ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ভারত অমসুং য়ু.এস.এ.গী মরক্তা রিজেনরেতিব মেদিসিন অমসুং 3D বাইওপ্রিন্তিং, অনৌবা তেক্নোলোজীশিং, সাইন্তিফিক ওইবা ৱাখল্লোনশিং/ইনফোর্মেশন অমসুং তেক্নোলোজীশিং অমসুং সাইন্তিফিক ইনফ্রাস্ত্রকচর পুন্না শিজিন্নবগী লমদা তৌনবা ইন্তর-ইন্সতিত্যুস্নেল এগ্রীমেন্তা অয়াবা পীখ্রে।

কান্নবশিং:

এগ্রীমেন্ত অসিগী মখাদা অপুনবা রিসর্স প্রোজেক্তশিং, ত্রেনিং প্রোগ্রামশিং, কনফরেন্সশিং, সেমিনারশিং অসিনচিংবা পুম্নমক মতিক চারবা সাইন্তিস্তশিং অমসুং তেকেনোলোজিস্ত পুম্নমক্তা হাংদোক্লগনি, অমসুং সাইন্তিফিক মেরিৎ অমসুং এক্সিলেন্সতা য়ুম্ফম ওইরগা মতেং পাংগনি। রিজেনরেতিব মেদিসিন অমসুং 3D বাইওপ্রিন্তিংগী লমদা সাইন্তিফিক রিসর্স অমসুং তেক্নোলোজী দিবেলপ তৌবনা অনৌব ইন্তিলেকচুয়েল প্রোপর্তী, প্রোসেসশিং, প্রোতোতাইপশিং নত্ত্রগা প্রদক্তশিংগী লমশিংদা সাইন্তিফিক রিসর্স অমসুং তেক্নোলোজী দিবেলপ তৌগনি।

ইন্সতিত্যুৎ অনিমক্না এগ্রীমেন্ত অসিগী মখাদা মুন্না খন্নরবা জেনরেল একাদেমিক একচেঞ্জ তৌবনা অখন্নবা প্রোজেক্তশিং চাউখৎহল্লগনি, মদুগী মনুংদা একাদেমিক, ক্লিনিকেল অমসুং কমর্সিয়েল ইম্প্লিকেসন ওইবা য়াই।

শক্তমশিং:

এগ্রীমেন্ত অসিগী পান্দমদি একাদেমিক কোলাবোরেসনগী থোংদা ইন্সতিত্যুসন অনিমক্কী রিসর্স অমসুং এজুকেসনগী চাউখৎ থৌরাংগী মায়কৈদা শরুক য়াবনি। কমন ইন্তরেস্তকী জেনরেল এরিয়াশিংদা খঙলিবা অদু একচেঞ্জ তৌনবদা অনিমক্না পীনবদা য়াওরিবদি:

 (১)   অখন্ননা 3D বাইওপ্রিন্তিংগী লমশিংদা ফেকল্তী মেম্বরশিং অমসুং ত্রেনিংগীদমক মহৈরোইশিং, স্তদী অমসুং রিসর্স একচেঞ্জ তৌবা;

(২)   জোইন্ত রিসর্স প্রোজেক্তশিং পাংথোকপা;  অমসুং

(৩)  ইনফোর্মেশন অমসুং একাদেমিক পব্লিকেশনশিং একচেঞ্জ তৌবা।

য়ুম্ফম:

সাইন্স অমসুং তেক্নোলোজীগী লমশিংদা লৈবাক অনিগী কান্ননবগীদমক্তা ভারত সরকার অমসুং য়ুনাইতেদ স্তেৎস ওফ অমেরিকাগী মরক্তা হেন্না চেৎপা অমসুং মতম শাংনা তেংবাং পীনবদা ভারত সরকারনা থম্লিবগী মনুংদা ভারত সরকারগী দিপার্তমেন্ত ওফ সাইন্স এন্দ তেক্নোলোজী (দি.এস.তি.)গী মখাদা জাতিগী মরুওইবা ইন্সতিত্যুৎ অমা ওইরিবা শ্রী চিত্রা তিরুনেল ইন্সতিত্যুৎ ফোর মেদিকেল সাইন্সেস এন্দ তেক্নোলোজী (এস.সি.তি.আই.এম.এস.তি.), ত্রিবান্দম্না ইন্সতিত্যুৎ ফোর রিজেনরেতিব মেদিসিন, নোর্থ কেরোলিনা, য়ু.এস.এ.গী মায়কৈদগী ৱেক ফোরেস্ত য়ুনিবর্সিতী হেল্থ সাইন্সেকা লোইননা একাদেমিক কোওপরেসন্দা এগ্রীমেন্ত অমা চত্থথি। এগ্রীমেন্ত অসি শ্রী চিত্রা তিরুনেল ইন্সতিত্যুৎ ফোর মেদিকেল সাইন্সেস এন্দ তেক্নোলোজীগী মায়কৈদগী এস.সি.তি.আই.এম.এস.তি.গী দাইরেক্তর প্রোফেসর অশা কিশোর অমসুং ইন্সতিত্যুৎ ফোর রিজেনরেতিব মেদিসিন, নোর্থ কেরোলিনা, য়ু.এস.এ.গী মায়কৈদগী ৱেক ফোরেস্ত য়ুনিবর্সিতী-হেল্থ সাইন্সেসকী চিফ সাইন্স ওফিসর অমসুং রিসর্স এদমিনগী সেনিয়র এসোসিয়েৎ শ্রী গ্রেগোরী বর্ক অমসুং দাইরেক্তর প্রোফেসর এন্থোনী অতলানা ২০১৮গী দিসেম্বর ১৩দা খুৎয়েক পীনখি।