ভারতকী প্রধানমন্ত্রী
প্রধান মন্ত্রী শ্রী নরেন্দ্র মোদীগী লুচীং মখাদা পাংথোকখিবা মন্ত্রীমন্দলগী মীফম্না জিওসিংক্রোনস সেতলাইৎ লোঞ্চ ভেহিকল মার্ক-IIIগী থবক-থৌরম মখা চৎথনবগীদমক শেন্থং পীবদা অয়াবা পীখ্রে মসিদা জি.এস.এল.ভি. (মার্ক-III)গী ফ্লাইৎ তরা (১০) য়াওরি লোইননা মসিগী হোৎতোক্লবা চংগদবা শেনফম অসি লুপা কোতি ৪৩৩৮.২০নি। মসিগী শেনফম লুপা কোতি ৪৩৩৮.২০ অসিদা জি.এস.এল.ভি. মার্ক-III ভেহিকলশিং, মথৌ তাবা খুদোংচাবশিং, থৌরম শিল্লাংবা অমসুং লোঞ্চ কেম্পেনগী শেনফমসু য়াওরি।
জি.এস.এল.ভি. মার্ক-IIIগী থৌরম মখা চৎথবা-ফেজ ১ অসি ফ্রাইৎশিং পাংথোক্নবগী অহানবা খোংথাংনি মসিনা লৈবাক অসিগী সেতলাইৎ কম্যুনিকেসনশিংগী মথৌ তাবশিং মপুং ফাহন্নবগীদমক তন ৪ লুম্বা ক্লাসকী কম্যুনিকেসন সেতলাইৎশিং পুবা ঙমহল্লগনি।
জি.এস.এল.ভি. মার্ক-III অসি মথৌ তৌহনবা অসিনা তন ৪ লুম্বা ক্লাসকী কম্যুনিকেসন সেতলাইৎশিং পুবা ঙমহনবনা মরম ওইদুনা লৈবাক অসি মরোমদোম লেপচবা ঙমহল্লগনি অমসুং মসিদগী ঐখোয়গী লৈবাক্কী স্পেস ইনফ্রাস্ত্রকচর মপাঙ্গল কলহনবদা, লোইননা মীরম লৈবাকশিংগী মপান তাংবদগী কনবা ঙমলগনি।
জি.এস.এল.ভি. মার্ক-IIIগী মখা চৎথবা থৌরম-ফেজ ১গী মখাদা খুঙ্গংগী ব্রোদবেন্দ কনেক্তিবিতীদমক্তা অৱাংবা সেতলাইৎ থাদোকপগী লৈবাক্কী ওইবা মথৌ তাবা অদু মপুং ফাহনবা, দি.তি.ঐচ., ভিসেৎ অমসুং তেলিভিজন শন্দোকপশিংনা ত্রান্সপোন্দরশিং ফংবা হেনগৎহনবা লোইননা লেংহন্দনা থম্নবগীদমক কম্যুনিকেসন সেতলাইৎশিংগী মথৌ তাবশিং মপুং ফাহল্লগনি।
জি.এস.এল.ভি. মার্ক-IIIগী মখা চৎথবা থৌরম-ফেজ ১না জি.এস.এল.ভি. মার্ক-III লোঞ্চ ভেহিকলগী ওপরেরেস্নেল ফ্লাইৎশিংগী অহানবা ফোজ ওইরগনি অমসুং মসিগী অয়াবা পীবা অসিদগী ২০১৯-২০২৪গী মতম ফাওবদা সেতলাইৎ মিশন মপুং ফাহনবদা মতেং ওইরগনি।
য়ুম্ফমঃ
জিওসিংক্রোনস সেতলাইৎ লোঞ্চ ভেহিকল মার্ক-III (জি.এস.এল.ভি. এম.কে.-III) অসি জিওসিংক্রোনস ত্রান্সফর ওর্বিৎ (জি.তি.ও.)দা তন ৪ লুম্বা সেতলাইৎশিংগী ক্লাস লোঞ্চ তৌনবগীদমক্তা শেমখিবনি। মসিনা ২০১৪দা চাংয়েংগী ওইবা ফ্লাইৎ অমা (এল.ভি. এম.৩-এক্স.) পাংথোকখি অমসুং ২০১৮-১৯গী অনিশুবা শরুক্তা দিবেলপমেন্ত ফ্লাইৎ (জি.এস.এল.ভি. এম.কে.III-দি১) পাংথোকখি। মখা চৎথবা থৌরম-ফেজ ১না তন ৪ লুম্বা কম্যুনিকেসন সেতলাইৎ ক্লাসকীদমক্তা শুন্দ্রংদা মনীং তম্না য়ৌশিনবা ঙমহল্লগনি অমসুং লৈবাক অসিগী মথৌ তাবশিং অদু মপুং ফাহনবগা লোইননা লোঞ্চ তৌবগী থবকশিংগীদমক্তা মালেমগী কৈথেলদা মসিগী ললোন-ইতিক্কী ওইবা তৌব-ঙম্বশিং অদু পুক্নীং থৌগৎনবা কম্যুনিকেসন তন ৪ লুম্বা সেতলাইৎকী ক্লাসশিং লোঞ্চ তৌবদা জি.এস.এল.ভি. এম.কে.-III অসি মতিক লৈবা ভেহিকল অমা ওইনা শেমগৎলগনি।
