ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা ঙসি নই দিল্লীগী ভিজ্ঞান ভৱনদা হান্নগী ভারতকী রাস্ত্রপতি, শ্রী রাম নাথ কোবিন্দগী “ত্রাইয়ম্ফ ওফ দি ইন্দিয়ন রিপব্লিক: মাই লাইফ, মাই স্ত্রগল্স” হায়না মিংথোনবা মশাগী পুন্সি ৱারী ফোংখ্রে। মীয়াম তিনখিবা অদুদা ৱা ঙাংলদুনা প্রধান মন্ত্রীনা হায়খি, “ঙসি ঐখোয়না শ্রী রামনাথ কোবিন্দ জীগী পুন্সি ৱারী ফোংবগী খুদোংচাবা ফংলে, অমসুং থৌরম অসিগী শরুক অমা ওইরকপদা ঐহাক নুংঙাইবা ফাওই,” হায়না শ্রী মোদীনা হায়খি।

হান্নগী রাস্ত্রপতিগা লৈনরিবা মরীগী মতাংদা প্রধান মন্ত্রীনা হায়খি মদুদি মহাক্না কোবিন্দ জীগী লমজিং-লমতাক অমসুং মীনুংশি অদুগীদমক চাউথোকচরি। শ্রী মোদীনা হায়খি, “কোবিন্দ জীগা লোয়ননা মতম শাংনা লৈমিন্নবা, মহাকপু নক্না খঙমিন্নবগী খুদোংচাবা ফংখিবা, রাস্ত্রপতি অমা ওইনা মহাক্কী ঙমজবা থাক্তা লমজিং-লমতাকপা, অমসুং খ্বাইদগী মরুওইনা, ঐঙোন্দা মহাক্কী অখন্নবা মীনুংশি অমসুং চানবীবা অসিনা ঐগী খ্বাইদগী চাউবা লল ওইরি,” হায়না শ্রী মোদীনা পনখি।

হান্নগী রাস্ত্রপতিগী মওং-মতৌ অমসুং তৌবা ঙম্বশিংবু থাগৎলদুনা প্রধান মন্ত্রীনা হায়খি মদুদি সাহিত্যগী থবক অসিনা লৈবাক্কী দেমোক্রেসিগী মগুনশিংগী অচেৎপা খুদম অমা ওইগনি। শ্রী মোদীনা হায়খি, “রাম নাথ কোবিন্দ জীগী মশাগী পুন্সি ৱারী অসি ভারতকী দেমোক্রেসী অমসুং ভারতকী খুন্নাইগীদমক হেরিতেজ অমা ওইগনি হায়না ঐনা থাজবা থম্লি।”

কোবিন্দ জীনা লৈবাক অসিদা পুন্সি লিশাং-শিৎনা লৌখিবা থৌদাং অদু মশক খঙলদুনা, প্রধান মন্ত্রীনা অহেনবা অকুপ্পা মরোলশিংদি কা এন্না পন্দনা, মীফম অদুদা শরুক য়ারিবা মীয়াম্বু ৱারী অদু মশানা খঙদোক্নবা পুক্নিং থৌগৎখি।  “লাইরিক ফোংবদা, ‘কর্তেন রাইজর’ অমখক্তমক লৈগদবনি, অমসুং ময়াম পুম্নমক্না লাইরিক অসি পাদুনা মপুং ফানা কান্নবা ফংবা ঙম্লবদি হেন্না ফগনি! ”  হায়না শ্রী মোদীনা হায়খি।

নহা ওইরিবা মীওইশিংগীদমক মেমোয়র অসিগী এজুকেস্নেল ভেল্যু অদু পল্লদুনা প্রধান মন্ত্রীনা তুংগী মীরোলশিংনা হান্নগী রাস্ত্রপতিগী ৱাহৈশিংদগী পুক্নিং থৌগৎহনবা পাম্মি হায়না ফোংদোকখি। শ্রী মোদীনা হায়খি, “লৈবাক অসিগী অনৌবা মীরোল অসিনা মহাক্কী অইবা ৱারীশিং অমসুং মহাক্কী এক্সপরিয়েন্সশিংসু পাবা তাই, মসিদগী মীপুম খুদিংমক্না কয়া অমা তমজবা ফংগনি।”

লাইরিক অসিগী মমিং, “ত্রাইয়ম্ফ ওফ দি ইন্দিয়ন রিপব্লিক: মাই লাইফ, মাই স্ত্রগল্স” নৈনদুনা, প্রধান মন্ত্রীনা মসিদা য়াওরিবা মশাগী অৱাবা অমসুং লৈবাক্কী দেমোক্রেসিগী মাইপাকপগী মরুওইবা অনি অদু শন্দোক্না তাকখি। শ্রী মোদীনা হায়খি, “পুন্সিগী লান্থেংশিং অসি মহাক্কী মশাগীনি, অদুবু লান্থেংশিং অদুগী মহৈ ওইনা ফংবা মাইপাকপা অসি ভারতকী রিপব্লিক অমসুং মসিগী দিমোক্রেসীগীনি।”

হান্নগী রাস্ত্রপতিগী অফবা ৱাখল্লোনগা মান্নবা মীওইবগী ৱাখল্লোনগা খেন্নবা পল্লদুনা প্রধান মন্ত্রীনা হায়খি মদুদি মীওই কয়ানা খুন্নাইগী অৱাবা কয়াগীদমক খুদোংচাদবা ফোংদোকই, কোবিন্দ জীগী অফবা ৱাখল্লোন অসি ভারতকী মগুনশিংদা মপুং ফানা য়ুম্ফম ওইদুনা মহাক্কী মাইপাকপদা খুন্নাইবু চপ মান্নবা শরুক য়ামিন্নবা ওইনা উরি। শ্রী মোদীনা হায়খি, “করিগুম্বা মীওই অদুগী থম্মোয়দা অফবা ৱাখল্লোন অমসুং ভারতকী মগুনশিং লৈরবদি, মহাক্না খুন্নাইগী অশোয়বা থিদোকপদা মতম মাঙহল্লোই, অদুবু মসিগী অফবা মায়কৈদা মীৎয়েং থমগনি।”

মশাগী পুন্সি ৱারীদগী অঙাং ওইরিঙৈগী য়াম্না নুংঙাইতবা থৌদোক অমা পল্লদুনা প্রধান মন্ত্রীনা কানপুর দিহাততা য়ুমগী মরুওইবা পোৎলমশিং কন্নবা হোৎনবদা কোবিন্দ জীগী মমানা মৈ চাকপদা থৱায় মাংখিবগী নুংঙাইতবা ৱারী অদু পনখি। “নহা ওইরিঙৈদা অসিগুম্বা এক্সিদেন্ত অমা থোকখিবা অমসুং মমা অমা অসিগুম্না লৈখিদবদা, মসি কয়া য়াম্না অৱাবা ওইরমগনি হায়বসি অদোম্না খন্দুনা য়েংবীয়ু!” হায়না শ্রী মোদীনা হায়খি।

অৱাবা অসি থেংনবদা থেংনরিবা খুদোংচাদবশিং অদু পল্লদুনা, প্রধান মন্ত্রীনা কোবিন্দ জীবু চাউনবা য়োক্লকপদা মহাক্কী য়ুম্লোন্নবশিংগী মমা অমনা মতেং পাংবীবগী মতাংদা শন্দোক্না হায়খি, মসিনা খুন্নাইগী অপুনবগী মতাংদা মহাক্কী ৱাখল্লোনবু মপুং ফানা শেমগৎখি। “মসিদগী মহাক্না অপুনবগী শক্তি অমসুং খুন্নাইগী অমত্তা ওইবগী নুংঙাইবা অদু খঙবা ঙমখি অমসুং অৱাবা কয়া অসিনা কোবিন্দ জীবু হেন্না মপাঙ্গল কনখৎহনখি।” হায়না শ্রী মোদীনা হায়খি।

অৱাবা তারবা মতুংদা মপা ওইবগী মরুওইবা থৌদাং অদু পল্লদুনা, প্রধান মন্ত্রীনা কোবিন্দ জীগী মপানা মতৌ করম্না ইমুংবু শিংথানীংঙাই ওইবা মওংদা লমজিংখি অমসুং মহাক্কী মচাশিংদা মপাঙ্গল কনবা মগুনশিং পোকহনখি হায়বদু পনখি। “মহাক্না মহাক্কী ইমুংবু য়েংশিনখিবা অমসুং অঙাংশিংদা মগুনশিং পীনখিবা মওং অসিনা মরম ওইদুনা কোবিন্দ জীনা মহাক্কী মপাবু মহাক্কী হিরোনি হায়না লৌই,” হায়না শ্রী মোদীনা ফোংদোকখি।

কোবিন্দ জীনা মচাক-মথুমগী অৱাৎপা কোকহন্নবগীদমক মহৈ-মশিং তম্বদা থাজবা থমখিবগী মতাংদা পল্লদুনা, প্রধান মন্ত্রীনা লৈবাক অসিগী খ্বাইদগী ৱাংবা ওফিসতা মহাক্কী থোইদোক-হেন্দোকপা মওংদা কারকখিবা অদুগী মতাংদা পনখি। শ্রী মোদীনা হায়খি, “মহাক্না কন্না হোৎনখি অমসুং রিসোর্সশিং লৈতবা অসি মহাক্কী অশোনবা অমা ওইহল্লমখিদে, মতম অদুদা মীয়াম্না খল্লমদবা থাক অমদা য়ৌখি।”

হান্নগী রাস্ত্রপতিগী মতম চুপ্পদা নোল্লুকপা মতৌ অদুগীদমক্তা থাগৎপা ফোংদোক্লদুনা, প্রধান মন্ত্রীনা কোবিন্দ জীনা মহাক্কী পেরোনখকী খুঙ্গংদা হল্লকপদা মহাক্কী হান্নগী ওজাশিংগী মফমদা ইকায়খুম্নবা উৎখিবা অদু নীংশিংখি। শ্রী মোদীনা হায়খি, “মহাক্কী লমচৎনা ভারতকী মগুনশিংগী মশক অমা মালেমগী মমাংদা উৎখি, মসিদা ভারত মচা খুদিংমক্না চাউথোকচবা ফাওগনি।”

চহি চা কয়া মীনাই নাইথাং ওইবনা থোকহনবা পুৱারীগী ওইবা সোসিও-ইকোনোমিক্কী অৱাবা অদুগী মতাংদা প্রধান মন্ত্রীনা মহাত্মা গান্ধী, বাবা সাহেব অম্বেদকর অমসুং জ্যোতিবা ফুলেগুম্বা পুৱারীগী ওইবা মীওইশিংগী লেপ্পা লৈতনা হোৎনখিবা অমসুং মখোয়গী মঙলানশিংবু ইকাই খুম্নবা উৎখি। “অসিগুম্বা অচৌবা মীওই কয়ানা খ্বাইদগী লায়রবশিং অমসুং খ্বাইদগী শোত্থরবা মীওইশিংনা খ্বাইদগী ৱাংবা থাক্তা য়ৌনবগী খুদোংচাবা ফংহনবা ভারত অমা অমুক হন্না শেমগৎনবগী মঙলান অমা মঙলম্মি,” হায়না শ্রী মোদীনা হায়খি।

পুৱারীগী ওইবা এস্পিরেসনশিং অসি মোদর্ন এচিবমেন্তশিংগা শম্নহন্দুনা, প্রধান মন্ত্রীনা কোবিন্দ জীগুম্বা মীওইশিং অসিনা কন্না হোৎনদুনা চহী চা কয়াগী মমাংদগী চত্থরক্লবা এগেলিতরিয়ন সোসাইতীগী মঙলানবু থবক ওইনা পাংথোকপগীদমক থাগৎপা ফোংদোকখি। শ্রী মোদীনা হায়খি, “কোবিন্দজীগুম্বা শক্নাইরবশিংনা মখোয়গী কন্না হোৎনজবা অমসুং তৌবা ঙম্বগী মতুং ইন্না মখোয়গী পুন্সিদা অহোংবা পুরকপতা নত্তনা চহি চা কয়াগী মঙলান অদু মংফাওহনবদা মখোয়না থৌদাং লৌখি।”

মিসন অসিবু মাংলোমদা পুখৎনবগীদমক্তা কত্থোক্লবা নহাশিংগী তুং কোইনা মথৌ তাবা অদু পল্লদুনা, প্রধান মন্ত্রীনা খুদোংচাদবশিংদগী থিংবা ঙমদবা অমসুং নেস্নেল সেল্ফ রিলাইন্সকী মায়কৈদা লম্বী শেম্নবগী থৌনা লৈরবা জেনরেসন অমগীদমক হায়খি। “অসিগুম্বা অহোংবা অসিগা লোইননা, এম্পৱর্দ ইন্দিয়া অমা শেমগৎনবা ৱারেপ অসি মপুং ফাহনগনি অমসুং আত্মনির্ভর অমসুং ভিক্সিত ভারত অমগী লম্বী য়াৎলগনি,” হায়না শ্রী মোদীনা ফোংদোকখি।

মশাগী পুন্সি ৱারী অসি মরুওইবা পুক্নিং থৌগৎপগী খুৎলাই অমা ওইনা থম্লদুনা, প্রধান মন্ত্রীনা হায়খি মদুদি কোবিন্দ জীগী পুন্সিগী অকুপ্পা ৱারোল অসিনা দরকার ওইবা নহারোলশিংগী শক্তি অসি শেমগৎপদা অকক্নবা লমজিং-লমতাক অমা ওইনা মথৌ তৌগনি। “অসিগুম্বা নহারোলগী শক্তি অসি শেমগৎপদা মথৌ তাবা ইথিল অসি কোবিন্দ জীগী মশাগী পুন্সি ৱারী অসিনা মরুওইবা সোর্স অমা ওইহনবা ঙমগনি,” হায়না শ্রী মোদীনা ফোংদোকখি।

কোবিন্দ জীগী রাজনিতীগী হৌরকফমগী মতাংদা পল্লদুনা প্রধান মন্ত্রীনা মোরারজী দেসাইগা লোয়ননা থবক তৌমিন্নবনা রাজনিতীদা মহাক্কী কেরিয়রগীদমক কত্থোকখিবা অসিদা লৈবাক্কী সেবা তৌবগী অপাম্বা অদু মতৌ করম্না ওইহনবগে হায়বদু পনখি। শ্রী মোদীনা হায়খি, “কোবিন্দ জীগী মনুংদা লৈবাক্কী সেবা তৌবগী ৱাখল্লোন অদু মহাক্না মোরারজীগা লোয়ননা থবক তৌমিন্নদুনা মসিগী পাম্বৈ অমা ফংখি।”

লেপ্পা লৈতনা সেবা তৌরকপগী রেকোর্দ অদু পল্লদুনা, প্রধান মন্ত্রীনা কোবিন্দ জীনা পার্লিয়ামেন্ত, রাজ্যপাল অমসুং লোইননা রাস্ত্রপতি ওইনা লৌখিবা থৌদাং কয়াদা থৱায় য়াওনা থবক তৌবগীদমক থাগৎপা ফোংদোকখি। শ্রী মোদীনা হায়খি, “মহাক্না সেবা অসি মহাক্কী পান্দম ওইহন্দুনা থবক তৌখি, অমসুং মহাক্না পার্লিয়ামেন্ততা লৈখিবা মতম অসি মসিগী খুদম অমনি।”

রাস্ত্রপতি ওইরবা মতুংদা কোবিন্দ জীনা হোৎনখিবা অদু পল্লদুনা, প্রধান মন্ত্রীনা লৈবাক অসিগী দেমোক্রেসি ফ্রেমৱার্কদা অহোংবা পুরক্নবা প্রেসিদেন্ত ওইরম্বদগি পোত্থারবা মতুংদা ফাওবা ৱাবা লৈতনা ‘ৱান নেসন, ৱান ইলেক্সন’গুম্বা মরুওইবা নেস্নেল ইসুশিংদা মহাক্না মখাতানা লুচিংলিবা অদু থাগৎখি। শ্রী মোদীনা হায়খি, “ঐহাক্না থাজৈ মদুদি লৈবাক অসিগী মীয়াম্না কোবিন্দ জীগী থৌদাং অমসুং সেবাগী ৱাখল্লোন অসিদগী য়াম্না তমজনিংঙাই ওই।”

মীয়ামগী পুন্সিদা য়াম্না এক্তিব ওইনা লৈরিঙৈদা ওতোবায়োগ্রাফী ইবগী য়াম্না অরুবা অদু খঙলদুনা প্রধান মন্ত্রীনা কোবিন্দজীবু মরুওইবা খুন্নাইগী ওইবা থৌদাং অসি মপুং ফাহন্নবগীদমক থাগৎপা ফোংদোকখি। “কোবিন্দ জীনা ঐখোয় পুম্নমক্কীদমক্তা থবক অসি পাংথোকখ্রে মরমদি মহাক্কী পুন্সিদা লাইরবশিংগী মরক্তগী লাকপা মীপুম খুদিংমক্না মখোয়গী পুন্সিগী মমি অদু উবা ফংলি,” হায়না শ্রী মোদীনা হায়খি।

তেক্সত অসিদা য়াওরিবা পাক-চাউরবা মোরেলগী ওইবা পাউতাকশিং অদু পল্লদুনা প্রধান মন্ত্রীনা হায়খি মদুদি হান্নগী রাস্ত্রপতিগী ৱারোল অসিনা খ্বাইদগী অরুবা মতমশিং অসিদা শেংনা লৈবা অমসুং অচুম্বা চৎপা ঙম্বগী  মপাঙ্গল অদু করম্না উৎলিবগে হায়বগী মতাংদা য়াম্না মরুওইনা পনখি। “কোবিন্দ জীনা খুন্নাই অসিদা মখল কয়াগী পোস্তশিংগী থৌদাংশিং অদু পাংথোক্লদুনা করম্না অসুম্না শেংনা লৈবা অসিনা ঐখোয়দা নেস্নেল সর্বিসকীদমক্তা শক্তি পীবগে হায়বগী ইথিল অসি লেপ্পা লৈতনা পীরি।”

লাইরিক অসিগী পুৱারীগী ওইবা মগুন অদু মপাঙ্গল কন্না শৌগৎতুনা প্রধান মন্ত্রীনা মহাক্কী ৱারোল লোইশিনখি। লাইরিক অসিনা মশাগী অমসুং লৈবাক অসিগী মাইলস্তোন অনিমক্কীদমক মরুওইবা আর্কাইব অমা ওইনা মথৌ তৌগনি হায়না মহাক্না থাজবা থমখি। “ঐহাক্না থাজবা থম্লি মদুদি কোবিন্দ জীগী পুন্সি ৱারী অসিনা মহাক্কী পুন্সিগী মরুওইবা মেমোরীশিং অদু খক্তা নত্তনা ঐখোয়গী দেমোক্রেসীগী মেমোরীশিংসু ঙাক-শেন্দুনা থম্মি।” হায়না শ্রী মোদীনা হায়খি।

Speaking at the release of ‘Triumph of the Indian Republic: My Life, My Struggles,’ the autobiography of former President Shri Ram Nath Kovind Ji. His journey reflects a life dedicated to public service and the progress of our nation.@ramnathkovind
https://t.co/SCsPxznLG7

— Narendra Modi (@narendramodi) August 12, 2026

आज हमें श्री रामनाथ कोविन्द जी की आत्मकथा के विमोचन का अवसर मिला है।

मुझे खुशी है कि मैं इस कार्यक्रम का हिस्सा बना हूँ: PM @narendramodi

— PMO India (@PMOIndia) August 12, 2026

आज हमें श्री रामनाथ कोविन्द जी की आत्मकथा के विमोचन का अवसर मिला है।

मुझे खुशी है कि मैं इस कार्यक्रम का हिस्सा बना हूँ: PM @narendramodi

— PMO India (@PMOIndia) August 12, 2026

महात्मा गांधी, बाबा साहब अंबेडकर, ज्योतिबा फुले, सावित्रबाई फुले… ऐसी कितनी ही महान विभूतियों ने भारत के नवनिर्माण का सपना देखा था।

एक ऐसा भारत…. जहां गरीब से गरीब, वंचित से वंचित को शिखर तक पहुँचने का अवसर मिल सके।

कोविन्द जी जैसे व्यक्तित्वों ने अपने श्रम और काबिलियत से…

— PMO India (@PMOIndia) August 12, 2026

राष्ट्रपति जैसे सर्वोच्च पद से सेवामुक्त होने के बाद भी उन्होंने विश्राम नहीं लिया है।

वो अभी भी ‘एक देश, एक चुनाव’ जैसे महत्वपूर्ण विषय पर काम कर रहे हैं।

ये एक ऐसा विषय है… जिसका समाधान देश के लोकतन्त्र का नया अध्याय शुरू कर सकता है!

मैं मानता हूँ… कोविन्द जी की इस…

— PMO India (@PMOIndia) August 12, 2026

***