ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা য়ুমলৈ-কৈরৈ মন্ত্রালয়না শকখঙলবা তৱার লোকেসন ৪০৭২দা মোবাইল সর্বিস ফংহন্নবা য়ুনিবর্সেল সর্বিস ওব্লিগেসন ফন্দ [য়ু এস ও এফ] সপোর্তেদ স্কিমদা অয়াবা পীখ্রে। মসি লেফত ৱিং এক্সত্রিমিজম [এল দবল্যু ই]না শোকহল্লবা রাজ্য ১০গী জিলা ৯৬কীদমক অনিসুবা ফেজকী প্রোজেক্তনি। প্রোজেক্ত অসিগী অপুনবা শেনফম অসি লুপা কোতি ৭৩৩০ ওইগনি।

নেতৱার্ক অসি এল দবল্যু ইনা শোকহল্লবা এরিয়াশিংদা দিপ্লোই তৌরিবা সেক্যুরিতী পর্সোনেলশিংনা শিজিন্নগনি। প্রোজেক্ত অসিনা লম্বী লমদাং নাতৈ চাদবা খুঙ্গংশিংদা লৈরিবা মীওইশিংগী ইকোনোমিক এক্তিবিতিশিং ফগৎহনবদসু মতেং পাংলগনি। মসিনা চাউখৎত্রিবা অমদি এল দবল্যু ইনা শোকহল্লবা এরিয়াশিংদা দিজিতেল মোবাইল কনেক্তিবিতী ফংহনবগা লোয়ননা ই-গবর্নান্স এক্তিবিতীশিং মথৌ পাংথোকপা ঙমহল্লগনি। রাজ্য ১০দা প্রপোজ তৌরিবা তৱার লোকেসনগী মশিং অদু মখাদা লৈরে:

য়ুমফম:

অ.  এল দবল্যু ই ফেজ-I প্রোজেক্ত 

1. অপুনবা শেনফম লুপা কোতি ৪০৮০.৭৮ কায়থোক্তুনা এল দবল্যু ই এরিয়াশিংদা ২জি তেক্নোলোজী শিজিন্নদুনা মোবাইল সর্বিস ফংহন্নবা এল দবল্যু ই ফেজ I প্রোজেক্ত ।
2. হৌজিক ফাওবদা অপুনবা সাইৎ মশিং ২৩৫৫গী মনুংদা সাইৎ ২৩৩৫ রেদিয়েৎ তৌরে।

আ. এল দবল্যু ই ফেজ-II প্রোজেক্ত  

1. সেক্যুরিতী পর্সোনেলশিংগী কমুনিকেসনগী মথৌ তাবা অদুগীদমক মরি লৈনবা রাজ্যশিংগা তাথোক তাশিন তৌদুনা তৱার লোকেসন ৪০৭২ মশক খঙদোকখি অমদি ২০১৭কী ওক্তোবর ২৭তা দিপার্তমেন্ত ওফ তেলিকম্যুনিকেশন্দা শিন্নখি।
2. স্তেকহোল্দরশিংগী মথৌ তাবশিংগী মতুং ইন্না ফেজ-II প্রোজেক্তা প্রপোজ তৌরিবা তেক্নোলোজী অদু অপগ্রেদ তৌরে। মোবাইল কনেক্তিবিতী ফংহন্নবগীদমক প্রোজেক্ত অসিদা হৌজিক ২জি অমসুং ৪জি তেক্নোলোজী দিপ্লোই তৌরে।