ভারতকী প্রধানমন্ত্রী
প্রধান মন্ত্রী শ্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা নই দিল্লীগী নজফগরগী রুরেল হেল্থ ত্রেনিং সেন্তর (আর.ঐচ.তি.সি.)দা চাউরাক্না লুপা কোতি ৯৫ রোম চংগদবা ফমুং ১০০ লৈবা জেনরেল হোস্পিতাল শাবা অঅসুং মদুগী মথৌ পাংথোকপদা অয়াবা পীখ্রে।
প্রোজেক্ত অসি চহি অনিগী মমাংদা নজফগরগী অকোইবদা লৈবা খুঙ্গং ৭৩দা তারিবা মী মশিং লাখ ১৩.৬৫দা হকশেলগী খুদোংচাবশিং ফংহন্নবা ফমুং ১০০ লৈবা হোস্পিতাল শানবগীদমক মীতমখি।
হোস্পিতাল অসিদা ব্লদ বেঙ্ক, দাইগ্নোস্তিক সর্বিসশিং, অমসুং তোঙানবা আউৎ পেসিয়েন্ত দিপার্মেন্ত (ও.পি.দি.) য়াওনা ওব্সতেত্রিক্স অমসুং গায়নীকোলোজী, পেদিয়েত্রিক্স অমসুং সর্জরীদা মরু ওইবা ক্লিনিকেল সর্বিস মরি ফংহনগনি। মদুগী মনুংদা জেনরেল মেদিসিন, সর্জরী, দেন্তেল, ই.এন.তি., ওপথালমোলোজী, ওদিওমেত্রী অমসুং পেদিয়েত্রিক ক্যের ও.পি.দি.গীদমক দাক্তর ৩০, নর্স ৪০ অমসুং ৫০দগী হেনবা এলাইদ অমসুং হেল্থক্যের স্তাফশিং লৈগনি।
হোস্পিতাল অসিদগী মফম অসিগী মীওইশিং মরু ওইনা নুপী অমসুং অঙাংশিংগুম্বা খুদোংচাবা ফংবা ৱাৎলবশিংগীদমক হকশেলগী খুদোংচাবা ফংহনবা ঙমলগনি। মসিনা লমদম অসোমদা মীয়ামদা অঙাং অমসুং মীরোনবীশিংগী ঙকশেলগী থবকশিং, ত্রাউমা সর্বিসশিং অমসুং বেসিক প্রাইমরী দাইগ্নোস্তিক, থেরাপেতিক, প্রিভেন্তিব অমসুং ক্যুরেতিব সর্বিসশিং ফংহল্লগনি।
হোস্পিতাল অসিগী বিভাগ খুদিংমক অমসুং মথৌ তারিবা হ্যুমেন রিসোর্সশিংগা লোইননা মে ২০২০ ফাওবগী মনুংদা মপুং ফানা থবক পাইখৎপা হৌবগী পান্দম থম্লি।
