ভারতকী প্রধানমন্ত্রী
প্রধানমন্ত্রী শ্রী নরেন্দ্র মোদীগী লুচীং মখাদা কেন্দ্রগী মন্ত্রীমন্দলনা “ভারত অমসুং ইথোপিয়াগী মরক্তা ইনফোর্মেসন, কম্যুনিকেসন অমসুং মেদীয়াগী লমদা তেংবাং পীনবগী য়ান-ৱারোলদা” খুয়েক পীননবগী অয়াবা পীখ্রে।
মসিগী পান্দম লৈবাক অনিগী মরক্তা ইনফোর্মেসন, কম্যুনিকেসন অমসুং মেদীয়াগী হেনগৎলক্লিবা ইচেলগী ইনফোর্মেসন দিস্সিমিনেসন অমসুং হেনগৎলক্লিবা চাওখৎ-থৌরাং অসিগীদমক মসিবু শিজিন্নবনি। মসিদগী পীথোক-পীশিনগী থৌরাংনা মীগা-মীগা মরি লৈনবসু হেনগৎহল্লগনি। মসিদগী ইনফোর্মেসন, কম্যুনিকেসন অমসুং মেদীয়াগী লমদা খ্বাইদগী ফবা খোংথাংশিংবু লৈবাক অনিগী মরক্তা শরুক য়ামিন্নবগীসু তাঞ্জা ফংলগনি।
য়ান্ন-ৱারোল অসিদগী রেদিও, তেলিবিজন, সোসিএল মেদীয়াগুম্বা মাস মেদীয়া তুলশিংদা তেংবাং পীনবা হেনগৎহল্লগনি অমসুং লৈবাক অনিগী মরক্তা মীয়ামশিংনা পাউ ফাওনবগী তাঞ্জাসু ফংহল্লগনি।
য়ান্ন-ৱারোল অসিনা ইন্সতিত্যুস্নেল ফ্রেমৱার্ক্কী থোংদা লৈবাক অনিগী মরক্তা দোলিগেসনশিং পীথোক-পীসিন তৌনবা, মখোয়বু অমনা অমগী খ্বাইদগী ফবা থবক-থৌরমশিংদগী তমজনবা, মান্নবা অমসুং মপুং ফাবগী তাঞ্জা পুরকহল্লগনি।
