ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি ন্যু দিল্লীগী বিজ্ঞান ভবনদা “ফ্যুচর ওফ এনভাইর্নমেন্ত এন্দ ক্লাইমেৎ দাইনামিক্স” হায়না মিংথোনবা ইন্তর্নেস্নেল কনফরেন্স হৌদোকখ্রে। থৌরম অদুদা ৱা ঙাংলদুনা, প্রধান মন্ত্রীনা মহৌশাগা লৈবাক অসিগী পুৱারীগী ওইবা মরী লৈনবগী মতাংদা পল্লদুনা অরিবা মতমগী নাৎকী ওইবা লৌশিংনা মতৌ করম্না মোদর্ন ক্লাইমেৎ সোলুসনশিং শেমগৎলি অমসুং মালেমগী অপুনবা এক্সনশিংদা ইথিল পীবগে হায়বা মহাক্না ফোংদোকখি। মহাক্না নেস্নেল গ্রীন ত্রাইবুনেলবু মরুওইবা মিসন অসি লেপ্পা লৈতনা মাংলোমদা চংশিনবগীদমক থাগৎপা ফোংদোকখি অমসুং ওর্গানাইজরশিংদা নুংঙাইবা ফোংদোকখি। শ্রী মোদীনা হায়খি, “ভারতনা মোদর্ন ক্লাইমেৎ চেলেঞ্জশিংদা সোলুসন পীরি।”

কার্বোন ফুৎপ্রিন্তকী মতাংদা মালেমগী ওইবা অরানবা নরেতিবকী মতাংদা পল্লদুনা প্রধান মন্ত্রীনা হায়খি মদুদি ভারত্তগী কার্বোন পর কেপিতা অসি চাউখৎলবা লৈবাকশিংনা শরুক তরুক হেন্না থাদোক্লবসু চাউখৎলক্লিবা লৈবাকশিং অসিদা মরম চাদনা মরাল শীবিরি। লৈবাক অসিনা মসিগী পুৱারী ওইরবা অশেংবা ৱাফম অসিবু মপাঙ্গল কনখৎহন্নবা অমসুং মাগী ত্রেদিস্নেল এনভাইর্নমেন্তগী মপাঙ্গল উৎনবগীদমক মতৌ করম্না ইন্তর্নেস্নেল প্লেৎফোর্মশিং শীজিন্নবগে হায়বগী মতাংদা মহাক্না অকুপ্পা মরোল পীখি, মহাক্না সি.ও.পি.২১দা “কনভিনিয়ন্ত এক্সন- কন্তিন্যুতী ফোর চেঞ্জ” লাইরিক ফোংখিবা অমসুং ৱান সন, ৱান ৱর্ল্দ, ৱান গ্রিদ, ইন্তর্নেস্নেল সোলর এল্লাইন্স, সি.দি.আর.আই., গ্লোবেল বাইওফ্যুএল এল্লাইন্স অমসুং ইন্তর্নেস্নেল বিগ কেৎ এল্লাইন্সকুম্বা প্লেৎফোর্মশিং শেমখিবা অদু নীংশিংখি। শ্রী মোদীনা হায়খি, “ঐখোয়না মালেম অসিগা লোয়ননা চৎমিন্নদুনা অকোইবগী ফিভম ঙাকশেন্দুনা থম্নবগীদমক অনৌবা বেঞ্চমার্কশিং শেমগৎলি।”

অরিবা মতমগী ফিলোসোফীগা মোদর্ন এক্সিক্যুসনগা পুনশিন্নদুনা, প্রধান মন্ত্রীনা হৌখিবা চহি তরাগী মনুংদা অকোইবগী সেক্তর খুদিংমক্তা অৱাংবা থাক্কী খুমাং চাউশিল্লকপগী মতাংদা অকুপ্পা মরোল পীখি। মহাক্না চাউথোক্না হায়খি মদুদি লৈবাক অসিনা নন-ফোসিল ফ্যুএল অমসুং সোলর কেপাসিতিদা মালেমগী বেঞ্চমার্কশিং শেমদুনা, সি.ও.পি.২১দা থাকবা পীখিবা ৱাফমশিং থাখিবা মতমগী মমাংদা ফংবা ঙমখিবগীদমক জি.২০গী মনুংদা তোপ তোপ্পা মফম অমা কনবা ঙম্মি। শ্রী মোদীনা হায়খি, “পারেমিতর খুদিংমক্তা ভারতনা পাংথোক্লিবা থবকশিং অসি ঙসি মালেমদা খন্ন-নৈনবগী হীরম অমা ওইরে।”

লৈবাক অসিগী সোলর রিভোলুসনগী ময়েক লারবা খুদম পীরদুনা, প্রধান মন্ত্রীনা চহি তরাগী মমাংদা গিগাৱাৎ ২গী কেপাসিতিদগী ঙসিদি গিগাৱাৎ ১৬০ হেনখ্রে হায়না পনখি। পি.এম. সুর্য় ঘর মুফ্ত বিজলী য়োজনাগী মতেংনা য়ুমথোং খুদিংগী লুপা ৮০,০০০ ফাওবগী শেলগী তেংবাংগা লোয়ননা য়ুমথোং লাখ ৫০ হেন্না সোলরাইজ তৌখ্রে। মহাক্না মখা তাখি মদুদি কুসুম য়োজনাগী মখাদা লৌমী লাখ ৩০দা সোলর পম্প ফংহনখ্রে, অদুগা লোইশিনখ্রবা ৱান নেসন ৱান গ্রিদ প্রোজেক্তনা কার্বোন থাদোকপা তন মিলিয়ন ২০০ মায় পাক্না থিংলে। শ্রী মোদীনা হায়খি, “ঐখোয়না য়ুমশিংবু সোলর পাৱর জেনরেসনগী সেন্তর ওইহন্নবা মিসন অমা হৌদোক্লে।”

পাক-শন্না ক্লিন ইনর্জীগী লমদা চাউনা খুমাং চাউশিল্লকপগী মতাংদা প্রধান মন্ত্রীনা হায়খি মদুদি ৱিন্দ কেপাসিতীদা শরুক অহুম হেনগৎলকপা, হাইদ্রো এক্সপান্সন কয়া অমা হেনগৎলকপা, অমসুং হৌজিক প্রাইবেৎ প্লেয়রশিংবু তরাম্না ওক্লিবা ন্যুক্লিয়র পাৱর জেনরেসনদা নৌনা পুক্নিং চংবা হেনগৎলকপা অসিনি। অপুনবা খোঙথাংশিং অসিনা লৈবাক অসিগী নন-ফোসিল ইনর্জী কেপাসিতী অসি চাউরাক্না শরুক মরি হেনগৎহনখ্রে  লোয়ননা কোইল গ্যাসিফিকেসনগুম্বা ক্লীন ওইবা তেক্নোলোজীশিং খুমাং চাউশিনহল্লি হায়না মহাক্না ফোংদোকখি। শ্রী মোদীনা হায়খি, “ভারতনা ক্লিন ইনর্জীগী অতোপ্পা সেক্তরশিংদসু মরুওইবা মাইলস্তোনশিং ফংলে।”

এদভান্স ক্লিন মোবিলিতীগী হৌরকপদা নুংঙাইবা ফোংদোক্লদুনা মালেমগী খ্বাইদগী শাংবগী রেকোর্দ পাইরিবা, হন্দক্তা লৈবাক অসিগী অহানবা হায়দ্রোজেন ত্রেন হৌদোকখিবা অদু প্রধান মন্ত্রীনা চাউথোকচবগা লোয়ননা লাউথোকখি। তেক্নোলোজিকেল লিপ অসি গ্রীন ত্রান্সপোর্তকী তুংলমচৎকীদমক য়ুম্ফম ওইবা মাইলস্তোন অমনি হায়না মহাক্না ফোংদোকখি। শ্রী মোদীনা হায়খি, “মসি ক্লিন মোবিলিতীগী অনৌবা চহিচা অমগী অহৌবনি।”

গ্রীন ভেহিকলশিং পাক-শন্না য়োনবগী মতাংদা পল্লদুনা প্রধান মন্ত্রীনা ইলেক্ত্রিক ভেহিকলশিং মশিং ৯৫০ হেনগৎলকপা, ২০১৪গী মমাংদা মশিং লিশিং অহুমগী মখাদা লৈরম্বা অদুদগী হৌখিবা চহিদা চাউরাক্না লাখ ২৫দা হেনগৎলকপা অদু পনখি। মহাক্না হায়খি মদুদি হায়ৱে অমসুং এক্সপ্রেসৱেজশিংদা মোদর্ন ফাস্তেগ সিস্তেম্না তোল বুথশিংদা ঙাইদুনা লৈবগী মতম হন্থহন্দুনা ফ্যুএল মাংহনবদগী চাউনা হন্থহনবা ঙমখ্রে। শ্রী মোদীনা হায়খি, “ভারতনা ইভি রিভোলুসনগী খুদোংচাবা অসি মপুং ফানা লৌরি।”

পব্লিক ত্রান্সপোর্ত ইনফ্রাস্ত্রকচরগী চাউনা মোদর্নাইজেসন তৌবগী মতাংদা পল্লদুনা, প্রধান মন্ত্রীনা ২০১৪দা শহর মঙাদা কিলোমিতর ২৫০ শাংবা মেত্রো নেৎৱার্ক অসি ঙসি শহর ২০ হেনবদা মথৌ তৌরিবা পাক চাউবা সিস্তেমগা চাংদম্নখি। শ্রী মোদীনা হায়খি, “ভারতনা মালেমগী লৈবাকশিংগী মরক্তা কিলোমীতর লিশিং অমদগী হেন্না শাংবা মেত্রো নেৎৱার্ক লৈবা লৈবাকশিংগী মরক্তা চানবা ঙম্লে।”

হেভি লোজিস্তিক্সকী ইকো-ফ্রেন্দলী ত্রান্সফোর্মেসনদা মরুওইবা পীরদুনা, প্রধান মন্ত্রীনা হায়খি রেলৱেজকী মপুং ফানা ইলেক্ত্রিফিকেসন তৌবনা দিজল লিতর করোর কয়া অমা মৈ থাদোকপদগী কনবা ঙম্লে। মহাক্না নৌনা শঙ্গাখিবা কিলোমিতর ৩০০০ শাংবা দেদিকেতেদ ফ্রাইৎ কোরিদোরনা অকোইবগী ফিভমদা চাউনা কান্নবা পীরিবা অদু পনখি, মসিদা পুৱারী ওইরবা দবল স্তেক কন্তেনর ত্রেনশিংনা লম্বী অমদা পোলুসন থোকহল্লিবা ত্রক চা কয়াগী মহুৎ শিনখ্রে। শ্রী মোদীনা হায়খি, “মসিনা অকোইবগী ফিভমদা কয়া য়াম্না মতেং পাংলি হায়বদু অদোম্না খল্লমগনি।”

অতোপ্পা ইকো-ফ্রেন্দলী ত্রান্সপোর্ত মোদশিং পল্লদুনা, প্রধান মন্ত্রীনা লৈবাক শিনবা থুংনা চাউরাক্না কিলোমিতর ৫০০০গী মনুংদা লৈবা ঈশিংগী লম্বীশিং ওপরেস্নেলাইজেসন তৌবা হৌরকপদা নুংঙাইবা ফোংদোকখি। মহাক্না শন্দোক্না হায়খি মদুদি হায়রিবা লম্বীশিং অসিদা সিঙ্গল স্তেন্দর্দ ইনলেন্দ ভেসিলনা ত্রক কয়াগুম্না চপ মান্নবা পোৎ চৈ পুবা ঙম্মি। শ্রী মোদীনা হায়, “মসিনা অকোইবগী ফিভম ঙাক-শেন্দুনা থম্বদা অচৌবা মতেং ওইরি।”

ত্রাঞ্জিৎ অপগ্রেদেসনশিং অসিগী অপুনবা ইম্পেক্তকী মতাংদা প্রধান মন্ত্রীনা হায়খি মদুদি মোবিলিতী সেক্তর পুম্বদা চাউনা অহোংবা পুরকপা অসি লৈবাক অসিগী বেলেন্স ওইবা গ্রোথ ত্রেজেক্তরীগী ককপা য়াদ্রবা খুদম অমনি। মহাক্না হায়খি মদুদি য়াম্না থুনা চাউখৎপা হায়বসি অকোইবগী ফিভম ঙাক-শেনবগা লোয়ননা মপুং ফানা চৎমিন্নৈ। শ্রী মোদীনা হায়খি, “ঐখোয়গী চাউখৎ-থৌরাং অসি খোঙজেল লৈ লোয়ননা সস্তেনেবল ওই।”

ঈশিং কঞ্জার্বেসনদা মমাংদা অমুক্তা ওইখিদ্রিবা মওংদা মীয়াম্না শরুক য়াখিবা অদু থাগৎলদুনা, প্রধান মন্ত্রীনা কেৎচ দি রেন কেম্পেনগী মখাদা অমৃত সরোবর ৭০,০০০ হেন্না অমসুং নোংগী ঈশিং  য়োকশিন্নবা স্ত্রকচর করোর ১.৫ শাবগী থৌরম পাংথোকখ্রে হায়খি। মহাক্না হায়খি মদুদি প্রধান মন্ত্রী কৃষি সিঞ্চায়ী য়োজনা অমসুং ‘পর দ্রোপ, মোর ক্রোপ’কী মখাদা মোদর্ন ইরিগেসন তেক্নিকশিংনা লৌমী করোর ২ হেনবদা ঈশিং কনবা ঙমহল্লে। শ্রী মোদীনা হায়খি, “ভারত্তা ঈশিং কঞ্জার্বেসনগী মতাংদা মমাংদা অমুক্তা ওইখিদ্রিবা থবক কয়া পাংথোক্লি।”

মালেম শীনবা থুংনা মিল্লেৎশিং অমুক হন্না হিংগৎহনবগী মতাংদা প্রধান মন্ত্রীনা মতৌ করম্না ঈশিং চংদবা শ্রী অন্না থাবা অসিনা  দোমেস্তিক প্রদক্সন হেনগৎহনবগে অমসুং এক্সপোর্ত লাখ ১.৫দা হেনগৎহনবগে, মসিগা লোয়ননা ইকোনোমিক খুদোংচাবশিং শেমগৎপা অমসুং ঈশিং কনবা ঙমহনবগে শন্দোক্না তাকখ্রে। মালেমগী ওইনা ২০২৩ অসি ইন্তর্নেস্নেল ইয়র ওফ মিল্লেৎ ওইনা পাংথোক্নবা পুক্নিং থৌগৎপদা মহাক্না লৈবাক অসিগী লেপ্পা লৈতনা হোৎনরিবশিং অদুগীদমক থাগৎপা ফোংদোকখি। “মসিগী মোদেল অসিনা মরম ওইদুনা মালেমনা ঐখোয়দা য়াওশিল্লক্লি”, হায়না শ্রী মোদীনা ফোংদোকখি।

নেস্নেল মিসন ওন নেচরেল ফার্মিংগী মখাদা হেক্তর লাখ ১২.৫দা নেচরেল ফার্মিং ক্লস্তর ২৪,০০০ লিংখৎলে হায়রদুনা প্রধান মন্ত্রীনা ইকোলোজিকেল এগ্রিকলচরগী পাউ চাউবা স্কেলগী মতাংদা হায়খি। মহাক্না ক্লাইমেৎ রেসিলেন্ত ক্রোপ মখল ৩০০০ মায় পাক্না শেমগৎপা অমসুং নেস্নেল ফুৎপ্রিন্ত হন্থহন্নবা এগ্রো-ফোরেস্ত্রীগী স্ত্রেতেজিক প্রমোসন তৌবগী মতাংদসু পনখি। শ্রী মোদীনা হায়খি, “এগ্রো-ফোরেস্ত্রীবু পুক্নিং থৌগৎতুনা, ঐখোয়না কার্বোন ফুৎপ্রিন্তসু হন্থহল্লি।”

লৈবাক অসিগী অকোইবগী ফিভমগীদমক হোৎনরিবা অসিগী মওং-মতৌ অদু উৎলদুনা প্রধান মন্ত্রীনা হায়খি মদুদি হৌখিবা চহি ১২ অসিদা য়াম্না দেন্স ওইবা ফোরেস্ত কোভর অসি চাদা ২২ হেনগৎলে। মহাক্না লৈবাক শীনবা থুংনা চত্থরিবা ‘এক পের মা কে নাম’ কেম্পেননা লৈবাক শিনবা থুংনা লেপ্পা লৈতনা উ পাম্বী করোর অমা থানবা প্রজাশিংদা ইথিল পীবগীদমক থাগৎপা ফোংদোকখি।

প্লাস্তিক পোলুসনগী মরুওইবা শিংনবদু পল্লদুনা, প্রধান মন্ত্রীনা সিঙ্গল য়ুজ প্লাস্তিক্কী নেস্নেল বেন অমসুং নুমিৎ খুদিংগী থাদোকপা তন লিশিং কয়া হন্থহনবা, অমুক হন্না শিজিন্নবা অমসুং রিসাইকল তৌবদা য়ুম্ফম ওইবা সর্ক্যুলর ইকোনোমীগী মায়কৈদা অকনবা খোঙজং চংশিনবগী ৱাফম অমুক হন্না ফোংদোকখি। মহাক্না গোবর্ধন য়োজনা অসি ৱেস্ততগী ৱেল্থ ওন্থোকপ মোদেল অমগী খুত্থাংদা খুঙ্গংগী ওর্গানিক ৱেস্তপু মমল য়াম্লবা রিসোর্স অমদা ওন্থোকপগী মরুওইবা খুদম অমনি হায়না পনখি। “ঐখোয়গী খোঙথাং অসিদি ৱেস্তপু প্রোব্লেম অমা ওইনা লৌবগী মহুত্তা রিসোর্স অমা ওইনা ওন্থোকপনি” হায়না শ্রী মোদীনা ফোংদোকখি।

লৈবাক অসিগী অকোইবগী ফিভমগী মতাংদা ফংখিবা মায় পাকপগী মরুওইবা অদু পল্লদুনা প্রধান মন্ত্রীনা হায়খি মদুদি হায়রিবা মপাঙ্গল লৈরবা স্তেতিস্তিক্স অসিনা দোমেস্তিক প্রোগ্রেসতগী হেন্না চাউই। মহাক্না লৈবাক অসিগী চাউখৎ-থৌরাংগী দেতাশিং অসি মীওইবা খুন্নাইগী হিংবা অমসুং চাউখৎপদা হকথেংননা তেংবাংলি হায়না ফোংদোকখি। শ্রী মোদীনা হায়খি, “মসি মীওইবা খুন্নাইগী তুংলমচৎকীদমক ভারতনা শরুক তম্লিবা অদুগী ফিগরশিংসুনি।”

প্রধান মন্ত্রীনা পৃথিবী অমসুং মসিদা লৈরিবা মীশিংগী মরক্তা লৈরিবা অচেৎপা মরী অসিনা হায়রিবা থৌদাং লৈবা থবকশিং অসি পাংথোকহনবদা মতেং পাংলি হায়না ফোংদোকখি। মহাক্না মহাক্কী ৱারোল লোইশিনবদা কনফরেন্স অসিগী ৱারোলশিং অসিনা অনৌবা পাম্বৈশিং পুথোক্কনি হায়না থাজবা থমখি অমসুং মহাক্কী অরোইবা থাগৎ ৱারোল থমখি। শ্রী মোদীনা হায়খি, “ভারতনা থৌদাং লৈবা অমসুং তুং কোইনা চৎনবা য়াবা তুংলমচৎ অমা শেমগৎনবা হোৎনরি।”

India is showing how development and environmental sustainability can go hand in hand. Speaking at the International Conference on “The Future of Environment and Climate Dynamics.” https://t.co/QTmc4v8yeT

— Narendra Modi (@narendramodi) September 19, 2026

अक्सर carbon emission की ज़िम्मेदारी गलत तरीके से विकासशील देशों पर डाली जाती रही है।

जबकि ऐतिहासिक सच्चाई ये है… आज भी प्रति व्यक्ति carbon emission में भारत का योगदान global average के आधे से भी कम है: PM @narendramodi

— PMO India (@PMOIndia) September 19, 2026

बीते 12 वर्षों में पर्यावरण से जुड़े हर क्षेत्र में, हर sector में… भारत ने असाधारण प्रगति की है।

हमारा बड़ा focus renewable energy पर रहा है और इसने पर्यावरण सुरक्षा में बड़ी भूमिका निभाई है: PM @narendramodi

— PMO India (@PMOIndia) September 19, 2026

भारत, G-20 में इकलौता ऐसा देश है जिसने पेरिस में COP-21 Summit में किए commitments को समय से पहले पूरा करके दिखाया है: PM @narendramodi

— PMO India (@PMOIndia) September 19, 2026

हमारा development… Speedy भी है और Sustainable भी है: PM @narendramodi

— PMO India (@PMOIndia) September 19, 2026

*****