ভারতকী প্রধানমন্ত্রী
প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা তেলঙ্গনা সরকারদা এন.তি.পি.সি. লিমিতেদকী তেলঙ্গনা সুপর থর্মেল পাৱর প্রোজেক্ত (৪০০০ মেগা ৱাৎ)তগী জেনরেৎ তৌরিবা অদুগী চাদা ৮৫ অমসুং ঝারখন্দগী রাজ্য সরকারদা এন.তি.পি.সি. লিমিতেদকী সবসিদরী কম্পেনী অমা ওইরিবা পাত্রাতু বিদ্যুৎ উতপাদন নিগম লিমিতেদ (পি.ভি.য়ু.এন.এল.)গী পাত্রাতু থর্মেল পাৱর স্তেসন (৪০০০ মেগা ৱাৎ)দগী পাৱর চাদা ৮৫ এলোকেৎ তৌনবা মিনিস্ত্রী ওফ পাৱরনা হায়জরকপদা অয়াবা পীখ্রে।
শন্দোকপা ৱাফম:
প্রোজেক্ত অনিমক ফেজ অনিদা শেমগৎকনি। তেলঙ্গনা সুপর থর্মেল পাৱর প্রোজেক্ত পেদ্দাপল্লী জিলাগী রামাগুন্দমদা শারগনি অমসুং পত্রাতু সুপর থর্মেল পাৱর স্তেসন ঝারখন্দগী রামগর জিলাগী পত্রাতুদা শারগনি। তি.এস.তি.পি.পি. গী অহানবা ফেজদা অমমমদা ৮০০ মেগা ৱাৎকী য়ুনিৎ অনি অমদি অনিশুবা ফেজদা, অমমমদা ৮০০ মেগা ৱাৎকী য়ুনিৎ অহুম মনুং চনগনি। পাত্রাতু থর্মেল পাৱর স্তেসন (পি.তি.পি.এস.)দা অহানবা ফেজদা অমমমদা ৮০০ মেগা ৱাৎকী য়ুনিৎ অহুম অমদি অনিশুবা ফেজদা অমমমদা ৮০০ মেগা ৱাৎকী য়ুনিৎ অনি মনুং চনগনি।
অন্ধ্র প্রদেশ রিওর্গনাইজেসন এক্ত, ২০১৪না এক্ত অসিগী তরাহুমদোই শুবা সেদ্যুলদা পল্লিবা অদুম্না তি.পি.সি.না মহুৎ শিলহৌবা রাজ্য তেলঙ্গনাদা ৪০০০ মেগা ৱাৎ পাৱর ফেসিলিতী অমা লিংখৎনবা অয়াবা পীরি।
পি.তি.পি.এস. এক্সপান্সন প্রোজেক্ত (৪০০০ মেগা ৱাৎ)তগী চাদা ৮৫ পাৱর এলোকেসন তৌবা অসি পি.তি.পি.এস.কী ৪০০০ মেগা ৱাৎ কেপাসিতী এক্সপান্সনগীদমক ঝারখন্দ সরকার অমসুং এন.তি.পি.সি. লিমিতেদকী মরক্তা পাংথোকখিবা জোইন্ত ভেঞ্চর এগ্রীমেন্তা মরুওইবা কন্দিসন ওইখি।
হৌজিক্কী ওইনা প্রোজেক্ত অনিমক্কী ফেজ-১ শেমগৎ শাগৎলি। তেলঙ্গনা সুপর থর্মেল পাৱর প্রোজেক্ত অসি ২০২০-২০২১গী অহুমশুবা ক্বাতরদা কম্মিসন তৌবা য়ারি। ইনভেস্তমেন্ত এপ্রুবেল দেতেদ ২৯.০১.২০১৬গী মতুং ইন্না তেলঙ্গনা সুপর থর্মেল পাৱর প্রোজেক্ত (তি.এস.তি.পি.পি.)কী ইন্দিকেতিব কমপ্লিসন কোস্ত অসি লুপা কোতি ১১৮১১.২৬নি মদুগী মনুংদা ২০১৮গী মার্চ ফাওবদা লুপা কোতি ১৮৪৯ চাদিং তৌখ্রে।
মখা তারকপদা, পত্রাতু সুপর থর্মেল পাৱর স্তেসনগী ফেজ-১ ২০২২-২০২৩গী মরিশুবা ক্বাতরদা কম্মিসন তৌবগী থাজবা থম্লি। ইনভেস্তমেন্ত এপ্রুবেল তাং ৩০.১০.২০১৭কী মতুং ইন্না পি.তি.পি.এস. এক্সপান্সন প্রোজেক্তকী ইন্দিকেতিব কমপ্লিসন কোস্ত অসি লুপা কোতি ১৮৬৬৮নি মদুগী মনুংদা ২০১৮গী মার্চ ফাওবদা লুপা কোতি ২৪৭.৬৬ চাদিং তৌখ্রে।
শাফু:
তি.এস.তি.পি.পি.দগী তেলঙ্গনা রাজ্যদা অহেনবা পাৱর এল্লোকেসন তৌবনা মহুৎ শিলহৌবা রাজ্যগী খোংজেল অমসুং তুং কোইবা চাউখৎ-থৌরাংগীদমক অন্ধ্র প্রদেশ রিওর্গনাইজেসন এক্তকী তরাহুমদোইশুবা সেদ্যুলদা পল্লিবা অদুম্না কেন্দ্র সরকারনা দরকার লৈবা খোংথাংশিং শোয়দনা পায়খৎলগনি। পি.তি.পি.এস.তগী ঝারখন্দ রাজ্যদা অহেনবা পাৱর এল্লোকেসন তৌবনা রাজ্য অসিগী মৈগী অৱাৎপা লৈরিবা অদু মেন্সিনবদা মতেং ওইরগনি। মসিনা মীপুম খুদিংমক্তা মৈ ফংহন্নবগী মায়কৈদা সরকারগী মিসন অদু লায়থোকহল্লগনি।
