ভারতকী প্রধানমন্ত্রী
কেন্দ্রগী মন্ত্রীমন্দলনা নেস্নেল কম্মিসন ফোর সফাই কর্মচারী (এন.সি.এস.কে.)গী মতম ৩১.০৩.২০১৯দগী চহী অহুম মখা তানা শাংদোক্নবা অয়াবা পীখ্রে
শক্তমশিং:
এন.সি.এস.কে. অসি এন.সি.এস.কে. এক্ত ১৯৯৩গী প্রোবিজনগী মতুং ইন্না ১৯৯৩দা অহানবা ওইনা ৩১.০৩.১৯৯৭ ফাওবগী লিংখৎখি। তুংদা এক্ত অসি চৎনবগী মতম ৩১.০৩.২০০২ ফাওবা অমসুং মদুগী মতুং ২৯.০২.২০০৪ ফাওবা শাংদোকখি। এন.সি.এস.কে. এক্ত অসি ২৯.০২.২০০৪দগী থিংজিনগদবনি। মদুগী মতুংদা এন.সি.এস.কে. মতম অসি অসি নন-স্তেত্যুতোরী বোদী অমা মতম মতমগী ওইনা শাংদোক্তুনা লাক্লি। হৌজিক লৈরিবা কম্মিসন অসিগী মতম অসি ৩১.০৩.২০১৯ ফাওবনি।
চাউনা থেংনরিবা:
প্রপোজেল অসিনা সফাই কর্মচারী অমসুং খুৎনা শেংদোক চামথোকপগী থবক তৌরিবা মীওইশিংদা মরুওইনা কানবা ফংলগনি মরমদি এন.সি.এস.কে.না মখোয়গী য়াইফনবা অমসুং থাক হেঙ্গৎহন্নবা থবক তৌগনি। ৩১.০১.২০১৯গী মতুং ইন্না এম.এস. এক্ত সর্ভেগী মখাদা শকখঙলবা খুৎনা শেংদোক চামথোকপগী থবক তৌরিবা মীওইশিংগী মশিং অসি ১৪২২৬নি অমদি নীতি আয়োগকী য়াথং মতুং ইন্না সোসিয়েল জস্তিজ অমসুং এমপৱার্মেন্ত মন্ত্রালয়না চত্থখিবা নেস্নেল সর্ভেগী মখাদা মশিং অসি ৩১১২৮ ওইরি।
য়ুমফম:
এন.সি.এস.কে.না সফাই কর্মচারীশিংগী য়াইফনবা, সফাই কর্মচারীশিংগী হৌজিক লৈরিবা ৱেলফেয়র প্রোগ্রামশিং নৈননবা অমসুং তশেংনা খঙদোক্নবা অখন্নবা প্রোগ্রামগী মখাদা সরকারদা মসিগী রিকমেন্দেসন পীরি। অদুম ওইনমক সরকারনা সফাই কর্মচারীশিংগী থাক হেঙ্গৎহন্নবগীদমক খোংথাং কয়া অমা লৌখৎলি, অদুবু মখোয়না সমাজগী ওইনা, শেল-থিমগী ওইনা অমসুং মহৈ মশিংগী ওইবা মওংদা মায়োক্নরিবা খুদোংচাদবশিং অদু লোইশিনহনবদা মতম চংখিগনি।
মরম অদুনা সফাই কর্মচারীশিংগী য়াইফনবগীদমক অমসুং লৈবাক অসিদা খুৎনা শেংদোক চামথোকপগী থবক তৌবগী থৌওং অসি মপুং ফানা ইরিদিকেৎ থৌনবা সরকারনা মশিং য়াম্লবা ইন্তর্বেন্সনশিং অমসুং ইনিসিয়েতিবশিং মখা তানা মোনিতর তৌবা মথৌ তারি হায়বা সরকারনা ফাওরি। মরম অদুনা মন্ত্রীমন্দলনা নেস্নেল কম্মিসন ফোর সফাই কর্মচারী (এন.সি.এস.কে.)গী মতম ৩১.০৩.২০১৯দগী চহী অহুম মখা তানা শাংদোক্নবা হায়জরকপা অদু অয়াবা পীখ্রে।
