ভারতকী প্রধানমন্ত্রী
প্রধানমন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ভারত্তা পব্লিক ত্রান্সপোর্ত ফিভম ফগৎহন্নবা মিনিস্ত্রী ওফ রোদ ত্রান্সপোর্ত এণ্ড হাইৱেজ অমসুং গ্রেতর লন্দন ওথোরিতী এক্ত, ১৯৯৯ (য়ুকে) গী মখাদা লিংখৎখিবা অইন্না য়ারবা বোদী অমা ওইরিবা ‘ত্রান্সপোর্ত ফোর লন্দন’ গী মরক্তা এমওয়ু খুৎয়েক পিনবা অমসুং চৎনহনবগী অয়াবা পিখ্রে ।
এমওয়ু অসিনা লৈবাক অসিদা পব্লিক ত্রান্সপোর্ত সিস্তেম ফগৎহনবা, পেসেঞ্জর সর্বিস ফগৎহনবাদা মতেং ওইরগনি অমসুং ভারত্তা হাই কেপাসিতী বসশিং শিজিন্নহল্লগনি । মসিনা ভারত অমসুং য়ুনাইতেদ কিংদমগী মরক্তা অচেৎপা মরি অমা মতম শাংনা লৈরগনি অমসুং নাকল অনিগী ওইবা মরি হেন্না ফগৎহল্লগনি ।
এমওয়ু অসিনা পুম্নমক্কী ওইনা ইন্তেগ্রেতেদ পব্লিক ত্রান্সপোর্ত মপাঙ্গল কনখৎহনবদা মতেং ওইরগনি । মসিনা সমাজকী লাইরবা কাংলুপকী প্রজাবু মগুণ লৈবা পব্লিক ত্রান্সপোর্ত সিস্তেম ফংহনবদা মতেং ওইরগনি ।
