ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ইনস্তিত্যুৎ ওফ চার্তর্দ একাউন্তেন্স ওফ ইন্দিয়া (আই সি এ আই) অমসুং সাউথ আফ্রিকান ইনস্তিত্যুৎ ওফ চার্তর্দ একাউন্তেন্স (এস এ আই সি এ)কী মরক্তা তৌনবা ম্যুচুয়েল রিকোগনিসন এগ্রীমেন্তা অয়াবা পীখ্রে।

অকুপ্পা ৱারোল:

একাউন্তিং নোলেজ, প্রোফেস্নেল অমসুং ইন্তিলেকচুয়েল দিবেলপমেন্ত, মখোয়গী মীহুৎশিংগী ইন্তরেস্ত হেঙ্গৎহন্নবা অমদি সাউথ আফ্রিকা অমসুং ভারত্তা একাউন্তিং প্রোফেসনগী চাউখৎ-থৌরাংদা কান্নবা মওংদা শরুক য়ানবগীদমক আই সি এ আই অমসুং এস এ আই সি এগী মরক্তা তৌনবা ম্যুচুয়েল রিকোগনিসন এগ্রীমেন্ত (এম আর এ) অদু ইকায় খুম্নদুনা মন্ত্রীমন্দলনা অয়াবা পীখি।

এগ্রীমেন্ত অসিনা পাংথোক্কদবা:

i. হৌজিক লৈরিবা আই সি এ আই ক্বালিফিকেসন অদুগী মথক্তা লোকেল একাউন্তেন্সী ক্বালিফিকেসনগা লোয়ননা ইন্দিয়ান একাউন্তেন্সী প্রোফেস্নেল্সকী রিকোগনিসন্দা লায়থোকহল্লগনি, মদুনা সাউথ আফ্রিকাগী কৈথেলশিংদা মখোয়গী প্রোফেস্নেল এভেন্যুশিং হেঙ্গৎহল্লগনি।

ii. একাউন্তিং ইনস্তিত্যুৎ অনিগী মরক্তা অকনবা ৱার্কিং রিলেসন্স থৌগৎপা

iii. লৈবাক অনিমক্কী মরক্তা প্রোফেস্নেলশিংগী চৎথোক চৎশিন হেঙ্গৎহল্লগনি, মদুনা লৈবাক অনিমক্তা অপীকপা অমসুং ময়াই ওইরপ্পা ললোন ইতিক্কীদমক অনৌবা মায়কৈ অমা ফংলগনি।

য়ুম্ফম:

আই সি এ আই অসি ভারত্তা চার্তর্দ একাউন্তেন্সীগী প্রোফেসন রেগুলেৎ তৌনবা ভারত পর্লিয়ামেন্তকী এক্ত অমা ওইরিবা চার্তর্দ একাউন্তেন্স এক্ত, ১৯৪৯গী মখাদা লিংখৎপা আইন্না য়ারবা বোদী অমনি। এস এ আই সি এ অসি সাউথ আফ্রিকাদা খ্বাইদগী মাংজিল থারিবা একাউন্তেন্সী বোদীনি অমদি মালেমগী ওইনা মকোক থোংবা ইনস্তিত্যুৎশিংগী মরক্তা অমনি।