ভারতকী প্রধানমন্ত্রী

 প্রধানমন্ত্রী শ্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা ‘পুলিস ফোর্সকী মোদর্নাইজেসন তৌবা (এমপিএফ)’দা চহি ২০১৭-১৮দগী চহি ২০১৯-২০ ফাওবগীদমক্তা মখোয়গী অয়াবা পীখ্রে। চহি অহুমগী মনুংদা মসিগীদমক্তা লুপা কোতি ২৫,০৬০গী শেনফম থাদোকপগী ৱাফম য়াওরি মসিগী মনুংদা লুপা কোতি ১৮,৬৩৬না কেন্দ্র সরকারনা অদুগা লুপা কোতি ৬,৪২৩না রাজ্য সরকারগী শরুক্নি।

মরুওইবা ৱাফমশিং:

• স্কিম অসিগী মখাদা লৈবাক মনুংগী ওইবা চেকশিন-থৌরাং, কাংলোনগী থৌরাং, নুপীশিংগী ঙাকশেল, অনৌবা মখলগী খুৎলাইশিং ফংহনবা, পুলিস ফোর্সশিংগী মোবিলিতী, লোজিস্তিক সপোর্ত, হেলিকোপ্তর ৱাইবা, পুলিস ৱায়র্লেস অপগ্রেদ তৌবা, নেস্নেল নেৎৱর্ক সেতলাইৎ, সিসিতিএনএস প্রোজেক্ত, ই-প্রিজন প্রোজেক্তশিং য়াওরি।
• অম্ব্রেল্লা স্কিম অসিদা জম্মু অমসুং কশ্মীর, অৱাং নোংপোক্কী রাজ্যশিং অমসুং লেফত ৱিং এক্সত্রীমিজমনা শোকহল্লবা মফমশিংগীদমক্তা লৈবাক মনুংগী ওইবা চেকশিন থৌরাংগা মরি লৈনবা চাদিংগীদমক্তা লুপা কোতি ১০,১৩২গী কেন্দ্রগী বজেৎসু য়াওরি।
• এলদব্ল্যুইনা হেন্না শোকহল্লবা জিলা ৩৫দা লুপা কোতি ৩,০০০গী অখন্নবা কেন্দ্রগী তেংবাং (এসসিএ)গী থৌরাং তৌখ্রে। মসিদগী হায়রিবা জিলাশিং অসিদা ঙাক-শেল লোইননা চাওখৎ থৌরাংশিং পাইখৎপা ঙমহল্লগনি।
• অৱাং নোংপোক রাজ্যশিংদা পুলিস ইনফ্রাস্ত্রকচর অপগ্রেদিং, ত্রেনিং ইন্সতিত্যুৎ ইনবেস্তিগেসন ফেসিলিতিজগীদমক্তা লুপা কোতি ১০০ কাইথোকখ্রে।
• স্কিম অসি থবক্তা ওন্থোকপনা এলদব্ল্যুইনা শোকহল্লবা মফমশিং, জম্মু-কশ্মীর অমসুং অৱাং নোংপোককী লমদমনচীংবা তোঙান তোহানবা রাজ্যশিংদা শিংনবশিংবু কান্নবা মওংদা মায়োক্নবদা সরকারনা মতেং ফংলগনি অমসুং হিংবগী মগুন হেনগৎহন্নবীদমক চাওখৎ-থৌরাংদা লাক্কদৌরিবা অপনবশিং লানথোকপা ঙমহল্লগনি অমসুং মসিগা লোইননা শিংনবশিংবু কান্নবা মওংদা মায়োক্নবদা মতেং ফংলগনি।
• ফোরেন্সিক সাইন্স লেবোরেতোরিশিং লোইননা ইন্সতিত্যুৎশিং অমসুং মখোয়দী লৈরিবা খুৎসু-খুৎলাইশিং য়াওনা ইনফ্রাস্ত্রকচরশিং অপগ্রেদ তৌনবা অখন্নবা থৌরাংশিং পাইখৎনবসু রাজ্যশিংদা মতেং ওইনা অখন্নবা অনৌবা খোংথাংশিং হৌদোকখ্রে মসিনা ক্রিমিনেল জস্তিস সিস্তেমগী অৱাৎপশিং মেনখৎপা ঙমহল্লগনি।
• মসিদা নত্তনা, অমব্রেল্লা স্কিমগী মখাদা অমরাবতী, অন্ধ্র প্রদেশতা য়াম্না নৌবা ফোরেন্সিক সাইন্স লেবোরেতোরী অমা লিংখৎপা অমসুং জয়পুরদা সরদার পতেল গ্লোবেল সেন্তর ফোর সেক্যুরিতী অপগ্রেদ তৌবা, জয়পুরদা কাউন্তর তেরোরিজম অমসুং এন্তি ইন্সর্জেন্সী অমসুং গান্ধী নগরদা গুজরাৎ ফোরেন্সিক সাইন্স য়ুনিবর্সিতী লিংখৎপগী থৌরাংসু তৌরে।

‘পুলিস ফোর্সশিং মোদর্নাইজেসন তৌবা (এমপিএফ)’গী অম্ব্রেলা স্কিমনা মখোয়বু মোদর্নাইজ তৌদুনা কেন্দ্র অমসুং রাজ্যগী পুলিস ফোর্সশিংগী মপাঙ্গল অমসুং মথৌনা হেনগৎ হনবদা অদুক্কী মতিক মতেং ওইনরগনি।