ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা স্তেন্দিং কম্মিতী ওন ফাইনান্স (এস.সি.এফ.)কী হায়জরকপা ৱাফমগী মতুংইন্না অনরেগুলেতেদ দিপোজিৎ স্কিম্স বিল, ২০১৮ থিংজিন্নবা ওফিসিয়েল এমেন্দমেন্তস চৎথবদা অয়াবা পীখ্রে। অনরেগুলেতেদ দিপোজিৎ স্কিম্স বিল, ২০১৮ থিংজিন্নবা ২০১৮গী জুলাই ১৮দা পর্লিয়ামেন্তা পুখৎখি অমদি এস.সি.এফ.দা রিফর তৌখি, মদুনা হায়রিবা বিল অসিদা মসিগী তরেৎশুবা রিপোর্ত ২০১৯গী জনুৱারী ৩দা পর্লিয়ামেন্তদা পিশিনখি।

শক্তমশিং:

• বিল অসিদা সবস্তেন্তিব বেন্নিং ক্লোজ অমা য়াওরি মদুনা দিপোজিৎ তেকরশিংবু প্রমোৎ তৌবা, ওপরেৎ তৌবা, মখল অমত্তগী অনরেগুলেতেদ দিপোজিৎ স্কিমদা এদভর্তিজমেন্ত ইশু তৌবা নত্ত্রগা দিপোজিৎশিং লৌশিনবা থিংলি।

• বিল অসিনা তোঙান তোঙানবা মখল অহুমগী মরালশিং শেমলি, মখোয় অদুদি, অনরেগুলেতেদ দিপোজিৎ স্কিমশিং চত্থবা, রেগুলেতেদ দিপোজিৎ স্কিমশিংদা নমথাক তৌবা, অমসুং অনরেগুলেতেদ দিপোজিৎ স্কিমশিংগা মরী লৈননা অরানবা দোকুমেন্ত শিজিন্নবা।

• বিল অসিদা অসিগুম্বা থৌওং অসি তোকহন্নবা অকনবা চৈরাক ফংহনবা অমদি ফাইন চাউনা থিহনবা য়াওরি।

• বিল অসিদা অদুগুম্লবা থৌওংশিংদা দিপোজিৎ তৌরবা শেনফম হন্দোকপা নত্ত্রগা পীথোকপগী থৌরাং য়াওরি মদুনা আইন্না য়াদবা মওংদা দিপোজিৎ তৌবা হেঙ্গৎপা মেনেজ তৌরগনি।

• বিল অসিদা কোম্পিতেন্ত ওথোরিতীনা প্রোপরতীশিং / এসেৎশিং এতেচ তৌবা য়াহল্লি;

• মরন মথুম ফাজিন্নবা অমদি দিপোজিতরশিংবু শেল হন্দোক্নবগীদমক অকক্নবা মতম পারি;

• বিল অসিনা লৈবাক অসিদা দিপোজিৎ তেকিং এক্তিবিতীশিংদা ইনফোর্মেশন খোমজিন্নবা অমসুং সেয়র তৌনবগীদমক ওনলাইন সেন্ত্রেল দেতাবেজ অমা শেমবা ঙমহল্লগনি;

• বিল অসিনা দিপোজিৎ তেকর অমসুং দিপোজিৎপু খঙহন্নবগীদমক শন্দোক্না তাক্লি;

• দিপোজিৎ তেকরশিংদা লেজিস্লেসন্না ইনকোর্পোরেৎ তৌরবা অদুগুম্বা অকক্নবা এনতাইতীশিং নত্তনা (ইন্দিবিজুয়েলশিং য়াওনা) ওইথোকপা য়াবা পুম্নমক য়াওরি;

• দিপোজিৎপু মওং অমদা দিফাইন তৌরি মদুনা দিপোজিৎ তেকরশিংবু কেমোফ্লেজিং পব্লিক দিপোজিৎতগী রিসিপ্তস ওইনা অথিংবা থম্লি; অমসুং

• কমপ্রেহেন্সিব য়ুনিয়ন লো অমা ওইবনা বিল অসি স্তেত লোশিংদগী খ্বাইদগী ফবা প্রেক্তিসশিং এদোপ্ত তৌই।
য়ুমফম:

শেল-থুম মন্ত্রীনা বজেৎ ৱারোল ২০১৬-১৭তা লাওথোকখি মদুদি অরানবা মওংদা শেল তুংশিল্লিবা স্কিমশিংগী খুদোংথিবদগী ঙাকথোক্নবা কমপ্রিহেন্সিব সেন্ত্রেল লেজিস্লেসন অমা শেম্লগনি মরমদি হন্দক্কী থা খরা অসিদা অসিগুম্বা মখলগী স্কিমশিংগী থোংদা লৈবাক পুম্বগী তোঙান তোঙানবা মফমশিংদা মশিং থিঙমদ্রবা মীয়ামশিংবু য়াম্না চাউনা শেল-থুমগী নমথাক তৌখিবগী ৱাফম লাক্লি। স্কিমশিং অসিনা খ্বাইদগী শোকহল্লিবা অসি লায়রবশিং অমসুং শেল থুমগী ফিভম ফত্ত্রবশিংদনি, অমদি অসিগুম্বা স্কিমশিংগী ওপরেসনশিং অসি তোয়না রাজ্য কয়াদা শন্দোকখ্রি। আর.বি.আই.না পীরকপা ইনফোর্মেশনগী মতুং ইন্না জুলাই, ২০১৪ অমসুং মে, ২০১৮গী মতমগী মনুংদা অনওথোরাইজ স্কিমশিংগী কেস ৯৭৮ তোঙান তোঙানবা রাজ্যশিং অমসুং য়ুনিয়ন তেরিতোরীশিংদা স্তেত লেভেল কোওর্দিনেসন কম্মিতীদা খন্না নৈনখি। অসিগুম্বা মখলগী খুদম কয়া অমা লৈবাক অসিগী নোংপোক থংবা শরুকতা রিপোর্ত তৌরি। মখা তারকপা ওইনা শেল-থুমগী মন্ত্রীনা বজেৎকী ৱারোল ২০১৭-১৮দা লাওথোকখি মদুদি আইন্না য়াদবা দিপোজিৎ স্কিমশিংগী কিহনলক্লিবা অসি ককথৎনবা দ্রাফ বিল পব্লিক দোমেন্দা থম্লে অমদি মসি ফাইনেলাইজ তৌরবা মতুং অথুবা মতমদা পুথোক্লগনি।

***