ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ভারত অমসুং বোলিবিয়াগী মরক্তা তৌনবা জিওলোজী অমসুং মিনরেল রিসোর্সকী লমদা তেংবাং পীননবা য়ানা ৱারোলদা অয়াবা পীখ্রে। য়ানা ৱারোল অসি ২০১৯গী মার্চ থাদা বোলিবিয়াদা খুৎয়েক পীনখি।

ইথিল:

য়ানা ৱারোল অসিনা ভারত অমসুং বোলিবিয়াগী মরক্তা মিনরেল রিসোর্সকী লমদা তেংবাং পীননবগীদমক ইন্সতিত্যুস্নেল মেকানিজম অমা ফংহল্লগনি। য়ানা ৱারোল অসিদা রিসোর্সশিং, লো অমসুং পোলিসী, সেমিনরশিংগী ওর্গনাইজেসন্দা ই–পাও পীথোক–পীশিন তৌনবা, দিবেলপমেন্ত স্ত্রাতেজীশিংদা মীৎয়েং পীথোক–পীশিন তৌনবা, লৈবাক অনিগী মরক্তা তেক্নোলোজীশিং ত্রান্সফর তৌনবদা পুক্নিং থৌগৎপা, ভেল্যু এদিসন য়োকখৎতুনা চে–চাং লোইশিনবা অমদি শন্দোকপনচিংবা থৌওংশিং লৌখৎপা ঙমহল্লগনি।