ভারতকী প্রধানমন্ত্রী

প্রধানমন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা পর্লিয়ামেন্তদা পন্দুনা লৈরকপা মেজর পোর্ত ওথোরিতিজ বিল ২০১৬তা ওফিসিএল এমেন্দমেন্তশিং পুন্সিনবদা অয়াবা পীখ্রে । এমেন্দমেন্তশিং অসি দিপার্তমেন্তকী মরি লৈনবা পর্লিয়ামেন্তরি স্তেন্দিং কমিতীগী হায়জরপা অদুদা য়ুমফম ওইরি ।

মখাদা পীরিবা অহোংবশিং অসি হাপচিল্লে:

(i)    পোর্ত্তা থবক তৌরিবশিংগী মরক্তগী পোর্ত ওথোরিতী বোর্দদা এপোইন্ত তৌগদবা লেবরশিংগী মীহুৎকী মশিং অমদগী অনিদা হেঙ্গৎহল্লে ।   

(ii)    এমপ্লোইশিংগী ইন্তরেস্ততা রিপ্রজেন্ত তৌরিবা মেম্বর অদুনা চহি অহুমগী ওইনা ওফিস পাইগনি অমসুং থংনবা তর্ম অনিদগী হেন্না ওফিস পায়বা য়ারোই অমসুং মহাক্কী বোর্দ মেম্বরশিপ অদু মহাক্না পোত্থাখিবগা লোয়ননা লোইখিগনি ।

(iii)   পোর্ত ওথোরিতী বোর্দ অদুদা ইন্দিপেন্দেন্ত মেম্বরশিংগী মশিং য়ামদ্রবদা অনিদগী য়াম্লবদা মরী লৈগনি ।

(iv)  মেজর পোর্ত ত্রস্ত এক্ত, ১৯৬৩গী মখাদা বোর্দ ওফ ত্রস্তীজদগী মখল অমত্তগী রিত্যর্মেন্ত বেনিফিত ফংলম্বা মীপুম খুদিংমক চপ মান্নবা কান্নবা অদু বোর্দতগী মখা তানা ফংখিগনি ।

(v)  মেজর পোর্ত খুদিংমক্কী বোর্দশিংনা অকক্নবা মাস্তর প্লান শেমগৎনবা থবক পায়খৎকদবনি  অমসুং অসিগুম্বা মাস্তর প্লান অসিদা কনাগুম্বা লোকেল নত্রগা রাজ্য সরকারগী রেগুলেসন্দগী মনিং তমগনি ।  

(vi)  পিপিপি প্রোজেক্তশিংগীদমক এক্ত চৎনরবা মতুং কৈথেলগী ফিভমগী মতুং ইন্না তারিফ ফিক্স তৌবদা অথিংবা লৈরোই ।

(vii)  এক্ত অসিগী থৌরাংগী মখাদা বোর্দনা ফংলিবা শেনফম খুদিংমক ভারত সরকারগী ফাইনান্স মন্ত্রালয়গী গাইদলাইগী মতুং ইন্না হাদোক্লবা নেস্নেলাইজ বেঙ্ক নত্রগা সেদুল বেঙ্ককী অসিগুম্লবা জেনরেল একাউন্ত নত্রগা পোর্তশিংগী একাউন্তশিংদা হাপচিনগনি ।  

(viii) এদজুদিকেতরি বোর্দকী প্রিসাইদিং ওফিসার অমসুং মেম্বরশিং অদু সেলেক্সন কমিতীগী রিকমেন্দেসনগী মতুং ইন্না কেন্দ্র সরকারনা হাপকনি ।  

(ix)  এদজুদিকেতরি বোর্দকী প্রিসাইদিং ওফিসার নত্রগা মেম্বর অমা হেক্তা লৌথোকপগী শক্তী অদু কেন্দ্র সরকারদা লৈগনি ।

(x)  রিপিল অমসুং সেভিংগী মখাদা সেভিং ক্লোজ অমা থমগনি মদুনা মরম ওইরগা  বোম্বে পোর্ত ত্রস্ত এক্ত, ১৮৭৯ অমসুং কলকত্তা পোর্ত ত্রস্ত এক্তা, ১৮৯০গী মখাদা মুম্বাই অমসুং কোলকতা পোর্তনা হৌজিক ফংলিবা কান্নবশিং মখা তানা ফংখিগনি ।