ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি ভিদিও কনফরেন্সিংগী খুত্থাংদা চাওরাক্না লুপা করোর ২১,৮০০ চঙবা পুনে মেত্রো প্রোজেক্তশিংগী শঙ্গাখ্রে অমদি উরেপ-উয়ুং তমখ্রে। থৌরম অসিদা মীয়াম তিনখিবা মিয়ামদা ৱা ঙাংলদুনা প্রধান মন্ত্রীনা পুনে অমসুং মহারাস্ত্রগী মিয়ামদা নুংঙায়রবা দিৱালিগী য়াইফ-পাওজেল পিখি অমসুং নুংতিগী পূনশিদা অনৌবা মিয়ামগী খুদোংচাবশিং হাপচিল্লকপা মতমদা কুম্মৈগী হরাওবা হেনগত্‍‌লকই হায়না ফোঙদোকখি। চহি ১০গী মমাঙদা মহাক্না পুনে মেত্রোগী অহানবা ফেজগী উরেপ-উয়ুং তমখিবা অদু মহাক্না নিংশিংখি। মহাক্না ফোঙদোকখি মদুদি হিঞ্জেৱাদিদগী শিবাজিনগর ফাওবগী কোরিদোর শঙ্গাবনা অচৌবা আই.তি. হব অমগা হেন্না ফবা কনেক্তিবিতি ফংহল্লগনি, অদুগা ঙসি শঙ্গাখিবা অনৌবা লাইন অসিনা শহর অসিগী অরিবা অমসুং অনৌবা শরুকশিংবু মখা তানা শম্নহনগনি।

পুনে অসি জাতি অমসুং খুন্নাই অসিবু লেপ্তনা লমজিংদুনা লাক্লিবা ৱাখললোনশিংগী পুৱারি ওইরবা মফম অমনি হায়না ফোঙদোক্লদুনা প্রধান মন্ত্রীনা হায়খি মদুদি শহর অসিনা হৌজিক আই.তি., ওতোমোবাইল, ফার্মাসিয়ুতিকেলশিং, স্তার্তঅপশিং, ইনোবেসন, অমসুং মেনুফেকচরিংগী লমদা নহাশিংগী অপাম্বশিংগী হব অমা ওইনা বিকসিত ভারত অমগী অনৌবা ইনর্জি চেনেল তৌরি। “ অমদি অসিগুম্বা শক্তমশিং অসিনা মফমসিগী মেত্রোগী কনেক্তিবিতি ফগৎলক্লিবা অসিনা পুনে শহর অসি চাউখৎহনবদা অনৌবা খোংজেল অমা পিরগনি” হায়না পি.এম. না থোইদোক্না ফোংদোকখি৷

পুনে মেত্রো অসি পাকথোক-চাওথোকহনবনা মতৌ করম্না মোদরন শিতিশিং অসি বিকসিত ভারত অমগীদমক মওং শেমলিবনো হায়বদু ফোঙদোক্লদুনা প্রধান মন্ত্রীনা উখি মদুদি ইনদস্ত্রিশিং, চাকচা-য়ুথক, নত্রগা লোকেল প্রদক্তশিংগুম্বা ত্রেদিস্নেল মার্করশিংগী মথক্তা, হৌজিক্তি অরবান সেন্তরশিং অসি মখোয়গী কম্পিতিতিবনেশ অমসুং ইজ ওফ লিভিংনা য়েংশিল্লি, মসি অনিমক অসি চৎথোক-চৎশিনগী মতম কনবা অমসুং হেন্না খুদোংচাবা পিরিবা মেত্রো নেতৱার্কশিংনা হেনগৎহল্লি। মহাক্না পনখি মদুদি শহর অমগী মতম কনবা অসিনা শহরগী পোত্থোক পুথোকপা হেনগৎহল্লি, মসিনা মরম ওইদাুনা নেস্নেল ইকোনোমিদা খোঙজেল য়াংশিলহল্লি। শ্রী মোদীনা অকনবা ৱাফম থমখি, “অদুগা ইকোনোমি অসি চাওখৎলকপা মতমদা লায়রবা অমসুং মিদল ক্লাস অনিমক্না মসিদগী কান্নবা ফঙই।”

থৌরম অসিবু প্রো-পিপল অমসুং প্রোএক্তিব গবরনান্সকি মরুওইবা খুদম অমা ওইনা লৌরদুনা প্রধান মন্ত্রীনা ফোঙদোকখি মদুদি হৌখিবা চহি ১২ অসিদা ভারতকি মেত্রো নেতৱার্ক অসি শহর ২৬কি মনুংদা চাওরাক্না কিলোমিতর ১২০০দা পাকথোক-চাওথোকখ্রে অমসুং নোংমাদা কোতি অমা হেনবদা চৎথোক-চৎশিন তৌবা মিওইশিংগী সেবা তৌরি। পি.এম.মোদীনা থোইদোক্না ফোংদোকখি, “ঙসিদি ভারতকি মেত্রো নেতৱারক অসি মালেমদা মকোক থোঙবা মেত্রো নেতৱারক অহুমগী মনুংদা য়াওরি।

২০১৪দা রাজ্য অসিদা কিলোমিতর ১০দগী ১১ ফাওবগী মেত্রো লাইনশিং খক্তনা থবক তৌবা হৌরকপা মতমদা মহারাস্ত্রনা নেস্নেল ত্রান্সফোর্মেসন অদু য়েংলদুনা প্রধান মন্ত্রীনা পনখি মদুদি লুপা কোতি লাখ ২.৫ হেনবা ইনভেস্তমেন্ত অমগা লোয়ননা কিলোমিতর ৬৮০ হেনবদা কন্সত্রক্সন চত্থরি অদুগা হৌজিক চাওরাক্না কিলোমিতর ১৭৫ শাঙবা থবক চত্থরি। শ্রী মোদীনা য়েংশিনখি, “শেন অসি লেবরশিংগী পোকেত্তা চৎলি, শেনফম অসিনা ইঞ্জিনিয়রশিংদা থবক পিরি, অমসুং শেনফম অসিনা দুকানশিং অমসুং ফেক্তরিশিংদা থবক পিরি।”

নৌনা উরেপ-উয়ুং তমখিবা কোরিদোরগী অতোপ্পা তোপ তোপ্পা মশক অমা ফোঙদোক্লদুনা প্রধান মন্ত্রীনা থোইদোক্না ফোংদোকখি মদুদি মেত্রো লাইন অসি সরকার অমসুং প্রাইভেৎ সেক্তরনা পুন্না হোত্‍‌নমিন্নদুনা পব্লিক-প্রাইভেৎ পার্ত্নরশিপ মোদেলগী মখাদা শাখিবনি। “মসি লৈবাক অসি খুমাং চাউশিনহনবদা মখা তানা খোংজোল হেনগৎহনবদা মায় পাকহল্লিবা অনৌবা মোদেল অমনি,” হায়না পি.এম. না ফোংদোকখি৷

ভারতকি নাগরিক খুদিংমক অমসুং নহা ওইরিবা মচানুপা-মচানুপি খুদিংমক্না লৈবাক শিনবা থুংনা ‘ঐখোয় তৌবা ঙমগনি’ হায়বা ৱাখল্লোনগা লোয়ননা বিকসিত ভারত অমা শেমগৎনবা থবক পায়খৎলি হায়না ফোঙদোক্লদুনা প্রধান মন্ত্রীনা থোইদোক্না ফোংদোকখি মদুদি হৌখিবা চহি ১২ অসিদা জাতি অসিনা খুঙ্গংগী লম্বিশিং, হায়ৱেশিং, এক্সপ্রেশৱেশিং, অনৌবা অমসুং ইলেক্ত্রিফাইদা রেল লাইনশিং, অশাঙবা তনেলশিং, অমসুং অৱাঙবা থোঙশিং শাবদা মখোয়গী ইনর্জি মিত্‍‌য়েং চংখি। শ্রী মোদীনা অকনবা ৱাফম থমখি৷ “হৌজিক লাক্কদৌরিবা চহিশিংদা মসিগা লোয়ননা লৈবাক অসিনা মসিগী ইনর্জি অসি মালেমগী খ্বাইদগী ফবা শহরশিংগী মনুংদা চলহনবদা ইনভেস্ত তৌরক্কনি,” হায়না শ্রী মোদীনা ফোংদোকখি৷

শহরশিং অসি সুপ্নগী রেসিদেন্সিএল স্পেশ নত্তনা ইকোনোমিক এক্তিবিতিগী অচৌবা ইঞ্জিনশিংনি অমসুং অপিকপা শহর লিশিং কয়াবু গ্রোথ হব ওইনা ওন্থোক্কদবনি হায়না অকনবা ৱাফম থম্লদুনা প্রধান মন্ত্রীনা অরবান ইনভেস্তমেন্ততা লুপা কোতি লাখ কয়া মোবিলাইজ তৌনবা কেন্দ্রগী তেঙবাংদা লুপা কোতি লাখ অমা পিদুনা চহি অসিগী ফেব্রুৱারিদা অরবান চেলেঞ্জ ফন্দগী অয়াবা পিখিবা অদু ফোঙদোকখি। মহাক্না লোকেল বোদিশিং অমসুং প্রাইভেৎ সেক্তরগী পার্ত্নরশিংদা মিসন মোদতা হোত্‍‌নরিবা অসিদা শরুক য়ানবা তকশিনখি।“ মহারাস্ত্রানা মসিদসু মখা তানা পাকথোক-চাওথোরক্কনি হায়বা ঐহাক থাজৈ,” হায়না পি.এম. না ফোংদোকখি৷

ভারতকি মতাঙদা মালেমগী ওইনা খন্ন-নৈনবদা থৌনা হাপলিবা অচৌবা মায়পাকপা অনি ফোঙদোক্লদুনা প্রধান মন্ত্রীনা থোইদোক্না ফোংদোকখি মদুদি জাতি অসিনা মিরোল কয়াগী ওইনা সুপ্নগী খোঞ্জেল খক্তগী দিকেদ কয়াদগী লাপ্না লৈদুনা সুপ্নতগী চহি ১০দগী ১২ ফাওবগী মনুংদা নাগরিক কোতি ৫০বু য়াম্না লায়রবদগী নান্থোকহনবগা লোয়ননা লুরবা ইন্তরনেস্নেলগী ফিভমশিংগী মরক্তা মালেমগী খ্বাইদগী য়াংনা চাওখৎলকপগী চাংদা থম্লি। শ্রী মোদীনা অকনবা ৱাফম থমখি, “মমাঙদা লায়রবগী মায়োক্তা লান্থেংনবা অসি ৱাহৈ খক্তদা ওইখি, ঙসিদি ভারতনা মফম অসিদা লায়রবা মায়থিবা পিরি,” হায়না পি.এম. না ফোংদোকখি৷

খ্বাইদগী য়াংনা চাওখৎলক্লিবা ইকোনোমি অমসুং খ্বাইদগী য়াংনা লায়রবা হন্থহল্লিবা লৈবাক অমা ওইনা ভারতকি ত্বিন মায়লস্তোনশিং অসি অমগা অমগা মরি লৈনরি হায়বা উরদুনা প্রধান মন্ত্রীনা ফোঙদোকখি মদুদি চাওখৎলক্লিবা ইকোনোমি অমাদি পাকথোক চাউথোক্লক্লিবা বজেৎ অমানা মিয়ামগী শেল থাদবা হেনগৎহনবা ঙমহল্লি, অদুগা মতম অমদা স্কেম অমসুং লিকেজনা মাংখিবা শেনফম অদু হৌজিক্তি বেনিফিসরিশিংদা হকথেংননা য়ৌরে। মহাক্না মখা তানা হায়খি মদুদি লম্বি, রেল, এয়রপোর্ত, মেত্রো, মৈ, ইশিং, অমসুং গ্যাসকি পায়প লাইনশিংদা ত্রেজরি ইনভেস্তমেন্তশিংনা অমগা অমগা হিংনবগী থাক ফগৎহল্লি অমসুং থবক ফংহল্লি। পি.এম.মোদীনা থোইদোক্না ফোংদোকখি, “এচিবমেন্ত অনি অসি অমগা অমগা শম্নরি।”

লায়রবশিংগী য়ুম, তোইলেৎ, হর ঘর জল তেপ ৱাতার কনেক্সন, অমসুং চাক থোঙনবা গ্যাস কনেক্সনগুম্বা ৱেলফেয়র দেলিবরিগী ইম্পেক্ত অদু ফোঙদোক্লদুনা প্রধান মন্ত্রীনা হায়খি মদুদি তঙায়ফদবা খুদোংচাবশিং অসিনা মিয়ামগী মশাদা থাজবা হেনগৎহল্লে অমসুং মমল য়াম্লবা নুংতিগী শেল কনবা ঙম্লে। শ্রী মোদীনা হায়খি, “অদুগা মতম অসি মখোয়গী ইমুং মনুংগীদমক অহেনবা শেন্থোক লম্বি ফংবদা শিজিন্নরি।”

লায়রবশিংবু শক্তি পিবনা মখোয়দা লায়রবা মায়থিবা পিবগী থৌনা ফংহল্লি হায়বা মন্ত্র অসিনা লমজিংদুনা সরকার অমগী মকোক ওইনা হৌখিবা থাদা চহি ২৫ সুরকপগী থবক অদু নিংশিংলদুনা প্রধান মন্ত্রীনা গুজরাতকি মুখ্য মন্ত্রী ওইনা গরিব কল্যান মেলাবু স্কিম পিবদা মিত্‍‌য়েং থম্নবা অমসুং লায়রবগী মায়োক্তা ৱাশক লৌনবা বেনিফিসরিশিংবু স্তেজদা কৌনবা ৱাখল খনখি। পি.এম.মোদীনা রিমার্ক তৌখি, “মখোয়না লায়রবা মায়থিবা পিনবা অমসুং মশানা মশাবু থাজবা পুদুনা থৌরম অসিদগী হল্লক্নবা রিজোলুসন অমা লৌরম্মী।”

মতম অদুদা হৌদোকখিবা মিসন অসি ‘পাৱর তু এম্পাৱর’না লেপথোক্লবা অচুম্বা গুদ গবরনান্স ওইনা লেপ্পা লৈতনা মখা চত্থরি হায়না ফোঙদোক্লদুনা প্রধান মন্ত্রীনা অকনবা ৱাফম থমখি মদুদি মসিগী ত্রান্সফোর্মেসন অসি খঙহৌদনা অমসুং থৌরাং তৌদুনা চহি কয়াদগী হোত্‍‌নরকপগী মহৈনি । শ্রী মোদীনা থোইদোক্না ফোংদোকখি, “মরম অদুনা ভারত মচা ক্রোর ৫০না লায়রবা মায়থিবা পিরে,” হায়না শ্রী মোদীনা থোইদোক্না ফোংদোকখি৷

লায়রবা হন্থহনবনা অৱাত্‍‌পা লৈবদগী নান্থোক্লবা ইমুংশিংগী মথক্তা চাওরবা জাতিদা কান্নবা পিরি হায়না ফোঙদোক্লদুনা প্রধান মন্ত্রীনা পনখি মদুদি মসিনা লৈবাক্কি শেন্মিৎলোন অমুক হন্না হিংগৎহল্লি অমসুং অনৌবা মিদল ক্লাস অমা শেমগত্‍‌লি, মসিগী পরচেজ পৱারনা কৈথেলগী দিমান্দ হেনগৎহল্লি অমসুং দুকানশিংদগী ফেক্তরি ফাওবা অনৌবা ওইথোকপা য়াবশিং হাংদোক্লি৷ “ভারত্তা লায়রবা হন্থরবা হায়বগী ৱাহন্থোক্তি ভারত্তা ইকোনোমীগী অনৌবা মায় পাকপা হায়বনি,” হায়না পি.এম. মোদীনা ফোংদোকখি৷

বিকসিত ভারতকি খোঙচৎ অসিদা লৌমিশিংগী মরুওইবা থৌদাং অমসুং মখোয়বু শক্তি পিনবা সরকারনা লেপ্পা লৈতনা হোত্‍‌নরিবা অদু শন্দোকনা তাক্লদুনা প্রধান মন্ত্রীনা হৌখিবা চহি খরশিদা মুখ্য মন্ত্রী দেবেন্দ্র ফদনাবিসকি মখাদা ইশিং য়োকশিনবগী থবক কয়া পায়খত্‍‌লবসু হৌজিক মহারাস্ত্রদা লৌমিগী ইমুংশিংনা অৱাবা তারবা নোংজু-নুংশা অমসুং মহৌশাগী ওইবা অৱা-অনাশিংনা থেংনরিবা অকনবা খুদোংচাদবশিং অদু শকখঙখি। লমহাংদা খোঙহামদবা, রাজ্য সরকারনা হান্না তেঙবাং পিবা, অমসুং পি.এম.কিসানগী ফন্দ ত্রান্সফর তৌবগী মতাঙদা মহাক্কী এৱেয়রনেশ অদু নোৎ তৌবগা লোয়ননা সরকারগী মায়কৈদগী মপুঙ ফাবা সেন্সিতিবিতি অমসুং শোলিদরিতি ফোঙদোক্লদুনা মহাক্না রাজ্য অসিগী লৌমিশিংদা থাজবা পিখি। শ্রী মোদীনা অকনবা ৱাফম থমখি, “মতম অমত্তাদা ৱাখল ৱাবা লৈরোয়দবনি, ঐখোয় পুম্নমক লৌমিশিংগা লোয়ননা লৈরি,” হায়না পি. মোদীনা ফোংদোকখি৷

কুম্মৈগী মতম অসিদা নাগরিকশিংদা নোংজু-নুংশানা চৈথেং পীরবা নাগরিকশিং, লৌমি ইমুংশিং, অমসুং অৱা-অনাদা লৈরিবা অতোপ্পশিংবু নিংশিংদুনা মখোয়গী খুন্নাইগী থৌদাং অদু নিংশিংহন্দুনা দিৱালিগী হরাওবা অদু মখোয়গী য়ুমশিংদসু লৈহন্দুনা প্রধান মন্ত্রীনা জাতি অসিবু খুদোংচাদবা অসি মায়থিবা পিবদা অমত্তা ওইনা লেপ্নবা তকশিনখি। পি.এম.মোদীনা অকনবা ৱাফম থমখি, “ঐখোয়না পুল্লবখক্তদা খুদোংথিবা অসি মায়োক্নবা ঙমগনি।”

মেত্রো প্রোজেক্তশিংগীদমক য়াইফ-পাওজেল পিরদুনা মহাক্কী ৱারোল লোয়শিনবদা প্রধান মন্ত্রীনা পুন্না অমসুং অপুনবা থৌনা, সবকা প্রয়াসনা বিকসিত ভারত অমগী পুন্সি মহিং ওইনা থবক তৌরি হায়না অকনবা ৱাফম থমখি। শ্রী মোদীনা অকনবা ৱাফম থমখি, “মসিগী ৱাখল্লোন অসিগা লোয়ননা ঐখোয়না লৈবাক অসিগী চাওখৎ-থৌরাংদা লেপ্পা লৈতনা হোত্‍‌নগদবনি।”

A better-connected Pune is a faster-growing Pune! New Metro projects will boost the city’s growth and improve Ease of Living. https://t.co/CZzZ6clgJ2

— Narendra Modi (@narendramodi) November 3, 2026

IT, automobile, pharma, startups… Innovation से लेकर manufacturing तक, पुणे…देश के युवाओं के लिए सपनों और संकल्पों का स्थान है।

और ऐसे में मजबूत होती यहां की metro connectivity…पुणे शहर के विकास को नई गति देने जा रही है: PM @narendramodi

— PMO India (@PMOIndia) November 3, 2026

हमारे शहर केवल रहने की जगह नहीं हैं।

ये देश की Economic Activity के बड़े केंद्र भी हैं।

हमें देश के सैकड़ों छोटे शहरों को Growth Hubs भी बनाना है: PM @narendramodi

— PMO India (@PMOIndia) November 3, 2026

आज भारत वो देश है… जो Fastest Growing economy भी है और Fastest Poverty reducer भी है: PM @narendramodi

— PMO India (@PMOIndia) November 3, 2026

***