ভারতকী প্রধানমন্ত্রী

ফ্রান্সকী রাস্ত্রপতি শ্রী ইমানুয়েল মেক্রোন্না ২০১৯গী মে ২৩দা প্রধান মন্ত্রী শ্রী নরেন্দ্র মোদীগী মফমদা তেলিফোন তৌরক্তুনা মহাক্না মীখলদা মায় পাক্লকপদা নুংঙাইবা ফোংদোকখ্রে।

লুচিংবা অনিনা ভারত অমসুং ফ্রান্সকী মরক্তা স্ত্রাতেজিক পার্তনরশিপকী মরি মখা তানা চেৎশিলহন্নবগী মায়কৈদা পুন্না থবক তৌমিন্ননবা মখোয়গী ৱাফমশিং অদু অমুক হন্না ফোংদোক্নখি। য়াম্না লুবা হিরমশিংদা ভারতপু মতেং পাংবীবগীদমক প্রধান মন্ত্রী মোদীনা ফ্রান্সপু থাগৎপা ফোংদোকখি।

প্রধান মন্ত্রী মোদীবু দেমোক্রেতিক ৱার্ল্দগী মকোকল থোংবা লুচিংবা অমা ওইনা শিংথারদুনা রাস্ত্রপতি মেক্রোন্না প্রধান মন্ত্রী মোদীবু লৈবাক অনিগী ওইবা মীফম অমগীদমক অমদি বাইরিজতা পাংথোক্কদৌরিবা জি ৭ মীফমদসু শরুক য়ানবগীদমক ২০১৯গী ওগস্ত থাদা ফ্রান্সতা লাক্নবা বার্তন তৌরকখি।

******