ভারতকী প্রধানমন্ত্রী

প্রধানমন্ত্রী শ্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা ভারত অমসুং পোলেন্দগী মরক্তা সিবিল এবিয়েসনগী লমদা তেংবাং পীনবা হেনগৎহন্নবগীদমক তৌনবা য়ানা ৱারোল (এমওয়ু)দা খুয়েক পীননবা অয়াবা পীখ্রে। এমওয়ু অসি লৈবাক অনিগীদমক্তা সরকার অনি অসিনা অয়াবা পীরবা মতুংদা খুয়েক পীনগনি। এমওয়ু অসি চহি মঙা চৎনগনি।

এমওয়ুগী পান্দম অসি ভারত্তা লমদম অসিগী এয়র কনেক্তিবিতী মশক থোক্না শেমগৎনবা অমসুং চাওখৎনবগী মরম অমা ওইরিবা সিবিল এবিয়েসনগী লমদা তেংবাং পীনবগী নাকল অনিগী ওইবা কান্নবা অদুবু খঙমিন্নবনি। মসিদা নত্তনা নাকল অনিমক্না ইনভাইরনমেন্তেল তেস্তিং নত্রগা এপ্রুবেলশিং, ফ্লাইৎ সিমুলেতরশিং য়েংশিনবা অমসুং অয়াবা পীবা, এয়রক্রাফ্ত মেন্তিনেন্সকী খুদোংচাবশিং অয়াবা পীবা, মেন্তিনেন্স পার্সোনেলশিংগী অয়াবা পীবা অমসুং এয়রক্র্যু মেম্বরশিংগী অয়াবা পীবগী নাকল অনিগী ওইবা কান্নবশিং অদু খঙমিন্নগনি।
নাকল অনিগী ওইবা তেংবাং পীনবগী খুদোংচাবা হেনগৎহন্নবগী য়ানা ৱারোল অসিগী মরু ওইবা লমশিং মখাদা পীরিঃ

অ) ভারত অমসুং পোলেন্দগী মরক্তা তেংবাং পীনবা হেনগৎহনবা য়াবা মখল অমা হেক্তগী লিগেল অমসুং থৌওং নাইনা চৎথনীংঙাই ওইবা হিরম খুদিংমক য়েংশিন্দুনা সিবিল এবিয়েসন মার্কেত্তা মতেং পাংবা।

আ) এয়র ত্রান্সপোর্তকী ঙাকশেল অমসুং শোইদা ঙামদবা হেনগৎনবগীদমক এবিয়েসনগী কাংলোনশিং, লম লমগী এয়র ওপরেসনশিং, পাইবা য়াননবা মচাক মথুমশিং ঙাক-শেলগী থাক্কা মরি লৈননা মন্ত্রালয়শিং অমসুং মরি লৈনবা সিবিল এবিয়েসন ওথোরিতিশিংগী মরক্তা ই-পাউ অমসুং খঙ-হৈবশিং পীথোক-পীশিন তৌনবা; অমসুং/নত্রগা

ই) অশোই অঙাম য়েংশিনবা, পাইবা য়াহনবা, ফ্লাইৎ ওপরেসনশিং, লাইসেন্সিং, কাংলোন অমসুং থবক পাংথোকপনচিংবদা এবিয়েসন সেফলি হায়বা হিরম অসিদা ত্রেনিং প্রোগ্রামশিং পুন্না শেমগৎমিন্নবা অমসুং/নত্রগা শিল-লাংবা অমসুং/নত্রগা পাংথোকপা অমসুং/নত্রগা

ঈ) সিবিল এবিয়েসনগা মরি লৈনবা লমশিংদা কাংলুপ অনিগী মীহুৎশিংনা শরুক য়াদুনা এবিয়েসনগা মরি লৈনবা খন্ন-নৈনবশিং, পুন্না শিল-লাংমিন্নবা অমসুং/নত্রগা মীফমশিং অমসুং প্রোফেসনেল সেমিনারশিং, ৱার্কশোপশিং, তোকশিং অমসুং এবিয়েসনগা মরি লৈনবা অতৈ থবক-থৌরমশিং পাংথোকপা অমসুং/নত্রগা

উ) কাংলুপ অনিগী কান্ননবগীদমক মন্ত্রালয়শিং অমসুং সিবিএল এবিয়েসনগী মরক্তা চাওখৎ থৌরাংগা মরি লৈননা ই-পাউ, লৌশিং, অখঙ-অহৈশিং পীথোক পীশিন তৌননবা চাং নাইনা ৱারি-ৱাতাই তৌনবা নত্রগা মীফমশিং পাংথোকপা;

ঊ) এবিয়েসনগী ঙাক-শেলগী ওইবা হিরমশিং অমসুং নাকল অনিগী ওইবা কান্নবা হিরমশিংদা থিজিন-হুমজিনবদা তেংবাং পীনবা।

ঋ) মথক্তা পনখ্রিবা লমশিং অসিদা তেংবাং পীনবগা মরি লৈনবা অতৈ হিরমশিং।