ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা লম লমগী রুরেল বেঙ্কশিংগী রিকেপিতেলাইজেসন স্কিম্বু মথংগী চহি অহুম হায়বদি ২০১৯-২০ ফাওবা শাংদোকহনবগী অয়াবা পীখ্রে। মসিগী থোংদগী আর.আর.বি.না মিনিমম প্রেসকাইব কেপিতেলবু চাদা ৯গী কেপিতেল তু ৱেতেদ এসেৎস রেসিও (সি.আর.এ.আর.)দা থম্বদা মতেং ওইরগনি।

শাফুঃ

অচেৎপা কেপিতেল স্ত্রকচর অমসুং সি.আর.এ.আর.গী খ্বাইদগী তাবা থাক্তগী আর.আর.বি.গী শেল-থুমগী তংদু লৈতাবা ফংলগনি, মসিনা ফাইনান্সিয়েল ইনক্লুজন্দা অচৌবা থৌদাং য়ারগনি অমসুং খুঙ্গংগী লমদমদা ক্রেদিৎকী মথৌ তাবশিং মপুং ফাহনবা ঙমহল্লগনি।

ৱারোলঃ

লৈবাক অসিদা আর.আর.বি. ৫৬ মথৌ পাংথোক্লি। মার্চ ৩১, ২০১৭ ফাওবদা আর.আর.বি.না পুন্না লুপা ক্রোর ২,২৮,৫৯৯গী ক্রেদিৎ পীখ্রে। ক্রেদিৎকী মরু ওইবা মখলশিং মখাদা পীরিঃ-

(লৌথোকফম: নাবার্দ)

আর.আর.বি.গী রিকেপিতেলাইজেসন স্কিম অসি শেনবা চহি ২০১০-১১দগী হৌখি অমসুং মসি ২০১২-১৩ লোইননা ২০১৫-১৬তা অনিরক হন্না শাংদোকখি। অরোইবা শাংদোকপা অদু মার্চ ৩১, ২০১৭ ফাওবগী ওইখি। পুন্না লুপা ক্রোর ১৪৫০গী মনুংদগী ভারত সরকারগী শরুক ওইনা মার্চ ৩১, ২০১৭ ফাওবদা পুন্না লুপা ক্রোর ১১০৭.২০গী শেনফম আর.আর.বি.দা থাদোকখি। লেমহৌবা লুপা ক্রোর ৩৪২.৮০গী শেনফম অদু, ২০১৭-১৮, ২০১৮-১৯ অমসুং ২০১৯-২০গী মতমদা মখোয়গী সি.আর.এ.আর. অদু চাদা ৯দগী তাখিবা আর.আর.বি.শিংগী রিকেপিতেলাইজেসনগী মতেংগীদমক্তা ফংহনখি।

নাবার্দকা তান্নদুনা রিকেপিতেলাইজেনগী মথৌ তাবা আর.আর.বি.শিংগী মশক খঙদোক্কনি।

থৌরাং অসি শেনবা চহি ২০১৮-১৯গী শেল-থুম মন্ত্রীগী বজেৎকী ৱারোলগী অহেনবা শরুক ওইগনি। বজেৎকী ৱারোলদা ফাইনান্সিয়েল ওইবা মওংদা অচেৎপা আর.আর.বি.ওইননবা ভারত সরকার, রাজ্য সরকার অমসুং স্পোন্সর বেঙ্কতা নত্তনা অতৈ সোর্সশিংদগীসু কেপিতেল খোমজিনবগী অয়াবা পীগনি।

য়ুম্ফমঃ 

আর.আর.বি. অসি খুঙ্গংগী লমদা অপীকপা অমসুং ঙমখৈ লৈবা লৌমীশিং, লৌফমগী শিন্মীশিং, থৌমীশিং অমসুং অপীকপা ইন্ত্রপ্রিনরশিংদা ক্রেদিৎ ফংহন্নবগী পান্দমদা লিংখৎখিবনি। মসিগী পান্দম খু্ঙ্গংগী লমদমদা লৌউ-শিংউবা, ললোন-ইতিক, কমর্স, ইন্দস্ত্রী অমসুং অতৈ পোৎথোক পুথোকপশিং চাউখৎহনবনি। আর.আর.বি. অসি ভারত সরকার, মরি লৈনবা রাজ্য সরকার লোইননা স্পোন্সর বেঙ্ককী অপুনবা ভেঞ্চর অমনি মসিদা কেপিতেলগী শেয়র অসি মথংশিৎনা ৫০%, ১৫%, অমসুং ৩৫%নি।