ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ভোপাল মেমোরিয়েল হোস্পিতাল এন্দ রিসর্স সেন্তর, ভোপালদা থবক তৌরিবা জেনরেল দ্যুতি মেদিকেল ওফিসারশিং, স্পিসিয়েলিস্ত গ্রেদ দোক্তরশিং অমসুং তিচিং মেদিকেল ফেকল্তিগী থবক্কতগী পোত্থাবগী চহি সেন্ত্রেল হেল্থ সর্বিসেসকী দাক্তরশিং অমসুং অতোপ্পা কেন্দ্র সরকারগী হোস্পিতালশিং/ইন্সতিত্যুৎশিংদা থবক তৌরিবা দাক্তরশিংগুম্না চহি হুমফুমঙাদা শাংদোকহন্নবা হকশেল অমসুং য়াইফ য়ুম্বাল মন্ত্রালয়গী দিপার্তমেন্ত ওফ হেল্থ রিসর্সনা হায়জরকপা অদুদা অয়াবা পীখ্রে।

সেন্ত্রেল হেল্থ সর্বিসেসকী জেনরেল দ্যুতি মেদিকেল ওফিসারশিং অমসুং তিচিং, নন-তিচিং অমসুং পব্লিক হেল্থ সব-কেদর্স য়াওনা স্পিসিয়েলিস্তশিংগী থবক্তগী পোত্থাবগী চহি অসি ২০১৮গী জনুৱারিদা থোকপা নোতিফিকেসন অমদা চহি হুমফুমঙাদা হেঙ্গৎখি।

সরকারগী ৱারেপ অসিনা ভোপাল মেমোরিয়েল হোস্পিতাল এন্দ রিসর্স সেন্তরদা ফেকল্তি অমসুং স্পিসিয়েলিস্ত দাক্তরশিংগী অৱাৎপা লৈরিবা অদু মেন্সিনবা ঙম্লগনি অমদি ভোপাল গ্যাস ত্রেজেদিগী ভিক্তিমশিং অমসুং মখোয়গী ইমুং মনুংগী মীওইশিংদা অনাবশিংগী সেবা হেঙ্গৎহল্লগনি।