন.এস.এস. মেম্বরশিং অমসুং মাই ভারত ভোলুন্তিয়রশিংগী অচৌবা ওনলাইন মীফম অদুদা ৱা ঙাংলদুনা, প্রধান মন্ত্রীনা লৈবাক অসিগী নহাশিংনা উৎলিবা অকনবা এৱেরনেস, সেন্সিবিলিতী অমসুং অখন্নবা থৌনা অদুদা চাউথোকচবা ফোংদোকখি। নহা ওইরিবা মীওইশিংবু ভারতকী ‘অমৃত জেনরেসন’ ওইনা শকখঙলদুনা, মহাক্না মখোয়দা মখোয়গী ইনর্জী, ৱাখল্লোন অমসুং হৈ-শিংবা অসিনা ২০৪৭কী চাউখৎ-থৌরাংগী পান্দমগী মায়কৈদা লৈবাক অসিবু লমজিংবদা য়াম্না মরু ওই হায়না নিংশিংখি। “লৈবাক অসিগী তুংলমচৎকীদমক অমসুং অদোমগী পুন্সিগীদমক, অদোম ইশাবু এদিক্সনদগী লাপ্না লৈবা অসি তঙাইফদে,” হায়না শ্রী মোদীনা ফোংদোকখি।

স্তার্ত-অপশিং, আর্তিফিসিএল ইন্তেলিজেন্স, স্পোর্তস অমসুং স্পেস এক্সপ্লোরেসনদা ঙসিগী নহারোলশিংনা ফংলিবা মাইপাকপশিং অদুগী ওন্ন তৈনবদা  সবস্তেন্স এব্যুজকী শাথিবা শাফুশিং অদু পল্লদুনা প্রধান মন্ত্রীনা এদিক্সননা ফোকস মাংহনবা অমসুং মঙলানশিং মাংহনবগে হায়বগী অকনবা চেকশিন ৱারোল পীখি। মমা মপাশিংগী মঙলানশিং থুগাইবদগী হৌরগা অহল ওইবশিংদা নুমিৎ খুদিংগী অৱা-অনা পীবা ফাওবা, ইমুংশিংদা থোকহনবা অকিবা অচৌবা অকায়বা কয়াগী মতাংদা মহাক্না ফোংদোকখি। “ইমুং অমা নৎত্রগা খুন্নাই অমদা অসিগুম্বা অৱাবা অসি থোকপা মতমদা, লৈবাক পুম্বগী অপুনবা মপাঙ্গল অসিসু তঙাইফদনা হন্থরকই,” হায়না শ্রী মোদীনা হায়খি।

নহাশিংবু নার্কোতিক্সকী নমথাক হৈবা মতৌদগী চেকশিন্নবা ৱারোল থম্লদুনা প্রধান মন্ত্রীনা হায়খি মদুদি দ্রগশিংনা পীরিবা মতম খরগী ওইবা নুংঙাইবা অদুনা মখোয়গী কেরিয়র অমসুং ইমুং-মনুংগী পুন্সিদা মতম চুপ্পগী ওইনা অৱাবা ওইহল্লি। শ্রী গুরু গ্রন্থ সাহিবকী অখন্নবা পাউতাকশিং য়াওনা ভারতকী চৎনবী অমসুং স্পিরিচুএল লিদরশিংগী অঙকপা লৌশিং অদুদা য়ুম্ফম ওইদুনা মহাক্না ৱাখল হোংবা য়াবা পোৎলমশিংবু পুৱারীদগী হৌনা খুন্নাইনা য়ানিংদবা লৈরকখিবা অদু ফোংদোকখি। শ্রী মোদীনা হায়খি, “ঐখোয়না করিগুম্বা ফিভম অমত্তদা নীশাগী পোৎশিংবু খুন্নাইগী ওইবা অয়াবা অমত্তা পীরোইদবনি।”

রিকোভরীগীদমক্তা লৈরিবা কম্প্রিহেন্সিব সপোর্ত সিস্তেমশিংগী মতাংদা পল্লদুনা, প্রধান মন্ত্রীনা সোসাইতেল কোওপরেসন, য়োগ, মেদিতেসন অমসুং মোদর্ন রিহেবিলিতেসন সেন্তরশিংনা এদিক্সন অসি কোকহনবদা কান্নবা পীবগী মতাংদা পনখি। মহাক্না ইমুং মনুংশিংদা খুন্নাইদা লৈরিবা মখোয়গী ইজৎকা মরী লৈনবা অরানবা ৱাখল্লোনগী মথক্তা মেদিকেল ইন্তরভেন্সনবু মরুওইনা লৌনবা তকশিনখি। মহাক্না অৱাবা তাবা য়াবা অঙাংশিংবু খুদোংথীবা অসিদগী ঙাকথোক্নবা দোমেস্তিক কম্ম্যুনিকেসনগী কলচর অমা লৈহন্নবা ফোংদোকখি। শ্রী মোদীনা হায়খি, “করিগুম্বা নহা অমনা শোইবদগী নীশাগী ইপাক্তা লুপখিবা তারবদি, মসিনা মখোয়গী লম্বী পুম্নমক মতম পুম্নমক্তা থিংলক্কনি হায়বা লৈ।”

একাদেমিক প্রোফেস্নেলশিংদা অখন্নবা আপিল অমা তৌরদুনা, প্রধান মন্ত্রীনা কোলেজ অমসুং য়ুনিভর্সিতীগী প্রোফেসরশিংদা দ্রগকী খুদোংথীবশিংগী মতাংদা খন্ন-নৈনবশিংবু মখোয়গী রিগুলর করিকুলমদা এক্তিব ওইনা য়াওহন্নবা অমসুং মখোয়গী কেম্পসশিংদা অখন্নবা এন্তি-ইন্তোক্সিকেসন মুবমেন্তশিং হৌদোক্নবা তকশিনখি। নীশাগী ইপাক্তা লুপলুবদগী ফগৎলক্লিবা মীওইশিংদা মীৎয়েং থমদুনা মহাক্না হায়রিবা মীওইশিং অসিগীদমক খুন্নাইগী ওইবা ইকায় খুম্নবা অমসুং অনিশুবা খুদোংচাবা ফংহন্নবা হায়খি। শ্রী মোদীনা হায়খি, “এদিক্সনগী মায়োক্তা লান্থেংনরিবা নহাশিং অসি অশোনবা নত্তে, মখোয় অসি অশেংবা লান্মীশিংনি, মখোয়গী মখোয়গী অচৌবা থৌনা অসি মখোয়গী অশেংবা আইদেন্তিতীনা ওইরি।”

প্রধান মন্ত্রীনা মহাক্কী ৱারোল লোইশিল্লদুনা নহারোলশিংদা মরুওইবা লানফম অসিদা সরকারনা মখোয়গা লোয়ননা লেংদনা লেপ্পী হায়না থাজবা পীরদুনা মহাক্না লৈবাক শীনবা থুংনা মমাংদা অমুক্তা ওইখিদ্রিবা মওংদা থবক পায়খৎপা, লুপা করোর লিশিং কয়াগী পোৎলমশিং ফাগৎপা অমসুং দ্রগ দিলরশিং অমসুং স্মগগ্লরশিংবু থিংবগী চাং হেনগৎলকপা অসিনচিংবগী মতাংদা পনখি। হৌগৎলক্লিবা মীরোলগী মপাঙ্গলদা থাজবা থম্লি হায়না ফোংদোক্লদুনা মহাক্না নেস্নেল ইনিসিএতিব অসি চাউনা মাইপাক্কনি হায়না ফোংদোকখি। শ্রী মোদীনা হায়খি, “ঐখোয়গী নহারোলশিংনা মখোয়গী ইনর্জী অসি এদিক্সনদগী মনীং তমহন্দুনা ঙাকথোক্কনি অমসুং বিক্সিৎ ভারতকী ৱারেপশিং অসি মাংলোমদা পুখৎকনি হায়না ঐহাক্না থাজবা থম্লি।”

Speaking at the launch of ‘Nasha Mukt Yuva for Viksit Bharat Sankalp Abhiyan’, a 100-week campaign against substance abuse. I urge every citizen, especially our youth, to join this movement. https://t.co/ucvrcAyK4C

— Narendra Modi (@narendramodi) August 2, 2026

आज जब देश ने विकसित भारत का लक्ष्य तय किया है… तो इसके लिए आवश्यक है… देश का युवा, तन से स्वस्थ हो, मन स्वस्थ हो, आत्मविश्वास से भरपूर हो और ड्रग्स जैसी घातक आदत से हमेशा दूर हो: PM @narendramodi

— PMO India (@PMOIndia) August 2, 2026

हमें हर एक युवा को नशे के चंगुल में फंसने से बचाना है: PM @narendramodi

— PMO India (@PMOIndia) August 2, 2026

समाज का सहयोग, योग और ध्यान की ताकत… ये नशे के खिलाफ हमारे अन्तर्मन को ताकत देते हैं।

और आज तो हमारे पास… नशा छोड़ने के लिए rehabilitation center जैसी सुविधाएं भी हैं: PM @narendramodi

— PMO India (@PMOIndia) August 2, 2026

अगर कोई युवा गलती से नशे में फंस भी गया है तो इसका ये मतलब बिल्कुल नहीं है कि उसके सारे रास्ते बंद हो गए हैं!

हमें हमेशा इस बात का ध्यान रखना है… घर का कोई बच्चा अगर नशे का शिकार बन गया है… तो इसे सामाजिक प्रतिष्ठा की आड़ में छिपाएं नहीं।

जिसकी जरूरत हो, उसका सहयोग लें।…

— PMO India (@PMOIndia) August 2, 2026

एक आवाहन मैं कॉलेज और यूनिवर्सिटीज़ के हमारे प्रोफेसर्स से भी करना चाहता हूँ…

आप भी कोर्स की पढ़ाई के साथ-साथ स्टूडेंट्स के साथ ड्रग्स के खतरों पर बात करें।

नशे के खिलाफ अपने कैम्पस में एक मूवमेंट चलाएं।

आपके प्रयास बड़े परिणाम ला सकते हैं: PM @narendramodi

— PMO India (@PMOIndia) August 2, 2026

***