ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীগী লুচীং মখাদা কেন্দ্রগী মন্ত্রীমন্দলনা তুরিজমগী লমদা তেংবাং পীনবা হেনগৎহন্নবগীদমক ভারত অমসুং মাল্তাগী মরক্তা তৌনবা য়ানা চেরোল (এম.ও.য়ু.)দা অয়াবা পীখ্রে। এম.ও.য়ু. অসিদা মাল্তাগী রাস্ত্রপতিনা ভারত্তা লাক্কদৌরিবা মহাক্কী খোংচৎ মনুংদা খুৎয়েক পীনগনি।

মরুওইবা শক্তমশিং:-

এম.ও.য়ু. অসিগী মরু ওইবা পান্দমশিং মখাদা পীরিঃ-

১. লৈবাক অনিমক্তা তুরিজম ইন্দস্ত্রীগী মগুন লৈবা মফম হেনগৎহনবা,

২. ভারত অমসুং মাল্তাগী লমদম ফাওদুনা মালেম পুম্নমক্তগী তুরিস্তশিং লৈবাক অনি অসিদা, লাকপা হেনগৎহনবা

৩. তুরিজমদা হ্যুমেন রিসোর্স দিবেলপমেন্ত লোইননা লৈবাক অনিমক্তা লম কোইবগা মরি লৈনবা ইন্দস্ত্রীদা পুক্নীং থৌগৎপা,

৪. অনৌবা তুরিজমদা থৌদাং য়াবা, মহৌশাগী অমসুং খুৎশেমগী ওইবা নাৎকী লন-থুমগী থোংদা তুরিজম ফংহনবা, তুং কোইগদবা তুরিজমগী চাউখৎ-থৌরাং অমসুং ই-পাউগী তেক্নোলোজী শিজিন্নবা।

৫. লৈবাক অনিগী মীয়ামগী মরক্তা লৈনরিবা মরি হেনগৎহন্নবগী পাম্বৈ ওইনা তুরিজম্বু শকখঙবা।

কান্নবাঃ

এম.ও.য়ু. অসিদগী লৈবাক অনি অসিদা তুরিজমগী লমদা তেংবাং পীনবগী ইন্সতিত্যুস্নেল মেকানিজম শেম্বদা মতেং ওইরগনি। মসিদগী ভারতনা মাল্তাদগী লাক্কদবা মীরমগী তুরিস্তশিংদগী কান্নবা ফংবা ঙম্লগনি। মদুনা মরম ওইদুনা শেনমিৎলোনগী চাউখৎপা অমসুং থবক ফংনীংঙাইগী মরম অমা ওইরগনি।

এম.ও.য়ু. অসিদগী তেংবাং পীনবগী পাক চাউরবা ফ্রেমৱর্ক অমসুং তেংবাং পীনবগী লমশিংগী মনুংদা স্তেকহোল্দর পুম্নমক্তা কান্নবা ফংননবা কুইনা চৎনগদবা তুরিজমগী ফিভম অমা শেম্লগনি। মসিদগী পান্দম অদু ফংননবা খ্বাইদগী ফবা থবকশিং য়াওহনবগী ওইথোকপশিং খঙবা ঙম্লগনি।।