ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি ভিদিও কনফরেন্সকী থোংদা মহারাস্ত্রগী গরচিরোলীদা জনজাতিয়া গৌরব দিবস প্রোগ্রামদা শরুক য়াখ্রে, মদুদা মহাক্না লুপা করোর ৩,০০০রোমগী চাউখৎ-থৌরাংগী প্রোজেক্ত ২৪৬ শঙ্গাখি অমসুং উরেপ উয়ুংসু তমখি। ধরতী আবা ভগবান বিরসা মুন্দাগী ১৫১শুবা মপোক কুমওনগী থৌরমদা প্রধান মন্ত্রীনা লৈবাক শিনবা থুংনা লৈরিবা প্রজাশিংদা ‘জোহার’ হায়খি। মহাক্না ভগবান বির্সা মুন্দাদা ইকায় খুম্নবা উৎলদুনা লৈবাক শিনবা থুংনা পাংথোক্লিবা থৌরমশিং অসিনা ত্রাইবেল কম্ম্যুনিতীশিংগী চাউথোকচবা পোকপা অমসুং লৈবাক অসিনা ত্রাইবেলগী অথৌবা অমসুং অথৌবীশিং নীংশিংলিবা মতমদা মহাক্কী মতম চুপ্পদা পীরিবা ইথিল অদু উৎলি হায়না মহাক্না ফোংদোকখি। রাঘোজী ভাঙ্গরে, ভাগোজী নায়ক অমসুং বীর বাবুরাও শেদমাকেগী অথৌবশিংগা মরী লৈনবা ত্রাইবেল কলচরগী লম ওইরিবা মহারাস্ত্রগী গরচিরোলীদা পাংথোকখিবা চাউরবা থৌরম অদু পল্লদুনা মহাক্না ত্রাইবেল লান্মী পুম্নমক্তা ইকায় খুম্নবা উৎখি। “ঐহাক্না লৈবাক শিনবা থুংবদগী থৌরম অসিদা শরুক য়ারিবা রাজ্যপালশিং, মুখ্য মন্ত্রীশিং, উপ মুখ্য মন্ত্রীশিং অমসুং মীয়ামগী মীহুৎ খুদিংমকপুসু থাগৎচরি,” হায়না শ্রী মোদীনা ফোংদোকখি।

২০২১গী নবেম্বর ১৫দা হৌদোকখিবা জনজাতিয়া গৌরব দিবস অসি হৌখিবা চহিদা ভগবান বিরসা মুন্দাগী ১৫০শুবা মপোক কুমওনগী থৌরমদা থৌরম লাখ অনি হেন্না পাংথোকখি অমসুং প্রজা করোর কয়ানা শরুক য়াদুনা নেস্নেল ফেস্তিবেল অমা ওইখি। “ঙসি ভারতনা মাগী হেরিতেজ, মাগী পুৱারী অমসুং মাগী অথৌবশিং অসি স্বদেশীগী ইশাবু ইকায় খুম্নবগা লোয়ননা নীংশিংলি, মসি ঐখোয়গী নেস্নেল কন্সিয়স্নেস লাক্লিবা অচৌবা অহোংবা অমগী খুদম্নি,” হায়না পি.এম. মোদীনা ফোংদোকখি।

ত্রাইবেল কম্ম্যুনিতীশিংনা লোইলম লৈঙাক্কী অরানবগী মায়োক্তা মতৌ করম্না লেপ্পা লৈতনা খোঙজং চংশিনবগে হায়বদু নীংশিংলদুনা, খাসি হিল্সতা তিরোত সিংহনা লান্থেংনখিবা, চোতা নাগপুরগী কোল মুভমেন্ত, সিদো-কানহুনা লুচিংবা সান্থল রিভোলুসনদগী হৌরগা মনগরদা গোবিন্দ গুরুগী তুং ইল্লিবা মীওইশিংনা কত্থোকখিবা অমসুং রানি গাইদিনলিয়ু, তান্তিয়া ভিল, অলুরী সিতারাম রাজু অমসুং রানি দুর্গাবতীগী থৌনাগী মতাংদা প্রধান মন্ত্রীনা নীংতম ইহৌশিং অসিগী মপুং ওইবা লেগেসী অদু পনখি। শ্রী মোদীনা হায়খি, ‘মতমশিং অসিগা লোয়ননা ভগবান বিরসা মুন্দাগী ওলগুলান অমসুং নহা ওইরিঙৈ মতমদা মহাক্না হোৎনখিবা অসি ঙসিমক ঐখোয়গী লৈবাক মীয়ামগীদমক য়াম্না চাউবা ইথিল অমা ওইরি”।

জনজাতিয়া গৌরব দিবসতা ত্রাইবেল দিবেলপমেন্ত প্রোজেক্ত ১৭০ হেন্না শঙ্গাবা অমসুং তোঙান তোঙানবা রাজ্যশিংদা লুপা করোর ৩০০০রোমগী প্রোজেক্ত ৭০ হেন্না উরেপ উয়ুং তম্বগী থৌরম অদু পল্লদুনা, প্রধান মন্ত্রীনা মিজোরমদা নীংতম লান্মী রোপুইলিয়ানিদা কত্থোকপা ম্যুজিয়ম অমসুং অরুনাচল প্রদেশতা ত্রাইবেল রিসর্চ ইন্সতিত্যুৎকী অনৌবা বিল্দিং, এজুকেস্নেল ইন্সতিত্যুসনশিং, হেল্থকেয়র সর্ভিসশিং, ত্রাইবেল প্রদক্ত মার্কেতিং সেন্তরশিং অমসুং রুরেল ইনফ্রাস্ত্রকচরগী থবকশিং শঙ্গাখিবগী থৌরম অদু পনখি। পি.এম. মোদীনা হায়খি, “প্রোজেক্তশিং অসিগীদমক লৈবাক অসিদা ঐহাক্না থম্মোয় শেংনা নুংঙাইবা ফোংদোকচরি।”

চহি অসিগী কুহ্মৈ অসি পুৱারী ওইরবা নেস্নেল মাইলস্তোন অনি, মীওই করোর ৫০ রোমনা কা হেন্না লায়রবা মায়থিবা পীবা অমসুং ভারতনা নক্সেলিজম অমসুং মাওইস্ত তেররদগী নীংতম্বা ফংলকপগী পাক-শন্না খন্ন-নৈনবগী মতম অসিগা চপ চান্নরি হায়না পল্লদুনা, প্রধান মন্ত্রীনা ত্রাইবেল লমদমশিংগীদমক মায়পাকপা অনিমক্কী মরুওইবা অদু ফোংদোকখি। “মসিগী মায়পাকপা অনিমক অসি ঐখোয়গী ত্রাইবেলগী ইচিল-ইনাওশিংগী পুন্সিগা য়াম্না মরী লৈনৈ,” হায়না শ্রী মোদীনা হায়খি।

হৌখিবা চহি ১২-১৩ অসিদা ভারত মচা করোর ৫০গী ময়ানা কা হেন্না লায়রবদগী থোরকপা ঙমখ্রে ফোংদোক্লিবা ৱর্ল্দ বেঙ্ককী চেরোল অদু পল্লদুনা প্রধান মন্ত্রীনা হায়খি মদুদি মসি ভারতকী নীংতম্লবা মতুংগী খ্বাইদগী চাউবা মায়পাকপগী অমনি, মসিদি সরকার অমা খক্তনা নত্তে, খুন্নাইগী অপুনবা শক্তি, প্রজা খুদিংমক্কী কন্না হোৎনবনা অমসুং সেন্ত্রেল ত্রাইবেল ৱেলফেয়র স্কিমশিং অমসুং ৱারেপশিং অসিনা ওইহনখি। “মসিগী মায়পাকপগীদমক, ঐহাক্না লৈবাক মীয়াম পুম্নমকপু, মরু ওইনা ঐহাক্কী ত্রাইবেলগী ইচিল-ইনাওশিংবু থম্মোয় শেংনা নুংঙাইবা ফোংদোকচরি,” হায়না পি.এম. মোদীনা ফোংদোকখি।

মীওই করোর কয়ানা লায়রবদগী থোরকপা ঙমখিবা অসি দিকেদ কয়াদগী চাউখৎপা ফংদবশিংবু মরুওইবা পীনবগী অচেৎপা ৱারেপ অদু মপুং ফাহন্নবনি হায়না পল্লদুনা প্রধান মন্ত্রীনা হায়খি মদুদি সরকার অসিনা পি.এম.-জনমান য়োজনা অমসুং ধরতী আবা জনজাতিয়া গ্রাম উতকার্শ অভিয়ানগীদমক লুপা করোর লাখ অমা থাদদুনা তঙাই ফদবা পোৎলমশিং ফংদ্রিবা খ্বাইদগী শোত্থবা ত্রাইবেল লমদমশিংদা মপুং ফানা মতেং পাংলি। শ্রী মোদীনা হায়খি, “ঐখোয়না হোৎনখিবা অদুদি নীংতম্লবা মতুংদা খ্বাইদগী থেংনা খুদোংচাবশিং ফংলম্বা ইমুংশিং অদু হৌজিক খ্বাইদগী থুনা খুদোংচাবশিং ফংহনগদবনি।”

লায়রবশিংগীদমক পক্কাগী য়ুম করোর মরি হেন্না শাদুনা, নীংতম্বা ফংলবা মতুংদগী দিকেদ কয়া মমদুনতা লাকখিবা খুঙ্গং ১৮,০০০দা মৈ ফংহন্দুনা, আয়ুশ্মান ভারতকী মখাদা লুপা লাখ মঙা ফাওবগী লেম্না হিদাক লাংথক ফংহন্দুনা অমসুং মনুং হঞ্জিন্না লৈবা ত্রাইবেল লমদমশিংদা হকশেলগী সেবা ফংহন্নবা আয়ুশ্মান আরোগ্য মন্দির লাখ ১.৭৫ হেন্না লিংখৎতুনা লায়রবশিংবু মরুওইনা লৌনবা সরকারগী অচেৎপা ফিরেপ অদু পল্লদুনা, প্রধান মন্ত্রীনা খুঙ্গংগী সেনিতেসনগী ইম্পেক্ত অদুসু পনখি। “লায়রবশিংগী ইমুংশিংদা তোইলেৎ অমসুং সেনিতেসনগী খুদোংচাবশিং ফংহল্লকপা মতমদা, লায়না কয়াগী রিস্কসু হন্থরকই” হায়না পি.এম. মোদীনা হায়খি।

লায়রবা ইমুংশিংদা শেল তানবগী খুদোংচাবশিং হেনগৎহনবা হায়বসি লায়রবা মুথৎপদা মরুওইনা য়াওরি হায়না পল্লদুনা প্রধান মন্ত্রীনা হায়খি মদুদি মুদ্রা য়োজনাগী মখাদা লায়রবশিং, দলিতশিং, তুং কোইনা চৎলবা কাংলুপশিং অমসুং ত্রাইবেল কম্ম্যুনিতীশিংদা কান্নবা ফংহন্দুনা কোল্লাতরেল ফ্রী লোন ওইনা লুপা করোর লাখ কয়া পীখি। “মসিগী খুত্থাংদা, মখোয়দা মাংলোমদা চংশিন্নবা অনৌবা মশানা মশাদা থাজবা পোকহনখি,” হায়না শ্রী মোদীনা ফোংদোকখি।

চাউখৎ-থৌরাংগী লমদা মতম শাংনা শোত্থদুনা লাকখিবা লমদমশিংদা পান্দম থমদুনা খোঙথাং কয়া পায়খৎলিবা অদু পল্লদুনা, ত্রাইবেলগী মীশিং য়াম্না লৈবা এস্পিরেস্নেল দিস্ত্রিক্ত ১০০ হেন্না অমসুং এস্পিরেস্নেল ব্লোক ৫০০ হেনবদা স্পেসিএল কেম্পেন অমা অমসুং পি.এম. কৃশি ধন ধন্যা য়োজনাগী মখাদা লৌউ-শিংউগী লমদা শোত্থরবা দিস্ত্রিক্ত ১০০দা লৌউ-শিংউগী লমদা অনৌবা খুদোংচাবশিং ফংহন্নবা অকনবা খোঙথাং অমা পায়খৎলি হায়না প্রধান মন্ত্রীনা ফোংদোকখি। পি.এম. মোদীনা হায়খি, “মসিগুম্বা অপুনবা হোৎনবশিং অমসুং সবকা সাথ, সবকা বিকাসকী মন্ত্র অসিনা লৈবাক অসিগী লায়রবশিংদা অনৌবা মশাগী থাজবা অমা পীখি, অমসুং লায়রবা করোর কয়ানা লায়রবা মায়থিবা পীবা ঙম্মি উৎখি”।

গরচিরোলী অমসুং অতোপ্পা ত্রাইবেল বেল্তশিংদা ত্রাইবেল কম্ম্যুনিতীশিংদা খ্বাইদগী চাউনা শাফু অমা পীখিবা, লৈবাক অসিগী অনিশুবা মাইলস্তোন ওইরিবা নক্সেলিজমদগী নীংখা তম্বগী মতাংদা পল্লদুনা, প্রধান মন্ত্রীনা হায়খি মদুদি জিলা ১২৫ রোম নক্সেলিজম্না শোকহল্লি, চহি খুদিংগী হিংসাগী থৌদোক চা কয়া থোক্লি অমসুং অয়াম্বনা ত্রাইবেলগী ইচিল-ইনাওশিং, মীওই লিশিং কয়াগী পুন্সি মাংহল্লি। ঙসি নক্সেলিজম লোইশিল্লকপগা লোয়ননা, মমাশিং অমসুং নৌনা ঙাকশেল ফংলবা ইচিল-ইনাওশিংনা সরকারদা য়াইফ-থৌজাল পীরি অমরোমদা মখোয়গী অঙাং ওইরিঙৈগী মতম মুনবিখ্রবা নহারোলশিংনা মহৈ-মশিং তম্বা অমসুং থবক ফংলি। নুমিৎ খরনিগী মমাংদা ছত্তিসগরগী বাস্তরদা সেক্যুরিতী ফোর্সকা লোয়ননা দীপাবলী পাংথোকখিবা অদু প্রধান মন্ত্রীনা নীংশিংখি। “গরচিরোলী য়াওনা মমাংদা নক্সেলনা শোকহল্লবা মফম পুম্নমক্তা, হন্দক্কী দিৱালী অসিদা, দিয়াগী মঙালশিংগা লোয়ননা, মীচম মীয়ামদা আশাগী মঙাল ফংলে,” হায়না পি.এম. মোদীনা ফোংদোকখি।

ভারতকী খুমাং চাউশিল্লকপদা ত্রাইবেল কম্ম্যুনিতীশিংগী থৱায় য়াওনা শরুক তম্লিবা অদু পল্লদুনা অমসুং লৈবাক অসিগী খ্বাইদগী ৱাংবা ওফিস অসি ত্রাইবেল কম্ম্যুনিতীগী মচানুপী অমনা পায়রি হায়বা ৱাফম থম্লদুনা প্রধান মন্ত্রীনা লৈবাক অসিগী অপুনবা চাউথোকচবা ফোংদোকখি। শ্রী মোদীনা হায়খি, “ঐখোয় পুম্নমক্না রাস্ত্রপতি দ্রৌপদী মুর্মুজীগীদমক চাউথোকচরি”।

জনজাতিয়া গৌরব দিবসকী য়াইফ পাউজেলগা লোয়ননা মহাক্কী ৱারোল লোইশিনবদা, প্রধান মন্ত্রীনা প্রজাশিংদা ভগবান বিরসা মুন্দাগী পুন্সিদগী ইথিল লৌনবা হায়খি। পি.এম. মোদীনা হায়খি, “ঙসি অসি ভগবান বিরসা মুন্দাদগী ইথিল লৌদুনা, ঐখোয়না বিক্সিত ভারতকী মঙলান অদু মপুং ফাহন্নবগীদমক ঐখোয়গী ইনর্জী হেন্না থাদবগী মতম ওইরে।”

Janjatiya Gaurav Diwas celebrates the rich heritage, culture and contributions of India’s tribal communities. https://t.co/jaafdnMJ6n

— Narendra Modi (@narendramodi) November 15, 2026

15 नवंबर 2021 से जनजातीय गौरव दिवस मनाने की जो शुरुआत हुई, आज वो एक राष्ट्रीय उत्सव बन चुका है: PM @narendramodi

— PMO India (@PMOIndia) November 15, 2026

एक समय था, जब हमारे देश में अनेक दिवस और उत्सव विदेशी दृष्टिकोण से तय होते थे।

लेकिन आज भारत अपनी विरासत को, अपने इतिहास को, अपने नायकों को स्वदेशी स्वाभिमान के साथ याद कर रहा है।

ये हमारी राष्ट्रीय चेतना में आए एक बड़े परिवर्तन का प्रतीक है: PM @narendramodi

— PMO India (@PMOIndia) November 15, 2026

देश की दो बड़ी उपलब्धियों की चर्चा हर जगह हो रही है।

पहली उपलब्धि है देश के करीब 50 करोड़ लोगों की भीषण गरीबी को परास्त करना।

और दूसरी उपलब्धि है, देश का नक्सलवाद…माओवादी आतंक से मुक्ति पाना: PM @narendramodi

— PMO India (@PMOIndia) November 15, 2026

हमने उन क्षेत्रों पर भी विशेष ध्यान दिया, जो लंबे समय तक विकास में पीछे रह गए थे।

देश के 100 से अधिक आकांक्षी जिलों और 500 से अधिक आकांक्षी ब्लॉकों में विशेष अभियान चलाया।

इनमें बड़ी संख्या में जनजातीय आबादी वाले क्षेत्र शामिल हैं।

अब पीएम कृषि धन धान्य योजना के तहत कृषि के क्षेत्र में पिछड़े 100 जिलों पर भी विशेष ध्यान दिया जा रहा है: PM @narendramodi

— PMO India (@PMOIndia) November 15, 2026

*****